تجربتي مع الكابرس SS

السلام عليكم
والله شيء غريب ناس تقول الكابريس ممتاز وناس تسبه وتكرهه
واكثر المواتر ترى على حسب الاستخذام يعني
بعض السيارات ادا يسوقها اكثر من شخص تروووح فيها وبعض السيارات العكس والله المعين

الكثير من الناس اللي أعرفهم واللي ماأعرفهم تورطوا في هذه الخردة الأسترالية وبمشاكلها .

ول ينفتح الباب زين انك قلعتها
والله انا ناوي على اس اس وشوفها سياره عجيبه

اخي اعتقد انك ماكنت موفق في هذه السيارة وليس العيب في الكابريس لانني امتلك واحدة موديل 2000 والحمدلله السيارة عال العال.

المسألة توفيق من رب العالمين والحمدلله انك مرتاح من سيارتك الجديدة الله يعطيك خيرها ويكافيك شرها

عموماً اخي الكريم خبير سيارات .. انت افدتنا بتجربتك وهو أمر تشكر عليه بكل تأكيد .. سواء كانت التجرية إيجابية أو سلبية !!!
الله يعطيك العافية ،،،

اخوي في فرق بين سيارة عمرها 14 سنة وسيارة ما كملت سنة

على فكرة الباب انفتح معي بدون منعطفات كنت ماشي في خط

شكرا على مرورك اخوي .

اخوي عادي ان الباب ينفتح انا معي صابونة 93 وهيه امريكية ابأ عن جد المهم :- لما كنت امشي وجا منعطف قوي انفتح الباب انا اتفاجأت صراحة دورت يمين يسار وشفت ان القفل مال الباب يبيله تزييت ما كان يقفل عالباب عدل والحمدلله الـ W40 ما قصرت والباب ما عاد ينفتح بتاته البتة

اخوي انت حر تصدقني أو لأ ولكن انا ماعندي مصلحة عشان أكذب

واستخدامي للسيارة عادي جدا وما كنت افحط ولا اتقاوم الا نادر

وانا اصلا ماكنت استخدم السيارة كثير يعني خلال 11 شهر 10 آلاف كيلو فقط

وماحصلي أي حادث لاخفيف ولا قوي الحمدلله .

وما أعتقد ان الاستخدام له علاقة بالباب !!

اسمح لي اخوي اشك بكلامك لانك قلت الباب ينفتح وانت تمشي..!!!

زين شلون استخدامك للسياره وهل صار معك حادث فيها ..؟؟

شباب عندنا كابريس موديل 89 شارينه علئ وقته وكاله والموتر ورده طيب كيف تقولون الكابريس مو زين

بالنسبه للكابريس فالموتر بسم الله عليه قوه وأداء عالي
بس المشكله في الخرابات
وراح أوضح شيء مهم أحد الزملاء معه كابريس LTZ v8 2006
ويشتكي من الخرابات ولما سألن واحد من الزملاء معه معرض وش السبب
قال الكابريس يجي على دفعتين
دفعه أولا : وهذا أخيس شيء
دفعه ثانيه :وهذا الأفضل
وفي أي سياره الدفعه الثانيه أفضل
لأن بعد ظهور عيوب الدفعه الأولى يتم تفاديها في الدفعه الثانيه
ويمكن التميز بين الدفعه الأولى والدفعه الثانيه وهذا إلي أعرفه بفتحت السقف الدفعه الأولى تجي على الجوانب جلد بارزه أعلى من سطح السياره
أما الدفعه الثانيه تجي بدون جلد يعني مع السطح ما تميز عنها وعن السطح إلا باللون
والمعذره على الإطاله

أخوي مجنون سارة الرجل ما غلط حتى تكلمه بالهجة هذه

وحاب أقولك أنه أحد الاعضاء كذلك أشتكى من الكابرس وهي ماشية

أعتقد 25 ألف كيلو فقط

والاخوان ذكروا انه ليس من الضروري أن تكون جميع المشاكل

التي مرت على الاخ صاحب الموضوع موجودة بكل الكوابرس

ولله ان أحد الاصدقاء جار له يشتكي من الكابرس ويقول انه خايس

والله لكن يوم سألته عن الاستخدام قالي ما فيه رحمه يشغل ويمش

عموماً الرجل باع السيارة ونزل الموضوع واشترى سياره ثانيه

فما نقول له غير مبروك والله يعطيك خيرها ويكيفك شرها

وبالتوفيق ,,,

العفو مشرفنا

القصد من كتابة تجربتي هو للفائدة العامة

وانا معاك ان السيارات بشكل عام حظوظ ولكن في هولدن اكثر من 75%

من سياراتهم فيها مشاكل .

مو بس في الكابرس واللومينا...

حتى كل السيارات...ألاحظ أن نفس السيارة ونفس الموديل صاحب الأولى
اشتكى من مشكلة معينة وتلاقي الثاني ما اشتكى منها...

يعني المشكلة في السيارة مو ضروري تكون مشتركة...
مثل قصة أخونا خبير السيارات...

المشاكل اللي واجهته مو ضروري تطلع في سيارة مثلها...

بس عندنا لو واحد اشتكى من سيارة يعني لازم كل السيارات زيها :(
ولو واحد ما اشتكى من سيارة لازم كل السيارات ما تشتكي زيها :(

شكرا لك خبير السيارات على طرح تجربتك...

شئ غريب ..ممكن الاستخدام
كان بإمكانك رفع شكوى إلى الوكالة أو إلى الشركة الأم وتعويضك خصوصا أن المشاكل التي ذكرتها كبيرة ولاتحتمل السكوت
وقد تكون عيوب مصنعية
لكن الحمد لله افتكيت منها

وللأمانه



بخصوص قولك أن الكابرس الجديد مسأله حظوظ


أنا أأيد كلامك نسبيا :rolleyes: ,, ولد عمي معاه 2001 مطلعه وكاله عمره ما أشتكى من شيئ

مع أن أستخدامه سيئ جدا لا وبعد راعي خطوط ( يعني جلد الموتر جلد ) ماشااااااااء الله


لكن الأكثريه توهقوا فيه ... |5|

ربما هي حظوظ ولكن انا كان حظي سيء جدا ..

شكرا على مرورك مشرفنا

اخوي انا ذكرت مشاكل سيارتي وليس من الضروري ان تكون موجودة في كل السيارات

وبعدين لو تلاحظ ان معظم المشاكل مالها علاقة بسوء الاستخدام هذا اذا فرضنا سوء الاستخدام

وانا استخدم التشارجر منذ 8 شهور ولم تتغير طريقة استخدامي والحمدلله مافيها مشاكل

يا اخوي الاسترالي ما منه فايدة ،، جنرال موتورز حرمتنا من الكابرس واللومينا الحقيقيين

وجابتلنا هولدن .

وشكرا على مرورك

ترا حكاية الفرامل اللي تطلع صوت هذه موجودة في بعض السيارات الجديدة...
منها التشارجر...
سيارتي جديدة وفراملها تصدر صوت مزعج...

لكن الصوت بدأ يختفي تدريجيا مع الاستخدام...

أخويه كان عنده أودي...جديدة...وكانت فراملها تصدر صوت برضه...

والكابرس واللومينا هي حظوظ...واحد يشتري كابرس يطلع سئ وفيه مشاكل..
والثاني يشتري كابرس ويطلع مافيه مشاكل..
وهذا فعلا لاحظته على عدد من ملاك الكابرس,,,, بعضهم يشتكي وبعضهم لا...

ومبروك عليك سيارتك الجديدة..