هلا والله يجزاك كل خير ياخي ارحب بارائكم وخاصة من خبراء
ياباني اصلي وليست تجميع
تتسع 5 ركاب أو اكثر وهو المطلوب
شبيه بالجيب او جيب لا اريد فان او واجن ممكن ارضى بالسيدان الخيار الثاني بس يكون وسيع اي المقصورة الداخليه ليست ضيقه
تمشي سنوات بدون ما تكح (عذرا على اللفظ ابيها تكرف كما ذكرت)
ليس لي نية لبيعها ابدا باذن الله
الميزانية 60 ألف الى 80 الف اقصى شيء واا كان هناك احتمالات نزيدها
افضل شي رباعي علشان ممكن نحتاجها خارج المدن
طبعا انا لم اذكر قطع الغيار لانها لو مشت بدون مشاكل فقط التغيير للاستهلاكيه
متوسطه ورشيقه ومنخفظة وليست عاليه
ولي رجعه باذن الله
والله يا شروطك اختي جدا تعجيزية !
خصوصا هالوقت ما فيه شي اسمه ياباني اصلي !
اكثر الشركات صارت تفتح مصانع خارج اليابان لتقليل تكلفة اليد العاملة !
وطبعا جودتها مقاربة نوعا ما ولا توجد بها مشاكل كبيرة !
ولا يوجد جيب ممتاز خارج المدن ومنخفض بنفس الوقت !
الارتفاع شي مطلوب بسيارات الدفع الرباعي ..
عموما بالنسبة للجيوب الصغيرة فهناك الهوندا CRV
جيب حلو وصغير نسبيا وعملي جدا وسعره اتوقع لا يتعدى الـ 80 ألف ريال ( على حسب المواصفات )
طبعا بالنسبة لقطع الغيار الاستهلاكية فلا مشكلة بها .. اسعارها واقعية
بالنسبة للقطع الثانية فلازم تأمنين عالسيارة عشان لا سمح الله صار حادث ولا شي ما تاخذين هم القطع ...
بس طبعا يعتبر جيب مدينة وغير ملائم للطرقات الرملية الكثيفة ..
غير كذا ما فيه جيب ممتاز بالديرة ويصلح للبر بالسعر اللي ذاكرته !!
هذا رابط للسيارة من موقع هوندا الرسمي وتقدرين تشوفين كل سيارات هوندا منه
حتى الألوان وكل شي .. رابط ممتاز بصراحة
http://automobiles.honda.com/cr-v/exterior-photos.aspx
فيه سيارتين أخرى نفس نظام الـ CRV حلوة ووسيعة وممتازة وعملية ..
ولكنها من صنع هيونداي وانتي على كلامك ما تبغين الا ياباني ياباني :rolleyes:
لازم ننتقل لسيارات السيدان الحين ..
من فئة السيارات الصغيرة عندك الهوندا سيفيك ..
باختصار هي افضل سيارة صغيرة بفئتها من دون منازع .. ويابانية 100%
وسعرها يبدا من 50 ألف ريال .. بس مشكلتها ضيقة شوي ! لكن تستحق الشوفة !
وعندك خيار آخر الهوندا أكورد وعليها عروض اتوقع انها مميزة الفترة هذي
لكن شكلها بيتغير قريب ( اذا يهمك ) وسعرها يبدى من أقل من 70 ألف
وطبعا يابانية 100% على حسب اوامرك !!
طبعا بالنهاية اخترت سيارات هوندا لأنها تتميز بالجودة العالية والعملية الغير طبيعية
وايضا سعرها الممتاز في حالة البيع وايضا أشكالها الجميلة داخليا وخارجيا واناقتها وان اغلب سياراتها مصنوعة باليابان
مثل ما قلت لك .. جيوب يابانية 100% ما فيه بالسعر اللي ذكرتيه ..
يعني مالك الا سيارات السيدان ..
طبعا فيه خيارات سيارات كثيرة تستحق الشراء بصراحة .. منها ماركات أمريكية او كورية
بس ما حبيت اطلع عن شروطك .. وحطي شي في بالك ما فيه شي كامل أبدا !
وطبعا اهم شي الاستخارة قبل الشراء ..
