السلام عليكم
اسمحولي بالتدخل
عزيزي عيون الحب
اللي عرفته من موضوعك ان خاطرك تشتري دباب عشان تتعلم عليه
اول شي راح اعطيك فكره بسيطه عن بعض اهم مميزات الدبابات وبعدها راح اقولك وش النوع الي يصلحلك وحتى لو تبي انا بساعدك واجيبلك الدباب
نبتدي بالهوندا ... دباب وزنه اثقل من باقي الدبابات اثقل من الياماها واثقل حتى من السوزوكي .. هو الدباب الوحيد اللي ممكن انك ترفع فيه وانت ماشي عكس الهواء حتى لو كانت الهوا قويه ( لكن الي حد معقول)
ياماها .. الياماها نزل منه R1 و R7 و R6 مثل ماهو معروف الياماها احلى اشكال الدبابات R1 حجمه 1000 وR7 حجمه 700 وR6 حجمه 600 طبعاُ كل نوع يختلف شكله عن الثاني بحاجات بسيطه ( هذا غير القوه والشغلات الميكانيكيه ) معلومه عن ال R6 هو افضل انواع الياماها من ناحية التزويد (يعني تركب عليه قطع خفيفه يصير طياره) لكن عيب الياماها بشكل عام انه خفيف وثاني وغير عن كذا دسك الكلتش يخرب بسرعه كل فتره وفتره لازم تغيره وعامود المكينه يعني الدباب نوعاً ما حساس وانت كمبتدء ما انصحك فيه
كوزاكي : صراحه ماعندي معلومات كثير عنه لكن كل اللي اعرفه انه اغلى انواع الدبابات بس قيره حساااااااااس جداً يعني تغلط اول مره يمشي معك ثاني مره برضو بيمشي معك ثالث مره راح عليك القيرو وهذا وجهي اذا لقيت واحد ثاني
سوزوكي : بصراحه انا كنت اكره شكل السوزوكي وكنت اعشق الياماها لكن بعد ماعرفت الفرق بينهم غيرت رايي بصراحه انا انصحك في السوزوكي
اكيد بتقولي ليه تنصحني فيه انا اقولك
اول شي السوزوكي فيه سستم فرامل ( عشان كذا الست اب على السوزوكي سهل)
وثاني شي السوزوكي فيه انظمة امان ( الامان باله سبحانه ) يعني اغلب الدبابات اذا رفعت فيها ممكن الدباب يهتز فيك والشي هذا معروف لكن السوزوكي يمشي على طول لا راح ينتفظ فيك ولا شي خلك واحد حجمه 750 او 900 طبعاً كل ماكان حجمه صغير كل ماكان افضل بالنسبه لك كمتعلم
ملاحظه : ( اقوى انواع الدراجات الناريه في العالم من اصدار سوزوكي وعدده قليل في المملكه اممم اذا ماني غلطان اسمه سراد ماني متاكد لكن عموماً في الشرقيه واحد معروض للبيع للي خاطره فيه يسرع قبل لا يروح عليه )
واذا انت من المنطقه الشرقيه ابشر من عيوني انت بس عطني خبر وانا بجيبلك الدباب الين عندك
وهذا ماسنجري لاي استفسار
[email]
[email protected][/email]
وشكراً لكم
