انا عندي ددسن 2005 ماخليت بر الا وطبيت فيه ولا خليت مطب الا واكلته ولا جرف الا واكلته
ومطامر بالبران من عام 2005 وصيد وجاه كرف الله لايوريك وحتى الان ماشيه زي الحلاوه
ولا طلب الا سير مكينه وفحمات ومساعدات وغيرت زيوت الدفرنس والقير
وترى نشاطه مايفرق عن الهايلوكس احيانا اقاوم هايلوكسات واطلع عليهم واحيانا يطلعون علي
يعني في تفاوت ولكن مافيه فروقات بالتسارع واضحه كلها حول بعض
الهايلكس الجديد بصراحه معجبني كثير ولكن مدري عن جودته ولا جربته على مدى بعيد
ولكن ركبته وسقته حلو بصراحه ولكن كقياده الددسن افضل واسهل والددسن تتحكم فيها بالبر
وعلى الاسفلت افضل من الهايلكس لان الهايلكس بصراحه بالبر عليه هاجات من وراء اذا
صرت مسرع وتناور او تطارد حصني (( ثعلب)) المهم مالك بطوله الكلام
الددسن ممتاز والهايلكس ممتاز ولكن يبقى انك تجرب السياراتين كتجربه قياده واللي ترتاح
لها استخر واتوكل على الله علما باني قرات موضوع بان الددسن راح يتغير ويصير اكبر
وشكله احلى بكثير من الاول والموضوع بالمنتدى الاسيوي بقلم الاخ المشرف /نيساني
وفي الختام ارجو ان يكتب الله الخير لك والسلام
ينقل الى قسم الاستفسارات في المنتدى الاسيوي
والله الموفق
