السلام عليكم ورحمة الله وبركاته
كل عام وانتم بخير
ومبروك عليكم الشهر ...
حاب أناقشكم في موضوع حدث مع زميلي وصديقي في العمل ( م . ز )
معاه أكورد 2003 ماشاء الله الموتر ركبته حلو وما عليه بصراحه
بس فيه رجه بسيطه إذا شغل المكيف والسياره واقفه ...
المهم ...
جاني قبل أسبوعين تقريباً يقول لي وديت السياره للوكاله (اللي على خريص )
وقلت لهم أبي فحص شامل للسياره قالوا ( أبشر ) بس ( بشرط ) قال وش ..
قال 300 ريال وتخلي السياره يومين عندنا ... قال ولا يهمكم ...
بعد يومين اتصلوا عليه وقالوا له السياره تم فحصها ولقينا فيها مشاكل
قال كم يكلف تصليحها قالو له ( 26 ألف ريال سعودي !!
قال أيييش !! :eek: :eek: ورجع وقال لو أبيعها ما تجيب لي هالسعر وش تقولون
قال الموظف والله هذا اللي طلع معنا .. تعال نصلح ولا لا ... قال لا لا لا جايكم جايكم
المهم مباشرتاً جاني وقالي تدري بكم قالوا الوكاله للتصليح ... ؟ قلت كم ...
قال 26 ألف ريال سعودي قلت أييييش ( السياره وش فيها متأكد ما فيها شئ )
قال والله ما فيها غير رجه إذا شغلت المكيف والكلام هذا من شهور طويله )
أنا قلت له شكله الماكينه خبطت عندهم والقير سقطوه والمراتب محترقه والشبابيك
مكسره والتنده مقصوصه والكفرات مفقعه والجنوط مكسره بس رجعت يمكن ما توصل
للمبلغ هذا ...
المهم
راح للوكاله اليوم الثاني (منسده نفسه ) ولما سأل عنها قالوا له فيه خطأ بسيط في المبلغ
قال كم ... قالوا 27 ألف ريال سعودي قال لا حول الله
عطوني السياره عطوني السياره .... ولم استلمها قالهم وش فيها ...
كالوا كراسي مكينه
الأير باق خربان ( ما سوا حادث عليها ولا عمره طلع الأير باق )
الكفرات تعبانه (يقول صاحبي طيب أغيرهم برى ليش أدفع 300 عشان تكشفون على الكفرات)
الأي بي إس ( يقول صاحبي والله ولا أحلى منه )
حافضه الهلل اللي موجوده تحت يسار الدركسون ( وش أبي فيها )
وأشياء ثانيه بسيطه ...
لكن الموضوع ما حبيت أكتبه أبد لكن المبلغ كبير والله يا جماعه يا ربي لا تبلانا ...
وفي النهايه حاب أخذ رايكم الجشع من مين .؟؟ وليش وصل هالسعر الخيالي ؟؟
السعر هذا فيه موديل فورد 2001 نظيف أو 2002
لا يُؤخذ الموضوع بتعصب لكن مجرد حدث واقعي جرى لصاحبي ..
تحيتي
