أخوكم يبي يشري سياره ويبي شوركم

[sager1]

السلام ليكم ورحمة الله وبركاته ...

حيا الله الشباب -----> مصلحجي

باختصار --- > الزبده

أخوكم معه 150000 ريال ويبي له موتر سنع وصبور
وجايز لي كم سياره منها الإنفينيتي FX35 و الطوارق و BMW X3

و و و .... الجيوب أو السيارات اللي مثلها ---- > مايدري وش تسمى

طبعا ماهو شرط السيارات اللي ذكرت إذا ممكن عندكم سيارات تقترحونها علي او جربتوها

واحسن اماكن للشراء واخوكم من السعوديه لكن اذ فيه فرق كثير بالسعر بأحد الدول المجاوره ما عندي
مانع اني اروح واشريها منها او اذ فيه معارض تقترحونها تكون ارخص

وان شاء الله ما انسى لكم هالجميل وادعيلكم

[البدر 888]

الانفنتي الان 2006 ( 145000 ) الف ريال في الوكالة جديد

[عاشق العباره]

لا تفكر بالبي ام وانا اخوك ...


شوف الانفنتي عجييب الصراحه


واحلى جيب من هالنوعيه جيب البورش ...


الصراحه روووعه هو والرنج روفر سبووورت


كشخه وحركات والانفنتي يجي من بعدهم ...


وانا اشوف الانفنتي احلى من اكس 3 والطوارق


والله يوفقك بأختيارك ان شاءالله


مع التحيه اخوك عاشق العباره

[sager1]

جزاكم الله خير
145000 ريال والله زينه والصراحه عاجبني الإنفينيتي

اما لو فلوسي بتجيب الرنجروفر كان من زمان شريته افل نوع منه ب 250000 ريال وين رايح خخخخ
قد فلوسي مرتين ....

[أبـــوبـــدران]

لكزس 350ES -- انفنتي FX35-45 -- يوكون دينالي -- ......الخ

والله يوفق ..

والسلام عليكمـ

[m123m]

fx الجديد يوصل 170 الى 180 الى اذا 2006 مثل ما قالوا الشباب

ومعلومات من الوكالة تقول انه 2009 بيتغير شكله

اما البي ام انا انصحك تبتعد عنه
الطوارق حلو جدا ولكن رايك قبل كل شي

انا شفت يوكن فل مع شاشات ونفيقيشن 150 الف (من دون دبل)

وترى قبل كل شي رايك هو المهم

[sager1]

جزاكم الله خير والله يبيض وجيهكم ما قصرتوا

والله حلو اليوكن بس كم موديله ؟ بس الدبل حلو مره خصوصا لنا يا معشر الشبيبه

و شكلها على الإنفينيتي بس كم سعر 2007 و 2008 وهل فيه تغيير عن ال 2006

وننتظر باقي الشباب ....

[Night]

اهلا اخي sager1

انا لو خيرت بين تلك السيارات لاخترت الانفينيتي لانها تصميمها ذات جودة عاليه وافضل من الباقي ..

بخصوص التغير اكيد كل سنة عن سنة تختلف التغيرات بلمحرك والاداء والتغير في بعض الخصائص الخارجية والداخليه

صرف البنزين ممتاز

العزل جيد جدا

القوه ممتازه

ممواصفات 2007 و 2008 رااائعه وصار فيها زياده عن 2006 مثل الشاشه والجنط والكثير من المزايا مثل فتح الباب بلمس المقبض

طبعا الشكل راح يتغير 2009 اذا موضوع الشكل مايهمك توكل على الله وخذها لانها ممتازه وماراح تندم ابدا

وانصحك بالجديدة 2008