سؤال للي عنده باجيرو

هلا والله اخوي ديث والحمدالله على السلامة
خلاص انت شوف وخبرني بس تكون البرمجة انه يتف بس يعني ماتخرب برمجة الموتر
وعن السامان طلبتلي فلتر كي اند ان حاليا الداخلي وبعدين ان شاءالله قريب الشتا بركب كت باك بشوف فوكس ولا محل ثاني اوكي بس مابركب هدرز كامل

وتسلم مرة ثانية

الله يخليك أخوي وما يبعد عنك غالي.. كنت مسافر والله ورديت من يومين.. :D

إغسل إيدينك من الوكاله..

المهم.. تقدر إتبرمجه بره الوكاله.. دورلك على واحد مختص في الإيفوهات.. على الأقل بيكون عارف في المتسو.. أنا بشوف لك شلت الإيفوهات عن كم واحد وبرد لك خبر..

اللي عندي ما كان يتف..

شو صار وياك بالقطع ؟ حصلت سامان وله ؟

وشو نوع البنزين اللي تصبه ؟ سوبر (98) ولا سبشل (95) ؟

تحياتي لك وللجميع..

ديث ليك
هلا والله اخوي وين انت من زمان ماشفناك فالمنتدى
انزين اقدر ابرمجه ولا لأ لاني سألتهم فالوكالة نقعو راسي مايعرفون شي اللي يقولي يستوي واللي يقولي مايستوي وسؤال اخوي انت موترك كان يتف ولا
وتسلم على مرورك الكريم

بورش
هلا اخوي واشكرك على النصيحة انا ادري انها ماتزيد العزم لاكني ابغيها حق الخرشة بس ولا اكثر بس اكيد ما بكثر منها وتسلم على مرورك الكريم

اخوي هالحركه مضره للمحرك بشكل كبير

هدك من اللي يقولون يزيد العزم والكلام الفاضي هاذا

هالحركه تؤدي الى ضرر في عمود الكرنك وعمود الكرنك اذا ضرب عندك سلم على المكينه حبيبي

واغلب السيارات الجديده فيها نظام حمايه ان الضغط مايوصل حده ابد

واقصى قوة عزم للمكينه مسجل عند بالكتالوج مثال ( 4000 آر بي ام - 6000 آر بي ام ) اهني المحرك يكون بأعلى قوه له ويعطيك اافضل ماعنده من قوه ولما يزيد عن هالرقم تبدأ القوه تخف


خلاصه القول موشرط تخلي السياره تنتع عشان تطلع عزمها كله

مشكور اخوي وآسف على الإطاله

هذي برمجه ياخوي

اللي جربتها إنت عليها برمجه تختلف عن المخصصه لأسواق الخليج

لهذا السبب الآربي أم عندك ما يضرب كاتوف

تحياتي

هلا اخوي توب اربم

انا ادري انها خطر على المكينة اذا كثرت منها لاكن انا ابغيها حق الخرشة بس يعني مب اي وقت
وتسلم عالنصيحة وعلى مرورك الكريم

مثل ماقالو الشباب وانا بعد ماعندي علم بالباجيرو
هو كلامك ياخوي صحيح التفه او الكتوف لها طعم غير
بس ترى كثر التفه تراها اخطر شي على المكينه اتعرف ياخوي شتسوي في المكينه التفه مع كثر التكرار اول شي تشلخ عليك هيد الموتر وتشعر او تشرخ عليك البلوك واحتمال كبير تكسر عندك عمود الكرنك
<< يموت بالكتوف بس اهم شي ياخوي اضرب كتوف بس مو عز الظهر تخليه يتف يعني عندك وقت البراد الليل
بس ياخوي هاي نصيحه حبيت اوصلها لك
وان شاء الله قدرت افيدك ولو بشي بسيط

هلا اخوي البنشري انا اقصد الصوت
وتسلم على مرورك الحلو

اخوي محب الشاص الحمدالله انا مبسوط بس غير يوم تسمع التفه بين التبديلات
وعلى فكرة انا قبل ماخذ موتري جربت وحدة نفس المواصفات لاكنها مواصفات يابانية اللي كانت موجودة حق التجربة فالوكالة وكانت تضرب كتوف و هذا اللي انا مستغرب منه ليش الخليجية مب نفس الشي
ومشكور اخوي على تفاعلك وياي وماقصرت

انا اعرف الشباب عندنا في الدمام يسمونها ( التقطيع) يعني إذا رصيت البانزين للآخر و لا هديته يوصل عداد الRPM إلى الأحمر وهنا معظم سيارات البخاخات تبدا بعمل ما يسميه الشباب (التقطيع) او (التف) و هو عبارة عن نظام حماية للماكينة . انا ارى ان اللذي موجود عندك هو نظام حماية افضل لأنّه يحمي المحرك و يحافظ على قوته عند اقصى عدد دوران ممكنه للمحرك في الدقيقة . و المعروف ان القوة القصوى للسيارة تكون عند اعلى سرعة دوران ممكنة لمحركها . إذا الباجيرو ممتاز ويستطيع المحافظه على قوة ال 269 حصان كاملة لفترة من الزمن وليس الوصول إليها فقط و ملامستها ثم النزول عنها إلى مستوى اقل لنقل 260 حصان (هذه ميزه في الباجيرو رائعة)
أنا اشوف ان انت المفروض تكون مبسوط من الحكاية. لكن صراحة التقطيع حلوو

وين ياجماعة الخير 75 مشاهدة ورد واحد

هلا اخوي محب الشاص

كلامك حلو بس انا ابغي اعرف ليش مايتف ونتريا اهل الخبرة
وتسلم عالرد