ما رأيكم في الباترول 2007..نصائح اذا سمحتم...!

تامر امر اخوي محب الشاص
نعم مثل ماقلت لك التانكي الواحد للقير العادي في حدود 350 وقر التماتيك في حدود 400 ممكن تزيد معك في الحالتين وهذا يعتمد على السواقه
بالنسبه للخزانين تقريبا الاجمالي للقير العادي في حدود 500 الي 550
والتماتيك في حدود 550 الي 600 ويمكن اكثر بحكم القير التماتيك دفرنشه مريح اكثر من العادي
في النهايه اي سياره جيب ياباني يعتمد على سواقتك لاني انا مجرب السفاري والاند كروزرGX
وخاصه بعد ماتتعدى سرعه 140 تصرف هالسيارتين لاني مجربهم مسافر فيهم طبعا السفاري2003 سوبر سفاري وحاليا 2007 سفاري واللاند 2006 موتري ولد عميGX
واي سؤال حاضرين يالطيب
والسموحه ع القصور

top rom الله يريح قلبك ريحتني والله.
انا كنت خلاص داااااايخ عليه وحاط عيني على الفتيك وبعدين فهمتك غلط و شوي اختلعت . لكن ياخي كذا إيه معقولة للخزان الكبير 350 إلى 400 معقولة جدا

طيب اجل ياخي بالنسبة للخطوط نفس الحكاية 550 إلى 600 للخزان الكبير و إلا هذي للخزانين معاً؟
الله لا يهينك ادري اني غثيتك بس تحملني يالطيب.

تصحيح لاخي محب الشاص بالنسبه لصرفيه البنزين
يمكن انا ماوضحت او انت مافهمت علي
سؤالك هو
يعني ياخوك التانكيين = (135 لتر) تعطيك بس 350 إلى 400 كيلو في المدينه بس؟!!!!!
350 الي 400 للخزان الواحد داخل المدينه
والخزان الثاني تقريبا يكون نصف الخزان الاول او فوق النصف بشوي

السلام عليكم ورحمة الله

جزاكم الله خير صراحة احرجتموني بردودكم وتفاعلكم

الله يجعلها بموازين حسناتكم..


اخوي محب الشاص الله يبارك لك ولي في السيارة ان شاء الله (اذا شريتها)
وبالنسبة لعدم توفر السفاري2 فهذا ايضاً بالرياض نفس الشيئ الحمراني موب متوفر عنده
لكن انا لقيت بالمعارض تماتيك بسعر 133 الف ريال تقريباً وانا ابغا العادي
لكن صراحة الي يبغا عادي باترول بالمواصفات الي هو يبيها صعبة يلقاه بالمعارض لأن
الطلب على التماتيك..والعادي يبي له تدوير

حتى واحد من اخوياي يبغى يستاجر عادي لف المحلات مالقا الا واحد !!!!

والوكالات شغلها يقهر الظاهر يدرون ان الطلب على السفاري 2 فعلشان كذا ما وفروه (يبون بقية الفئات تمشي (اظن والله اعلم) ......) هذا وهم توهم في نفس السنة!!
اجل اذا نزل 2008 من وين بنلقى 2007 سفاري 2 ؟؟

الله يسهل............السلام عليكم

حاضرين اخوي محب الشاص في الخدمه
وبالنسبه حق صرفيه البترول الجيوب بشكل عام وخاصه الياباني تصرف ولاتنسى مكينه السفاري 4800 يعني حجم مكينه ماهو بسيط ولاتنسى حجم السياره بعد له دور
بس ماعليك السفاري يعجبك بغيته بحر بر جو يعجبك مايرد اي شي بخاطرك
الله يوفقك
والسموحه ع القصور واي سؤال تدلل

كفيت و وفيت اخوي top rom صراحة السيارة داخلة مزاجي من زمان لكن الصرفية هذه صراحة تخوف حيل . يعني ياخوك التانكيين = (135 لتر) تعطيك بس 350 إلى 400 كيلو في المدينه بس؟!!!!!
وفي الخط للقير العادي 550 كيلو و التماتيك 650 !!!! صراحة ياخي يخوف خاصة داخل المدينة . انا يالغالي مشاويري في الشهر حول 3500 إلى 4000 كيلو على كذا و البانزين رخيص عندنا يبغالي حول 600 ريال في الشهر بانزين بس. اجل و الله الشباب اللي كان عندهم الموتر قبل تخفيض البانزين كانو مساكين الواحد يدفع فوق ال1000 ريال في الشهر بانزين بس!!! هذا قسط سيارة بالحاله.
لكن ما عليه الباترول يستاهل

سيارة عزم وقوه وهيبه

أنا عندي 2003

ماشاءالله عليه

وانتظر 2008 معا إني أعتقد ماراح يتغير عن 2007

حاضرين لك اخوي محب الشاص والسموحه على التأخير في الرد

1- كيف تحس فخامة السفاري2 . هل تحس انه فخم كفاية مقارنة بالGXR 2 اللي سعره 158000 تماتيك

بالنسبه لي انا اشوفه ممتاز المواصفات والفخامه بالنسبه لسعره مثلا عندك مثبت سرعه وتحكم في المسجل من الدركسون وتيك على السكان بعكس الgxr2 يفتقر للمواصفات الا بالتيك الي على الدركسون وطبعا يالغالي لك شخص نظره في الفخامه وانا اتكلم عن نفسي لانه ممكن احد مايهمه مثلا مثبت السرعه


2- كيف هي رساوة الموتر في الخطوط السريعة (انا مو حق سرعة لكن احب اني لما امشي 120-130 احس ان السيارة في يدي ولا يهزها الهواء)
بالنسبه حق الرساوه انا اشوفها ممتازه بس مو تسافر في يوم في هواء قوي وتقول السياره تهتز ومافيه رساوه خخخخخ


3-انا صراحة افكر في القير العادي وعندي سؤال ولكن لم اجد احد عنده قير عادي و الحمد لله انك طلعت عندك قير عادي . سؤالي هو .انا اتذكر ان الكلتش حق الباترول ثقيييل ف كيف انت تشوفه وكيف تقارنه بالددسن او الهايلكس لأني انا سقت اللاندكروزر قير عادي وكان الكلتش صراحة خفييف يعني زي الهايلكس و إلا أخف
الكلتش بصراحه خفيف اخف من اللاند كروزر انا اشوفه اما الباترول الي انت جربته ممكن الموديلات القديمه 97 ونازل صحيح ثقيل نوعا ما



4-بالنسبة للصرفية للقيادة المحترمة داخل المدينة كم كيلوميتر يعطيك التانكيين فل وعلى الخطوط كم

بالنسبه للصرفيه يالغالي تختلف من شخص لشخص على حسب السواقه اذا سواقه محترمه
بالنسبه لي سواقه تقدرتقول ساعات محترمه وساعات خرشه مع الزحمه والظهر والتكيف والمشاوير طول اليوم يمشيني تقريبا في حدود 350 كيلو للقير العادي اما التماتيك تقريبا 400 ماني متأكد اذا مو اكثر طبعا للسواقه المحترمه وداخل المدينه
بالنسبه للخطوط في حدود السرعه الي انت قلت عنها للقير العادي تقريبا في حدود -550 اقل اكثر شوي للقير العادي بحكم انه القير عادي حاكر اما التماتيك في حدود 600 -650 بحكم انه مريح اكثر من العادي


5-إذا عندك علم عن القير التماتيك هذا سؤال: إذا انا حطيت القير على 1 هل هو ثقيل زي ثقل القير العادي يعني هل يتحمل نزول العقاب الطويلة الشديدة الإنحدار زي القير العادي و إلا يعشق 2 تماتيك من دون ما انا اعشقه و يودينا وطي. وهل إذا انا حطيته في 2 وانا اطعس وهديت (ما وقفت) بعدين مشيت هل يرد نمرة ل1 او يتم في 2

السفاري سواء قير عادي او تماتيك خفيف وفزته تعجبك . التماتيك نعم يتحمل نزول العقاب الطويله ومايبدل 2 الا اذا انت غيرته الي2 لانه قير السفاري التيب ترونك اذا حولته على العادي وحطيته 1 ومشيت في السياره مايعشق الا انت انت غيرته الي2 وكذلك باقي النمر وهذا ميزه في قير السفاري
بخصوص الطعوس اذا مثلا انت كنت طالع وكان في 2 مايرجع 1 الا اذا خف العزم هذا شي طبيعي
اما اذا انت تتمشى في الطعوس في قير 2 وماوقفت مايرجع الا في حاله انت اذا دعت له مره وحده او انا سرعتك نزلت تحت 20 فأكيد شي طبيعي القير يرجع الي نمره اقوى

وان شاء قدرت افيدك اخوي واذا في سؤال ماوضح عطني خبر
وبخصوص السفاري2008 ماتغير فيه الا الخط الخارجي ووممكن السوبر سفاري ينزل فيه نافقيشين كمواصفات اختياريه طبعا هذا على كلام احد الاخوان في منتديات نيسان ارابيا لانه يقول شافه في مؤاني دبي
والله يوفق صاحب الموضوع ويوفقك اخوي محب الشاص بالسياره اذا الله كتب لكم نصيب فيها وتاخذون من خيرها ويكفيكم من شرها

والسموحه اذا قصرت شي واي سؤال انا حاضر

salehhd كلامك صحيح بس انا هذا استفساري الثاني وهو بالنسبة لي مهم لأني استخدم الموتر في الجنوب بعد مو للطعوس بس
بالنسبة للقير التيبترونك حق النيسان الفيتك إذا انا حطيت[COLOR=blue] القير على 1 هل هو ثقيل زي ثقل القير العادي يعني هل يتحمل نزول العقاب الطويلة الشديدة الإنحدار زي القير العادي و إلا يعشق 2 تماتيك من دون ما انا اعشقه [/COLOR]و يودينا وطي لأن القير العادي إذا حشرت الموتر في واحد يجلس فيه إلين ينفقع إلا انت تعشق وهذا مطلوب في نزول العقاب الصعبة وليس السهلة مثل [COLOR=blue](الهدى السهلة) (وعقبة الباحة السهلة) انا اتكلم عن عقاب زي (عقبة حزنه و عقبة الأبنى) للي يعرفها. وهل إذا انا حطيته في 2 وانا اطعس وهديت (ما وقفت) بعدين مشيت هل يرد نمرة ل1 او يتم في 2 .
[/COLOR]

السلام عليكم

حالياً نسبة كيبرة جداً من الجيوب تأتي بقير اتماتيك ولم نسمع شكاوي منه الا قليل جداً لاتكاد تذكر كذلك عزم التدوير (الترونك ) في القير العادي اعلى من التماتيك في اغلب الجيبوب
كذلك القير التماتيك اريح في داخل المدينة واريح خلال التطعيس مايحتاج كل شوي تبدل نمرة وترجع
لاكن المشكلة تكمن فقط اذا غرزت

اخي atlantis يعطيك العافية أخوي . والله إذا زي كلتش المكسيما يكون تماام التمام لأني بصراحة نظرتي الخاصة عن الجيوب عمومة انها لازم تكون قير عادي مادري ليش احس انها سيارات كرف وحماس واحس ان القير العادي فيها متعه بعكس التماتيك (هذا رايي وكثير يخالفوني) و بصراحة ودي بسفاري2 قير عادي لكن هذه الحاجة كانت تحيرني والقير التيبترونك ناس واجد يمدحونه بس
الحاجة الثانية انا عندي تساؤلات كثيره على القير التماتيك حق الباترول قلتها في المشاركة السابقة وبعدين انت قلت ان القير التماتيك اداؤه قوي بشكل . يعني ودي افهم هل بقوة القير العادي و إلا زي العادي و إلا اضعف قليلا وهل يتحمّل الكرف وإلا لا. الله لا يهينك يالغالي

السلام عليكم

الاخوان ماقصرو وانا ايضاً سمعت ان اسعار الجبر ارخص من الحمراني

واذا عزمت نشوفلك حد من الجبر يعطيك سعر زين اذا بتاخذ كاش

وتقدر تتصل عليهم وتتأكد من الاسعار والمواصفات

ولا تنسى الاستخارة
بالتوفيق

اخي محب الشاص انا عندي فتك قير عادي وخبرتي بالقير العادي

وترى القير التماتيك على الفتك قوي بشكل

وبالنسبه لكلتش القير دعسته خفيفه على الفتك( مثل دعسة كلتش المكسيما)

تحياتي

اخي TOP ROM : بغيت اسالك يالغالي عدة اسئلة وطلبتك تجاوبني يالغالي الله لا يهينك
1- كيف تحس فخامة السفاري2 . هل تحس انه فخم كفاية مقارنة بالGXR 2 اللي سعره 158000 تماتيك
2- كيف هي رساوة الموتر في الخطوط السريعة (انا مو حق سرعة لكن احب اني لما امشي 120-130 احس ان السيارة في يدي ولا يهزها الهواء)
3- انا صراحة افكر في القير العادي وعندي سؤال ولكن لم اجد احد عنده قير عادي و الحمد لله انك طلعت عندك قير عادي . سؤالي هو .انا اتذكر ان الكلتش حق الباترول ثقيييل ف كيف انت تشوفه وكيف تقارنه بالددسن او الهايلكس لأني انا سقت اللاندكروزر قير عادي وكان الكلتش صراحة خفييف يعني زي الهايلكس و إلا أخف
4-بالنسبة للصرفية للقيادة المحترمة داخل المدينة كم كيلوميتر يعطيك التانكيين فل وعلى الخطوط كم
5- إذا عندك علم عن القير التماتيك هذا سؤال: إذا انا حطيت القير على 1 هل هو ثقيل زي ثقل القير العادي يعني هل يتحمل نزول العقاب الطويلة الشديدة الإنحدار زي القير العادي و إلا يعشق 2 تماتيك من دون ما انا اعشقه و يودينا وطي. وهل إذا انا حطيته في 2 وانا اطعس وهديت (ما وقفت) بعدين مشيت هل يرد نمرة ل1 او يتم في 2 .
أدري اني كثرت اسئلة عليك لكن اعذرني نادر ما احصل واحد عنده باترول سفاري2 قير عادي
والشباب اللي عندهم علم ويقدرون يفيدونا الله لا يهينكم نورونا.

LAMBADA على كذا تعال الدمام وخذ لك واحد من عند الجبر لأن واضح ان في فرق بين الأثنين (الجبر - الحمراني) حول 5000 ريال في كل فئة !!.
لكن بالنسبة للاسعار اللي انا قلت عليها انا متأكد منها SURE (100%(
بالنسبة للسفاري 2 مافيه منّه ولا حبّه اما السوبر سفاري موجود والسفاري 1 ما عندي علم لأني صراحة مو مهتم فيه

هذا مو سوبر سفاري اللي تقصده SAFARI VS كان يجينا بعام 2004 وجابوا منه اعداد قليله ....



أتمنى ينزل 2008 بنفس المواصفات

تحياتي

السلام عليكم اخوي A2900 vbmenu_register("postmenu_1114751", true);
بالنسبه للسياره خذها وتوكل على يقولك ائل مجرب ولاتسئل طبيب السياره سياره مكده وسياره تستاهل بكل معنى الكمله وبالنسبه حق صرفيه البنزين اذا انت رجلك كله سرعه بيصر واذا سواقه عاديه مايصرف بس العادي يصرف اكثر من التماتيك لانه دفرنش العادي غير عن التماتيك فتلاقي مثلا انت تمشي في قير 5 على سرعه 140 ومؤشر الضغط يكون عندك على 4 والتماتيك لو يمشي نفس السرعه 140 فيكون الضغط عنده على3 لانه في فرق مثل ماقلت في الدفريشن وعلى فكره التماتيك اقوى من العادي
لانه انا عندي سفاري2 قير عادي 2007 فحبيت افيدك من خلال تجربتي
وبالنسبه حق الاخوان الي تكلمو عن الفرق بين سفاري2 والسوبر سفاري
1- الزنون سوبر سفاري
2- الكراسي الاماميه تماتيك لسوبر سفاري وعادي للسفاري2
3- انوار الطبلون السوبر سفاري تجي ليزر برتقالي اما السفاري2 برتقالي عادي
4- البوصله
5- 6 سيدي للسوبر وسيدي واحد لسفاري2
والباقي مثل ماقالو الاخوان ولا ازيد عليهم
وبالنسبه لللاخ الي قال عن ال vs هذا ياطويل العمر نزل على السفاري وهذا الموديل نزل في 2004 بحكم ان السياره بتغير في 2005 فنزل مثل ماتقول اصدار محدود بس السوبر سفاري مافيهvs
والسموحه اذا طولنا عليك واي سؤال انا حاضر

توي راجع من الوكالة بالرياض ( الحمراني )

وما عندهم سفاري 2 ... وعندهم السفاري 1 القير العادي بـ 122000

والقير الاوتو 127 ألف .. صراحة الاسعار مرتفعة

والـ 2008 بعد اسبوعين وبتزيد اسعاره حوالي 2000 ريال