للراغبين الجادين في باجيرو 2007

السلام عليكم
اخي اذا ممكن رقم المعرض والموديل الدفعة الثانية والا الاولى؟

طيب اخي تقدر تعطيني رقم واسم المعرض اذا ممكن

السيارات موجوده الى يوم الجمعه انا شايفها

السلام عليكم اخي الكريم
للحين السيارة موجودة عند المعرض والا ايش؟

مشكور اخوي صحراوي

وبالنسبه لمحبين وعشاق الباجيرو

ترى قبل فتره محصل باجيرو بمعارض الرياض موديل 2007م الدفعه الاولى يعني

شكل 2006م 3000 سي سي فتحه سله فضي 82000 بثنين وثمانين الف ريال

اربع ابواب الحجم الكبير

يااااااااااااا بلاش ههههههههههههههه

ارخص مكان بتحصله فيه السعودية عند الوكيل او المعارض ارخص.. او الدوحة عندهم ستوكات الوكالة في وكالة المانع.. اما البحرين والكويت ما بتحصل ربع

اخوي speed واخوي صحراوي

الجيب النيسان الربع الستاندر الـ ( s ) قير اوتومتيك 2007م وكاله مراتب عرض

يعني كل شي عادي ما عدا القير اوتومتيك

تتوقع احصله

في الكويت او البحرين وكم تكون قيمته

والله صدقت يا اخوي هلعملية عندنا نفسها في التويوتا.. يرفض يكفل السيارة السعودية او الخليجية .. ويفتح لها ملف صيانة مقابل 100 دينار!!! واحد من الربع لما راح لوكالة السعودية يخبرهم مودي سيارته صيانة يقولي قاله موظف الصيانة عند عبداللطيف انه كانو مب من حقه يسوي جذي لانه عبداللطيف يقبل صيانة وكفالة السيارات الخليجية..

ونفسه كانو وكيل التويوتا مشتكي على وكلاء الخليج علشان ما يبيعون على البحرينيين وقاموا الوكلاء ووقفوا التصدير فترة ولكن الحين رجعوا

أخ صحراوي
أنا أقول لك المشكلة وين تكون

المشكلة هي بالإحتكار

بالسعودية هناك عدد وكلاء يتنافسون بالأسعار و هذا من مصلحة المستهلك
بالكويت إحتكار لوكيل واحد فقط
و الغريب بالأمر أن هذا الوكيل هو نفسه وكيل :-
BMW
AUDI
porsche
Cadillac
إلخ..............................
و أنواع كثيرة لا تعد ولا تحصى من جميع المنتجات حتى الإلكترونية منها

المشكله هي بالإحتكار فقط

و الدليل أنه هذا الوكيل يرفض كفالة السيارات الي تجي من السعودية
و حاليا رافع قضايا على مكاتب سيارات تجارية تجيب سيارات من السعودية و تدفع ضرائبها و مع هذا كله تبيعها بسعر أرخص من الوكيل

المشكله هي بالإحتكار و ليس بكبر السوق

تحياتي.................

السعودية ماشالله سوقهم عود واسعارهم رخيصة في معضم السيارات الا الهوندا على حسب علمي

هلاسبوع ال FJ نزل وسعر الفل عندنا في البحرين 13000 دينا رومافي ستاندرد واظن انه ناقص بعض الموصافات.. لما رحت السعودية جفته ب 11000 وفيه الستاندرد ب 10000 دينار تعجبت الصراحة من فرق السعر خيالي!

ونفس القصة في التاهو يفرق اكثر من 1000 دينار في البحرين عن السعودية.. تقدر تاخذ ال LT دفع رباعي من السعودية بسعر الLS دفع خلفي من البحرين

بالعكس المواصفات بالسعودية أفضل

أعطيك مثال التاهو 2007
تاهو LS بالسعودية سعره 102 ألف ريال
بالكويت سعره 9,495 ما يعادل 127 ألف ريال
التاهو اللي بالسعودية يجي مع كشافات ستاندرد حتى موديل LS
الي بالكويت موديل LS بدون كشافات

لا أعلم من يتحكم بالأسعار عندنا هل هي جنرال موتورز أو الوكالات المحليين أو قد يكون بيت التمويل الكويتي ولكن الي نعرفه انه ما يرحم

إحمدوا ربكم


بالكويت ال 3.0 سعره نفس سعر ال 3.8 بالسعودية
سعر ال 3.0 ب 7,750 دينار ما يعادل 104 ألف ريال
ال 3.8 بالكويت سعره يبدأ من 9,700 دينار ما يعادل 130 ألف ريال , هذا الي من غير مواصفات بس 3.8