عندك 407 تفضل

يا شباب مافي اي خبر على موضوع سيدي الخرايط للبيجو 407 ؟؟

هههههه بالبيد خلاص ... يقولون المتوكل الحين في الشرقية وراح تسحب منه وكالة بيجووهذا كلام اكيد (تقدر تسأل أي موضف في بالبيد) عموما ابشرك السيارة جابت 50 الف ..وانا ماراح ابيعها اقل من 65 ألف والله يرزق الجميع لأنها باقيه على الضمان وثانيا اي مشتري له الحق في فحص السيارة في الوكالة أو اي مكان يراه مناسب وأي مشكلة في السيارة انا راح ادفع قيمة الفحص. ...

بس بالبيد = فشل هههههه :)

مشكور على الرد والـ 407 لها عشاقها ما تدري يمكن اشتري 407 ثانية بس 6 سلندر ؟؟:D

مرة حصلت بالحراج بيجو 407 موديل 2006

معروضة بـ26 ألف؟؟

قلت ليش هالرخص؟؟

قالي أحد يشتري سيارة من بالبيد؟؟ :confused:

معليش عالإحباط بس البيجو تعتبر غلطة كبيرة

لكن اللي مستغرب ومضحكني إنه مكيفها أبرد من الكامري

لول تحياتي

حياك يالغالي وشكرا على ردك ... عموما هذا ردا على سؤالك؟؟؟ وجوالي ارسلته لك على الخاص...

الميزات الداخلية:

1- مراتب جلد
2- فتحة سقف
3- المراتب الأمامية متحركة كهربائية مع وجود تدفئة بها.
4- تكيف مستقل لكن من الراكب والسائقة بحيث يتحكم كل منهم بصورة مستقلة بمسار الهواء ودرجة الحرارة + تكيف للركاب بالخلف
5- زجاج مصفح عازل للحرارة والصوت مع نظام الأمان للأطفال بحيث انه يرتد عند ملامسته لأي جسم (النظام موجود حتى في فتحة السقف)
6-مثبت سرعة مع إماكنية تحديد السرعة بحيث تختار سرعة لايمكن ان تتجاوزها حتى لو زدت الضغط على دعاسة البنزين
7- إماكنية التحكم بالسي دي والراديو بالمقود
8- عداد رحلات يخبرك بمعدل إستهلاكك للوقود لكل 100 كيلو + إخبارك بالمسافة التي يمكن قطعها بكمية الوقود المتاحة
9-ثلاجة
10- بإمكانك إقفال الأبواب على الأطفال بلمسة زر بحيث لاتفتح إلى من الخارج فقط لضمان عدم فتح الأبواب الخلفيه أثناء السير.
11- المراية الداخلية تعتم بصورة آلية لتخفيض حدة الإضاءة التي تتعرض لها من السيارات التي بالخلف
12- زر إزالة الضباب عن الزجاج الأمامي والخلفي
13- شاشة معلومات لتخبرك بكل ما يطرىء على السيارة .إنخفاض ضغط الإطارات، تلف الفرامل موعد الصيانه درجة الحرارة الخارجية ، إنخفاض سائل تنظيف الزجاج الأمامي ...)
14- باور سترينق مع ميزة التحكم بإرتفاع المقود
15- نظام سمعي بقوة 240 واط تقريبا (وكالة)
16- زر لنمط القيادة الرياضية
المواصفات الخارجية: صحيح ما طلبته بس يالله على الطريق هههه

1- جنوط مقاس 17 إنش المنيوم شاملة للسبير
2- أنوار زينون مع ميزة الضبط الآلي بحيث تعمل بصورة تلقائية أثناء المرور بمكان مضلم. (الواطي فقط ، العالي عادي)
3- كشافات ضباب أمامية وخلفية
4- حساسات
5- مرايات جانبية كهربائية تطوى اثناء قفل السيارة كما يكنك طيها أثناء المرور في مكان مزدحم بلمسة زر من الداخل مع العلم انها تنزل للأسفل أثناء الرجوع للخلف لتعطي دقة أكبر ووضوح اكثر اثناء ركن السيارة.
6- بخاخ لغسيل الأنوار الأمامية
7- مساحات زجاج امامية تعمل بصورة تلقائية أثناء نزول المطر كما انها تزيد قوتها حسب قوة المطر
8- عدد (2) ريموت كنترول
9- نظام فرامل متطور يشمل على خمسة انظمة تقريبا منها الـ ABS, ESP ....مع العلم بأن الأنوار التحذيرية تعمل بصورة تلقائية إثناء الفرملة الطارئة.

عاد هذا اللي اتذكره ههههه المهم

بالنسبة للفرق بينها وبين الغير فل ابشن

مثبت السرعة ، الزينون الفتحة، مراتب جلد، تحكم كهربائيا بالمراتب، مع تدفئة المراتب، ثلاجة ، حساسات
هذه اهم الفروق تقريبا بي الفل والعادي

السيارة ناعمة ومريحة بالنسبة لي لاكن لازم اقولك تراها مش ناعمة مرة زي السيارة الثانية لان تعليق الـ 407 رياضي يعني ثبات 100%
لاكني اسافر فيها من الجبيل لدمام ومرات الحسا والله عادي ما أحس انها متعبه..
بالنسبة لإستهلاك البنزين (انسى) انا عن نفس ما ني حاط ميزانية للسيارة يعني تعبيها فل 35 ريال بنزين 95 تمشيك 618 كيلو (طبعا يمكن تمشيك أكثر بس انا عن تجربه مشيت فيها المسافة المذكورة فقط )
والبنسبه لسؤوالك هل السيارة تستاهل؟ والله تستاهل بس اقول لك حاجة للأمانه انت أسأل أحد غيري لأن كل واحد يمدح بضاعته
عموما لك الحق في فحص السيارة وكالة وانا مستعد لدفع تكلفة الفحص اذا وجد في السيارة أي خلل... طبعا المشكلة ألي انا قالب الدنيا عليها (الوكالة تقول مافيها شيء وهذا عادي) وفعلا صرت اجرب سيارات اصحابي واحس انها تقريبا نفس الشيء لاكن ما يمنع انك تشيك

السيارة ماشية ثلاث واربعنين الف وباقية على الضمان

للأمانه السيارة لم تتعرض لأي دهان او سمكرة يعني وكالة ..ولك الحق في الفحص في أي مكان داخل الجبيل
لايوجد أي إضافة على السيارة سوى التضليل العازل +بلاستيك شفاف لمايةالأنوار والكشافات (عليها ضمان 10 سنوات ) هو مع التظليل.

بلاستيك لحماية ارضيه السيارة

اخي الكريم تقدر توضحلي ما هي مميزاتها الداخليه والفرق بينها وبين الغير فل ابشن ..

وهل السياره تستاهل ؟

يعني ناعمه ومريحه في المطبات وغيره واستهلاكها للبنزين ؟

ارجو الأفاده لأني بفكر فيها باليومين دي ...

هلا وغلا الله يحيك ويبقيك.. فعلا نويت أروح للمتوكل ... واحد من زملائي جرب السيارة وقالي هذا شيء بسيط (زي ما قلت لي :) ) لاكن بالنسبة للي ما يعجبني إلا كل 100/100 المهم انا شكلي بزور المتوكل إن لقيت لي فرصة ... لإني ناوي ابيع السيارة بس لازم أضبطها تمام عشان اللي يشتريها ما يدعي علي ..

وعبوووود تمممممام ويسلم عليك...

كيفك أخوي طيب انشاء الله

وكيف عبوود

وبالنسبة لسيارتك الله يعينك وزي ما قلتلك أول

آخر حل روح للمتوكل في الرياض في التحلية

لعل وعسى يكون عنده حل هذا رآيي وبالتوفيق

سلااااااااااااااااااااااااااااام |3|

عمر 206 السيارة شكر لتعاونك معي ...بالنسبة لسيارتي موديل 2006 محرك 2.0 فل ابشن ماشيه 43000 فقط تحت الضمان. لا يوجد عليها أي إضافات سوى بلاستيك شفاف لحماية الأرضية + تضليل عازل وبلاستيك لاصق لحماية الأنوار الأمامية وكشفات الضباب .. والتضليل وبلاستيك حماية الأنوار عليها ضمان 10 سنوات ..

داخل بيج وبره نفس اللون اللي في التوقيع ( إسئل أخوي بيجو الأناقة الفرنسية عن السيارة او اخوي الساحر )... وبعدين كلا ألـ 407 نفس المشلكة ش القصة

عاشق الألماني ما قصرت بس بصراحة حطمتني وعلى طاري الموقع الرئيس ... تراهم خرطي ... انا مراسلهم شخصيا بس ماحد حولك يحولك على بالبيد... وهم بدروهم يقنوع الوكالة انك مبالغ شوي والسيارة تم فحصها والنتائج كلها اوكي... خليها على الله..

السلام عليكم ....

يالغالي مشكلتك حلها صعب ، الله يكون في عونك بصراحه لأن هذا احد العيوب المصنعيه الموجوده 407

الحل انك تبحث عن جير مستعمل وتركبه لسيارتك .

او انك تراجع الوكيل بالرياض عن طريق الفاكس ولو مانفع حاول انك تراسل الشركه الام عن طريق الموقع الرئيسي .


وما اقول إلا الله يكون في عونك وعون كل مسلم .


في حفظ الرحمن ..،،،،،

حاليا والله ما عندي اي فكرة عن سعرها في السوق بس السيارة موديل كم والعداد كم كيلو مشيت فيها ...

صحيح السيارة راح تنزل من قيمتها اقل شيء 10000ريال ..

بس انا اقول لك والله الوكالة وعرفوا يصلحوا سيارتي .. وللحين انا كل يوم ادور واحد يصلح ترى مشكلتي بسيطة ....
روح وشوف المتوكل ايش يقولو لك ...

انا اقول لك من الحين بدأت معاك المشاكل ..ومو مرة واحدة...
كل مرة قاعد تخرب عليك .. واذا صلحتها راح تخرب عليك مرة ثانية ...

عمر 206 اشكرك على الرد ... لاكن ما ودي ابيع السيارة وفعلا تعبت مع الوكيل ولا جاي احصل منه على شيء

بس ما عليش لو ابيعها كم تسوى...