محتااار أكورد او ألتيماو ليجاسي(2008)

MrBHR @user_51582 · 20-09-2007

السلام عليكم ...

أخوكم محتار بين السيارتين ... الهوندا الاكورد الجديده 2008 اربعه سلندر فل أوبشن .. أو نيسان ألتيما 2008 فل أوبشن ...

هل صحيح ان الالتيما 2008 بتنزل بدفع خلفي ؟؟

و جم تتوقعون سعر الالتيما 6 سلندر ؟

و بالنسبة لليجاسي ، في أحد من البحرين اهني يعرف متى بينزل موديل 2008 ؟ لأن على حد علمي أن الوكالة انتقلت من محمد جلال إلى كانو و لا في خبر للحين عن هالسيارات :confused:

أنا ميزانيتي في حدود ال 9000 دينار ...

أتمنى مساعدتكم، أنا ابي احجز عشان استلم السياره أول ما تنزل !

dreamz @user_41579 · 12-10-2007

ليجاسي
التيما
اكورد
تحياتي

ألتيما اليتيما @user_32524 · 10-10-2007

السلام عليكم

أستغرب من ليس لديه معلومات إلا 10 %

ويرشح

من شاورك دخل في ذمتك

تحيتي

ولد ابوي @user_29939 · 09-10-2007

أنا أقول السوبارو هي الأفضل لأنها دفع رباعي مستمر وبالنسبة للشباب الي يقولون قطع غيارها نار ترا الهندا أغلى منها وفيه واحد من الشباب حط موضوع مقارنة بين قطع غير الليجاسي والأكورد أبحث عنه وستجد الفرق
وطبعا الأكورد تجي بعدها أما الألتيما لم تعجبني إطلاقا.
والسلام عليكم

فارس اللؤلؤ @user_37841 · 09-10-2007

شوف اخي انته سالت في البداية عن اربعة سلندر فانا اقلك الاكورد الاقوى بين فيتها في الاربعة سلندر الجديدة 200 حصان وطبلون 260 فانان انصحك بها اما الستة سلندر يكفيك التصميم الجميل لداخلية الاكورد والمحرك الي يصرف البنزين بالقطارة يعني صراحة افضل من محرك الاتيما الي راح نشوف كيف صرفيته

هوندا ضربت ضربتها هنا بنظام VCM للتحكم بالسلندر

ونيسان ايضا بالنظام البصمة لكن اي شي جديد ينخاف منه
وشكرا

روودي1981 @user_60520 · 09-10-2007

النيسان سيء جداً من ناحية انه يتفكفك بسرعة

أما السوبارو قطعها غالية و مو كل القطع متوفرة

لكن الهوندا سيارة يعتمد عليها حتى قطع الغيار اتجزأت

وصارت معقولة

وهذا الكلام من واقع تجربة

ألتيما اليتيما @user_32524 · 27-09-2007

السلام عليكم

العفو حبيبي ما سوينا شئ

تحيتي

MrBHR @user_51582 صاحب الموضوع · 27-09-2007

مشكورين أحبائي ما قصرتوا والله :)

ألتيما اليتيما @user_32524 · 24-09-2007

السلام عليكم

ااااااااااه جينا الان عند اخس سياره بنيسان من وجهة نظري....... صحيح انها قويه ويمكن الجديده منها تنزل بشاشه ملاحه.... انا معاك بس شوف اذا انك تبي السياره معاك لمدة سنه او سنتين بالكثيير انصحك تاخذها .... اما اذا تبغاها لك وللزمن فلك الخياااااااااااااار بين( الاكورد-الليجاسي)
بس انصحك الالتيما شيلها من بالك نهائيا.... واحد من اخويائي اخذها ولها معاه سنتين وبصرااااحه ندمان ع الساعه الي طخت في راسه واشتراها والان يبي الفكه منها
مبروك مقدما........ ويعطيك خيرها ويكفيك شرها
تحياتي للجميع

خذ بكلامه وانا اخوك وخاصه إذا كان خويه متحسف إنه أخذها

بينما مُحدثك يبي يغير الألتيما 2005 ( ما زالت جديده )ماشيه (120 ألف ) ما شاء الله

بغيرها موديل 2008 إن شاء الله ( إن الله أراد )

أخ aaah

نصيحه أخويه

لا تأخذ حملك على سياره من موقف واحد أو موقفين سلبيات فتأكد أنه يوجد غيرها 10 إيجابيه

أبحث تقصى أسأل أستفسر

من أستشارك دخل في ذمتك

تحيتي

aaah @user_29763 · 24-09-2007

تبغوووون رايي صح.............
انصحك ياخوي بالاكورد الجديده.... بصراااااحه سياره تعتمد عليها بكل حاجه
اما الليجاسي والله ممتازه جدا وقوهه وفخامه وشكل وخدمه.... بس عليك بقطع غيارها شوي غاليه
ااااااااااه جينا الان عند اخس سياره بنيسان من وجهة نظري....... صحيح انها قويه ويمكن الجديده منها تنزل بشاشه ملاحه.... انا معاك بس شوف اذا انك تبي السياره معاك لمدة سنه او سنتين بالكثيير انصحك تاخذها .... اما اذا تبغاها لك وللزمن فلك الخياااااااااااااار بين( الاكورد-الليجاسي)
بس انصحك الالتيما شيلها من بالك نهائيا.... واحد من اخويائي اخذها ولها معاه سنتين وبصرااااحه ندمان ع الساعه الي طخت في راسه واشتراها والان يبي الفكه منها
مبروك مقدما........ ويعطيك خيرها ويكفيك شرها
تحياتي للجميع

mnaief @user_35156 Banned · 24-09-2007

الأكورد مستحيل تنزل بشاشه طبعا ..

والأكيد انك تبي تختار ألتيمـا .. ولو حصلت فل كامل .. كلام ثاني

فخامه وعزم وشبابيه وكل شي تلقاه بالإلتيمـا .. :)

ألتيما اليتيما @user_32524 · 24-09-2007

السلام عليكم

والله بصراحه الثلاثه تحيّر بصراحه

أما أن الألتيما دقع خلفي فما أتوقع أخوي ...

أخي كامري

لماذا لم تضع صورتين متعادلتين ( محظر هنا صور للألتيما السياحي ) بقيمه (69 ألف ريال فقط )

كهذه للألتيما القديمه

أو هذي للجديده

صوره تقريبيه للنافيقييشن

وادخل الرابط هذا

هنـــــــــا

وهذا

هــــنــــا

الأكورد سياره رهيبه ولكن عيبها غلاء سعرها وايضاً غلاء قطع غيارها

تحيتي

MrBHR @user_51582 صاحب الموضوع · 21-09-2007

مشكورين والله أخواني ... و انا صح اميل اكثر إلى الاكورد ...

و على فكره قبل جم يوم واحد من ربعي يقول انه جاف تريله محمله بالأكوردات اليديده 2008

كامري @user_798 · 21-09-2007

والله انا افضل

عنفوان الفخامه اليابانيه |1|

اكيد عرفتها

شوف الصوره وراح تعرفها زين

هوندا اكورد 2008 الجديده كليا الي راح تجتاح السوق المحليه

الالتيما مهما جابوا مواصفات و ومهما فعلوا بها .. لن تصل لمستوى الاكورد .. مع احترامي لعشاقها

انا اعتبر الاكورد تقريبا افضل موتر في فئته تقريبا .. من ناحية كل شيء

السوبارو لااعرف عنها شيء .. سوا انها دفع رباعي

وابيك تقارن فرق الفخامه بين الاكورد والالتيما

انظر الى صورة الاكورد التي في الاعلى

وانظر الى الصوره هذي

انا اقول شتان بين الفخامه والدليل

انظر الى فتحات المكيف في الالتيما كيف جايه .. وشف تصميم القنسول وقارنه باالاكورد

تحياتي

Y A S S E R @user_31184 · 20-09-2007

الصراحة خياراتك كل وحدة احلا من الثانية بالنسبة لي انا افضل الالتيما الجديدة وسعرها فل اوبشن بالسعودية بس من دون شاشة ملاحة بـ95الف ريال سعودي واذا تبي شاشة ملاحة يزود11الف الصراحة حرام11الف علشان شاشة وكمرا خلفية
اما بالنسبة ان الالتيما تنزل دفع خلفي فهذي اول مرة اسمعها:confused:
هذي اشاعة واشاعة غريبة

mr.magna1 @user_52733 · 20-09-2007

والله صراحة صعبت الاختيار
لكن انت في الاخير جرب جميع الانواع اول ماتنزل
ولك في النهاية الاختيار
بالاضافة الى انها كلها سيارات ممتازة وغنية عن التعريف
لذلك ان شاء الله مااراح تتعب في الاختيار
واسف على الاطالة