مساعدة شباب وفني دينمو السيارة

شكرا أخوي بدر على هذي المعلومة أما بخصوص كلامك تغير فحمات الدينمو مشكلة المرسيدس في الدينمو كلها ألكترونية يعني يخرب مايصلح فيه أي قطعة على طول غير جديد طبعا أنا لما رحت للورشة اللي وضعت السيارة فيها وحصلت بانوراما مغير له دينمو جلست أضحك قلت مامدام البانوراما مغير جديد ليه مايخرب اجل الدينمو الخاص بسيارتي وهي 2004 لذا طلبت واحد جديد وأشتريته من ماركة بوش طبعا بسعر خاص جداً جدأ حتى صاحب الورشة ماحصل القطعه بالوكالة ولقيتها وجبتها 1300 ريال مع أنها أغلا بكثيرررر مأطول عليكم اليوم أنشاء لله راح أستلمها بالليل وللمعلومية قيمة الدينمو للبانوراما الجديد بـ 8000 ريال سعودي قلت أحمد ربي أنها جت على 1300 ريال والله قهر على دينمو.

أما بالنسبه لعمر الدينمو الافتراضي .. يختلف من شركة إلى أخرى ..
هناك شركات مثل فوكس واجن هذي الدينمو فيها شغال مدى حياة السياره
هناك شركات اخرى مثل مرسيدس تحصل فيها مشاكل في الدينمو خصوصا الموديلات القديمه الثمانينات..
السيارات اليابانيه ايضا اعطال الدينمو فيها قليله .. خصوصا تويوتا
يعني اجابة على سؤالك يعتمد العمر الافتراضي للدينمو لاسم الشركه لانهم وباختصار شديد وحتى اكون واضح معك يتعاقدون مع شركات تنتج لهم ديناموات وليست من صنع الشركة نفسها.. ولذلك تجد مدموغ على كل دينمو اسم الشركه .. وعاد انت ونصيبك حسب جودة هذه الشركه..
ارجو ان اكون ما اكثر الكلام .. ولك التحيه

ما ازيد على كلام الاخوان ولكن تجربه بسيطه اذا تقدر تسويها وتتأكد اذا الدينو فيه شي أو لا
افصل سلك من اسلاك البطاريه والسياره شغاله .. اذا طفت معناها عندك مشكله في الدينمو :تغيير فحمات
واذا ما طفت السياره معناها الدينمو ما فيه اي شي والمشكله في البطاريه . طبعا هي تضعف وتقوى حسب ظروف الجو والسير لذلك ربما ان اللمبه ما تولع بشكل دائم ولا تطفى بشكل دائم.

الله يجزاكم خير أخواني على المعلومات القيمة وجعلها الله في موازين أعمالكم اليوم أنشاء الله بوديها الورشه بشيك عليها بشوف وش يقولون وبقولكم.

السلام عليكم

حسب معلوماتي ان بطارية المرسدس من النوع الي يحتاج الى صيانة واضافة ماء مقطر


الموتر جديد وغالي انصحك تودية الوكالة او ورشة مختصة ولاتخلي البناشر يلعبون فيها

بالتوفيق

بالنسبه لعمر البطارية في المرسيدس

صاحبي عنده مرسيدس E320 موديل 2003 و من شهر بس بدل البطاريتين
يعني بحدود 4 الى 5 سنوات
و طبعا ماظهر له اي علامه قبلها لكن في السيرفز الوكاله خبرته عن ضعف البطاريتين

المهم
البارحه كنت اقرى عن نفس الخلل اللي بالموضوع في مجله Auto Magz
و ذكر ان سبب اضاءة علامة البطاريه يكون من ضعف البطارية او الدينامو او خلل في سير الدينامو
فافحص على الثلاثه

فمان الله

التشغيل مثل اول ماتغير شيء لاكن طلع لي كلمة يوجد عطل 1 بعد ماطفيت السيارة مكتوبة بالشاشه مع انه كانت لمبة البطارية طافيه ماولعت