واتمنى اني ارى ردود حياديه في هذا الموضوع
انا مجرب السوناتا 2002 والازيرا 2007
السوناتا قمه في الاعتماديه في ماعدا بعض المشاكل ( سير التايمينق مايطول + بكرة عمود الزجاج الكهربائي دائماً تفرط وغيرتها 4 مرات ) اما غيره السياره ماتشتكي من شي وتقول يابانيه مشاءالله
الازيرا مثل ما انتو عارفين بالمشاكل اللي طلعت لي من اصوات ديكور ورجه بالبريك ولمة الدرج والطفايه اللي طفو بصراحه بدايتها ماتبشر بالخير ولازلت افكر بجديه في بيعها لكني جالس ادور على موتر يستاهل
انا شريت السوناتا لرخص سعرها وهي بنفس سعر الكورولا لكن من فئه اكبر وهذا اللي خلاني اخذها طبعاً بعد السؤال عنها وكم واحد مدحها لي
الازيرا شريتها بعد ما عشقت السوناتا والهيونداي من تجربتي المرضيه تماماً مع السوناتا
الهيونداي اعيد واكرر ومن تجربتين لا يصل ابداً لمستوى الجوده والاعتماديه لـ تويوتا او هوندا ولكنه متقارب للشركات اليابانيه الاخرى
وايضاً قلة العيوب المصنعيه المتميزه بها هيونداي لاتعني انها اجود من غيرها واعطيكم مثال جيب كامري وجيب سوناتا ومستخدمين لمدة خمس سنوات راح تلاحظ ان الكامري متماسكه اكثر من السوناتا
والخلاصه ان الهيونداي لا يصل للتويوتا والهوندا في الجوده وفي نفس الوقت الهيونداي ليس لثلاث سنوات او ينتهي عمره بأنتهاء الضمان فلي تجربه مع السوناتا تنفى هذه الافتراءات
هذا في مسألة الجوده
نجي للمميزات غير السعر المناسب
سيارات هيونداي تتفوق في نعومة القياده والرساوه والعزل الصوتي << بصراحه هذي النقاط مهمه بالنسبه لي
يعني على سبيل المثال الازيرا بصراحه وبدون ادني مجامله ماراح اقول عنها سياره كوريه هذي سياره اوروبيه برساوتها العاليه جداً وهدوئها ونمط قيادتها شي عجيب فعلاً راح تلاحظه فيها اذا كنت من الناس اللي دايم يسوقون ياباني
لي بعض التعقيبات على ما كتبت :
الأن اللي يشتري هيونداي هل يتوقع انها راح تعمر معه مثل ماتعمر التويوتا؟؟
عن تجربه لا ابداً لا مع تويوتا ولا مع هوندا
هل تثق بها كثقتك بالسيارات الألمانيه؟؟
بدري عليها :)
هل سياراتها خاليه من العيوب أو الأخطاء الفنيه سواء ميكانيكيا او في الكماليات؟؟
مافي سياره بالعالم خاليه من العيوب لكن هيونداي عيوبها قليله مقارنةً بمثيلاتها اليابانيات
هل علبة التروس في سيارات هيونداي أفضل منها في التويوتا مثلا؟؟
مع ان قيور هيونداي مو عاجبتني في بطئ استجابتها الا انها ممتازه في القياده الهادئه, جرب تسوق سيارتك بهداوه وراح يعجبك القير بس اذا بتسوق بطريقه رياضيه بيرفع ضغطك القير
لكن مالاحظت ان تبديلات قيور هيونداي مشابهه للألماني ؟
هل محركاتها تعطي عدد أحصنه وقوه مساويه لمثيلاتها من شركات أخرى وبنفس حجم المحرك؟؟
صحيح في الغالب اقل لكن في الغالب العزم اكثر
سيارتي السوناتا مكينتها 2000 سي سي وعلى ايام 2002 ما كانت تصف معي اي كامري مع انها 2200 سي سي واكثر احصنه
وفي النهايه انا اعترف ان هيونداي ما وصلت لأعرق الشركات اليابانيه في الجوده
وفي نفس الوقت لا يجي احد يقول لي الكوري حق 3 سنوات او كل خرابات
ومشكور على الموضوع يا فيكتور
