عندي مشكلة بعمود الكردان وعرموطة القير

[غرنوق الرياض]

السلام عليكم ورحمة الله وبركاتة
عندي مشكلة وهي اثناء السير بالسيارة هناك رجه بسيطه تحت السيارة .وذهبت بها الا محل خراطه معروف بالصناعية وكشف على العمود وقال كويس بس اول العمود اللي يمسك في القير هناك وصله
يوجد بها شطوب زي الشطوب اللي تجي في الهوبات قال لي عندك مشكلة في العرموطه حقت القير وهي اخر وصلة في القير اللي تمسك عمود الكردان يقول فيها جلبة خربانة خربت عليك العمود لازم تغير العرموطه لانها تجي كامله مع الجلبة ((مؤخرة القير)) وغير بعد العمود وعطني عمودك انا بصرحة هونت يوم قال: ((عطني عمودك وش يبي به دامه خربان على كلامه وفي داخله ثقالات ))

فبذالك انا ابغى اهل الخبرة وش اسوي الحين اغير العرموطه جديدة بس واغير الوصله الاولي اللي في العمود مستعملة واشتري صليب جديد وش رايكم .....
انا محتار وش اسوي وش اغير
ابغى الردود.؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[غرنوق الرياض]

السيارة طبعا قراند ماركيز 2000

[ford2003]

سيارتك كابريس 2000 عندي نفس المشكلة في 2001 غير الجلدة ب700 ريال ومشى الحال لايلعبون عليك انا قالو لي ترصيص عامود وقالو غير عامود وقالو فلنجة وف يالاخير غيرت الجلدة الي في المقفدمة وضبط انا حليا معي فورد مجنني بس مو زي جنون الكابريس احسن ما فية عزمة عموما ما اطول عليك توكل على الله وغير الجلدة الخربانة لان مافية صليب

[ford2003]

ما عليش فكرتة كابريس عموما رصص الكفرات اول عند العضيب وشف

[almktarb]

اخي العزيز

العمود مايتغير الا اذا كان معووج وثاني شي الرجه تجي على كم السرعه؟؟

هل السياره ترج بأكملها او فقط الارضيه ؟؟

عند الانحراف بالسياره يختفي او ثابت الصوت

على فكره الرجه تجي من الكفر ومن الجنط وتجي من الصليب حق العمود ومن

العكوس

تحياتي لكـ

[غرنوق الرياض]

الرجة تجي بين 80 وال 100 واحيانا اسمع الصوت والسيارة واقفه ادعس بنزين على خفيف واسمعه
والقير في وضع N الكفرات مرصصه وجديدة .......والجنوط مافيها شي سليمة خالية من الطعوج

[almktarb]

غير الصليب فقط

[غرنوق الرياض]

الصليبات جميعها سليمة المشكلة في عرموطة القير يوجد جلبة داخلها وهي متاكلة سببت لي خدوش على راس العمود الداخل في العرموطة.... وهي سبب ذالك الصوت والصوت احيانا يجي واحيانا لا
والرجة كان سببها ان القير ماكان راكب على الكرسي مضبوط .