2008 لاند كروزر--معلومات المحرك الاكيده-والطلبيات

أولاً : مشكور أخوي على الصور

ثانياً : بالنسبة لمكينةالــ VX-R . . يقول 8 سلندر 4700 وبقوة 250 حصاان ؟؟؟ :eek: كيف ومكينة

الـVX-R موديل 2006 و 2007 8سلندر 4700 وبقوه 275 حصااان ؟؟؟؟ مــاأضن ينقصون القوة . .

والعزم المفروض يزود . .

على الموديل الجديـد . . يعني كلام الموظف غــلط بالنسبة للـVX-R . .

وتوقعاتي 85 % الـ VX-R بيكون مثل جيب

اللكزس 5700 . .



تحياتي :


A L R A J H I

............................

والله أنا جاني إحباط إنهم ما نزلو الـ 5.7 لتر.

لكن يبدو إنهم حطو محرك البرادو للـ GXR، مع تعديل بسيط زاد شوي من قوة المكينة. وهذا ممتاز لأن هذا المحرك عملي جداً ومنخفض في الاستهلاك وأقوى من القديم أبو 4.5 لتر.

وهو أقوى من أبو 4.7 لتر في الأحصنة فقط، أما في العزم فأبو 4.7 أعلى بكثيييير، يصل إلى 450 نيوتن.متر. والظاهر إنهم جابو موديل إللي مع VVT-i، لأن القديم كان قوته فقط 230 حصان، وليس 250 حصان.

آآآآه، والله إحباط.

اللي يقول المحرك ما تغير عن القديم عشان ما يزيد سعر السيارة أقوله كيف الأحوال ؟

أبو جميل آخر شخص يفكر بالحرص على أسعاره !!

ثانيا تغيير المحرك ككل ما راح يزيد من سعر السيارة أكثر من 15000 ريال !!

ياخي خل مواصفات السيارة مثل ما هي وأضف خيار المحرك الـ 8 سلندرات !!

ياخي والله بديت أحب الحمراني !

تويوتا الخليج !! خنبقة في خنبقة !! هذولا قسما بالله يسمعون بالمنافسة !!!

الحين سيارة تتغير بعد عشر سنوات !! وبالنهاية نفس المحرك !!

لا بعد من زين الطبايع منزلين محرك 4.0 لتر .. اذا كان المحرك القديم 4.5 بطة وفاشل !

أجل أبو سعة أقل وش بقول عنه ؟ سلحفاة ؟

بس الخلفية غير طبيعية !! برادو مفخم خ خ خ ..

تحياتي لتويوتا ! ( مع ان الشكل عجبني لكن من يوم ما عرفت المحرك انسدت نفسي ) !!

وآخر نقطة ... >>> سعر خرااااااااااااااااااافي !!

والله اني كنت متوقع هذا الشيئ وخصووووووووووووصا مكينة البرادو اللي حاطينها للGXR لان التايوتا لكل سيارات الSUV حقتهم اللي هي 6 سريندل حاطين عليها هالمكينه وتحس ان تيوتا ما عادت مثل اول تصنع مكينه مناسبه لحجم وثقل و الاداء المطلوب من كل سياره على حده وكأنها شركة سيارات صغيره تحاول انها تصنع مكينه وتنتجها وتحطها على مختلف سياراتها و يصبحون فقط يشكلون حديد ويسمون سيارات ولا يتعبون نفوسهم في تكنلوجيا وتطوير مكائن وقيور فقط بييييييييييييييييييييييييييييييييييييييييييييييييييييع
لا تستغربون بكره إذا حطوا نفس الماكينة على الشاص والكبسوله


الآن خلت الساحه (وهي اصلن خالية من 2002) لملك الصحراء بلى منازعه (الباتروووووول)

يعطيك العافيه اخوي على الموضوع.

((ياخبر اليوم بفلوس بكره ببلاش))

شباب انتظرو ا وش العجله عليه كلها اسبوع او اكثر شوي وينزل .

هاذا الكروزر الأمريكي إخوي .... مواصفاتهم غير و ماعندهم إلا هالنوع

طيب وش حكاية هالموقع
http://www.toyota.com/landcruiser/specs.html
يعني ماراح ينزل بالخليج ؟

مكينة ال 4700 هي نفسها 250 حصان ما تغيرت؟؟؟!!!! يعني بدون VVT-i>> يلعبون هاذيله؟ وشلون يبون يسوقووون السيارة دام المكينة هيه نفسها ما تغيرت؟؟؟!!!

اليابان نزلت عندهم 4700 بتقنية الVVT-i بزيادة 53 حصان!!!

واميركا جاتهم ال 5700 بقوة 381 حصان!!!! ولا في كلام عندهم عن وجود ال 4000 الي اهي نفسها مكينة الفورتشونر والبرادو!؟

ما اكذبك يا اخو لانك انت اكيد ناقل الكلام من عند احد المنتديات او احد الشباب.. لكن ما اظنتي هذي هي المواصفات.. الكروزر بيفقد سمعته امام النيسان الي تجهز قنبلة الباترول الجديد والي محركه ما راح يكون اقل من 5000 سي سي .. مع وجود محرك الفتك كمحرك للفئة الستاندرد

إخوي .... عبد الطيف جميل هو أقوى وكيل في الخليج و ماسك وكالة تويوتا فى أكثر من بلد اسيوي برا الخليج و لة دور كبير في تحديد المواصفات للمنطقة..... كافي إن مبيعاتة تساوي مبيعات وكلاء الخليج كلهم مجتمعين ... على فكرة هاذا الكلام ينطبق على الجفالي وكيل المرسيدس كذلك

خلني أعطيك مثال على كلامي:

أبو جميل هو الوكيل الوحيد إلي أعرفة إلي مسموح لة يلعب في السيارة و يغيرها و يعدل في مواصفاتها مثل المسجلات و فتحات السقف و الخطوط الجانبية للسيارة و أشياء ثانية ... يعني يغير في السيارة عشان سعرها يتناسب مع الزبون حقة ... و هاذي حركة ذكية لكن ما يقدر أي أحد يسويها.. لزم تكون عندة كلمة عند الشكرة اللأم عشات يقدر يغير بسياراتهم

صدقني ما جا محرك 5700 إلا و لأبو جميل دور .. و انا ما ألومة لأن محرك 5700 بيرفع قيمة السيارة و راح يبرز الخيارات الأخرى

الف شكر اخي العزيز على التقرير الرائع
بس وبكل اسف خربو الموتر مددو البدي على نفس الشاسيه القديم بدون اي تغيير وهذا يعني هرقلة الموتر
الشئ الثاني وهو اهم شئ فى الاند كروزر الباب الخلفى وصله واحده والقديم وصلتين تفتح السفليه ووتجلس عليها على جال البحر او الشعيب وهو يجري آآآآآآآآآهههههه نعم فقدنا هالميزه

والله احزنني .. ان تكون المحركات الـ v8 نفسها كان ودي بمحرك 5700 اخخخ يالقهر

لكن محرك الـ GX-R السته سلندر هل هو نفسه محرك الفرونتشر والبرادو ؟ وليش خفضوا سعة المكينه ؟ وكم السعر

وصراحه ماهضمته مع الخلف ابدا ماادري ليه .. يمكن تغير نظرتي اذا شفته على الطبيعه



خخخخخخخخخخ عسا ماشر وش دخل ابوجميل .. اخوي هذي السياره المصوره في الامارات وش دخل ابوجميل بالامارات .. لاتعليق على ردك

هاذي و انا أخوك إلي يسمونة....... "بربسة أبو جميل"

ال 6 سلندر محرك جديد بالكامل

اما ال8 سلندر فلا زال المحرك القديم

والله اعلم
تحياتي

الى الان لم يظهر السعر الفعلي

لكن عند الحجز
والاتصال سوف يظهر
تحياتي

على فكرة يالحبيب...

كيف قوة محرك ال6 سلندر أقوى من ال8 ؟؟

سؤال ثاني....إذا حتى الGXR بتجي 8 سلندر مثل الVXR أجل وش صار الفرق بين الأثنين؟؟؟