كيــــا اوبيروس 2007 Vs اكـــورد 2007..لمن الغلبه..

انا من تجربة سابقة مع كيا " كلارس " و لمدة 7 سنوات و نص ... مشت أكثر من 200 ألف كيلو .. و ما زالت بالخدمة على يد اخوي الصغير .

و كان عليها ضمان 5 سنوات و الحمد لله ما احتجته اصلا , انتهى و انا ما ادري عنه .

اشتريت اوبيروس 2006

و الحمد لله ما فيه مشاكل

الوكيل ما بيورط نفسه مع الناس و يعطيهم ضمان 5 سنوات .. عشان ينشبون له كل شوي .

والله ياخوي أنا بصراحه مالي علم
بس عني أنا ممكن أخذ
الأكورد فل كامل 6 سلندر برقبتها
:)
بس شوف أنا الي سمعته عن الأوبيروس إنو سمعتها مو ذاك الكلام
ولا تعتمد على ضمان الشركه
يعني حتى لو كانت الشركه بتضمنها لك بتتوقع إنو لو مثلا خرب الكمبيوتر من مطر أو شي زي كذا بيصلحونها لك على حسابهم ؟؟

طيب عزيزي..

ما ادري اذا كان راح يكون فيه اختلاف بين موديلات 2007 و2008..

او تعتقد انها بتكون نفسها..؟؟

ومتى تعتقد راح ينزل موديل 2008؟؟

وبالنسبه للضمان..اخر مره ذهبت للوكاله..ذكر انها خمس سنوات..ولـ 150 الف كيلو..؟؟فما ادري تعتقد ضحك علي مثلا؟

ياليت تفيدنا حبيبي..بسيارات افضل بسعر يقل عن 100 الف..
ووش رايك بالاوريون 2007..سعرها مقارب للاوبيروس..
فأحب اعرف رايك بخصوصا..

وبالمناسبه اتمنى اني اشاهد رايكم بخصوص المذكور في هذا الرابط..

http://www.alzaeem.net/showthread.php?t=408565

اشكركم يا جماعه على حرصكم..

بخصوص اذا ما كان الفل موجود لدينا بالمملكه..

انا تقريبا قبل اسبوعين كنت في احد المعارض بالرياض..

وكان موجود المندوب..وسالته عن مميزات الفل في الاوبيروس 2007..
فذكر لي بعض المميزات..والبعض لا يعرفها..

بعض المميزات التي ذكرها هي تتعلق..بمراتب الجلد..زينون..فتحه سقف..الستائر الاكترونيه..

هذي المميزات إلي يعرفها في الاوبيروس 2007..

لان اساسا هي غير موجود عندهم بنفس المعرض..لكنهم راح يحضرونها لي لو طلبتها منهم..

نقطه اخرى يا شباب..

يعني ما دام الاوبيروس بتلك الفخامه..وسعرها بالنسبه لشكله يعتبر مناسب جداا..ليش ما نشوفها في الشوارع بكثره..
يعني لا تدخل في اي شارع إلا وتجد مثلا الاكورد 2007 في كل مكان..!!

على هذا دليل على ان الاوبيروس غير مرغوبه مثلا..!!!

حياك الله اخوي تميم حبيب قلبي
بخصوص ان يتأكد بأنها 2007 ، وذلك لأن قد لايخلو معرض لكيا السعودية للسيارات إلا وفيه كم حبه 2006 فل أوبشن.......
فلذلك جرى تنبيه أخوي لكي يتأكد من ذلك فقط
وأما بخصوص التبريد والتدفئة فهذه المواصفه موجودة بموقع كيا السعودية للسيارات....وأنا قرأتها من زمان هناك
وأما بخصوص التخشيبة فأنا ركبت بالشرقية أوبيروس ستاندرد بمقود مطعم بالخشب.......!!!!! والله أعلم
والله يوفق الجميع للخير
أخوك أبو عبدالعزيز

الف مبروك مقدماً أخوي على السيارة أياً كانت

ووالله أنا زيك محتار لي حوالي الشهرين وانا محتاس ادور سيارة

بس انا أشوف من وجهة نظري وكثير من الناس

إن الاوبيروس شكلها فيه غبااااااااء كبير مدري وش السبب :confused:

بس إذا على مواصفات لا تمام |1|

بس عن شكل أشوف الأكورد شكلها أرقى بكثير بس مشكلتها منثورة نثر في الشوارع

بس إذا تبي فيه عندك خيارات أخرى

في رد آخر

السلام عليكم........
لمعرفة الفل أوبشن
1- تأكد أن السيارة بالاساس موديل 2007........!!!!
لأن اللي نعرفه انها غير متوفره بجلد....
وأن جنوطها مثل اللي بالصورة فوق 17"
2- الفل أوبشن يتميز بأن المقود إلكتروني بالكامل ( يتحرك باربعة إتجاهات إلكترونيا) - ذاكرة بالمقاعد - أنظمة ثبات ESP - المرآة الداخلية إلكترونية (سحرية) - أنوار خلفية LED - حساسات أمامية وخلفية - تدفئة وتبريد المقاعد - الستائر الجانبية والخلفية - أنوار زينون - ....ألخ)
تأكد من وجود كل هذه الاشياء
ملاحظة: تخشيبة المقود قد تكون اساسية بجميع الموديلات .......!!!

والله يوفقك
وبخصوص اللون اللي وضعه أخوي تميم فبصراحه اللون ممتاز ، وأنا أقترح اللون الذهبي الكامل.......((لولا إختلاف الآراء لبارت السلع))
أحس أن اللون الؤلؤي+الذهبي راكب على الموديل السابق أكثر من الجديد........
على العموم تأكد من اللي كتبته لك فوق
ولاتنسى صلاة الإستخارة وأنا أخوك

روووووووووووووووووعه روووووووووووووووووووووعه

روووووعه والله هاللون عزيزي تميم..

ما قصرت والله يا الغالي..

انا لو مكانك

آخذ أكورد