صوت طقطقة بمكينة الفورد ... تكفون

البيه @user_32226 · 21-07-2007

السلام عليكم
يا اخوان انا عندي مشكلة بالفورد
المشكلة داااااااائما تكثر في وفت الصيف
اذا دعست للسيارة اسمع صوت طقطقة بالمكينة
حتى بمجرد اني ادوس على الابنص او اوصل السرعة الى 100 يطلع الصوت
رحت لورش كثيرة ولا عرفوا المشكلة
اخيرا رحت للملحم في الخبر قال المشكلة هذي عادية
والله يا اخوان الصوت مزعج واخينا في الله يقول عادية
يقول جميع الفوردات كذا مع ان اكثر الشباب اللي اعرفهم معهم نفس سيارتي
ولا يواجهون هذي المشكلة
نوع السيارة : فورد قراند ماركيز 97

اتمنى من اهل الخبرة ان يطمنوني
تحياتي لكم جميعا

ham2002 @user_36407 · 01-08-2007

أنا من زمان أعبي بنزين 95 ولا عمري في حياتي عبيت من الجديد 91 وبرضه الصوت موجود عندي!!!!!

فورد 2010 @user_33585 · 01-08-2007

أنا أتوقع أنه من البنزين أن كنت تعبي 91 فعب 95 وشوف وش اللي يحصل

البحر الأزرق @user_51500 · 01-08-2007

مشكلة الطقطقة قي المكينة مشكلة كهربائية وتسبب زيادة في حرق (صرفية) البنزين وثقل في عزم الماكينة فلكل داء دواء وأفضل أن تسأل أهل الخبرة على الطبيعة في منطقتك وعلى قول المثل "من سأل ماتاهش"

بـروقـهـام @user_51241 Banned · 27-07-2007

والله إنـك صـادق أخوي / ham 2002 .. ولا المصيبة فـورد مسوية لنفسهـا دعاية لا صـارت ولا إستوت .. ( محركـات فورد الأولـى عالميـاً ) .. مـع وين الأولـى وهذي بلاويهـا في منطقة الإختبار الحقيقي لجودة المحركـات منطقة الخليج العربي مو والله يمشون فيهـا ساعتين أو ثلاث في ( طرق صحراوية بولاية نيفـادا ، وإلا بخطوط ولاية تكسـاس ) اللي أقصى درجة حرارة توصل عندهم 35 درجة مئوية ( مقياسهم بالفهرنهـايت مـدري كم .. لا تحرجوني ) :D ؟!

ومـع ذلك .. محركـات فـورد الأولـى عـالميـاً .. |1|

بس من أسفل القائمـة .. ! :D :D :D

تحياتي للجميـع |3|

ham2002 @user_36407 · 27-07-2007

فعلا صوت يرفع الضغط ويخليك تكره السيارة من قرقعتها !!!!!!

بـروقـهـام @user_51241 Banned · 26-07-2007

يـا اخوان .. تحية طيبة أولاً .. وثانيـاً .. أنـا أكثر من عـانـى من هذه المشكلة .. صوت فرقعة عالية في المكينة .. الوكالة الفاشلة ( توكيلات الجزيرة ) عجزت تماماً عن حل هذه المشكلة لأكثر من 3 مرات أدخل السيـارة لهم وتخرج كمـا هي والنتيجة ( مشكلتك مالهـا حل ) .. الفرقعة تأتي في سرعة 60 وأحيـانـاً سرعة 80 وأحيانـاً فوق 100 إذا كنت تسير بسرعة عالية وثابتة لفترة معينة .. طلعتهـا من الوكالة ، لورشة التقوى بالصناعية .. وبرضه يقولون هـذا من الكومبيوتر وبالذات ( برمجة البنزين ) إنتظر نجيب جهاز برمجة درجة أوكتان البنزين السعودي من أمريكـا وصارلي سنتين ونصف أنتظر جهازهم .. بس عندي حل وسط !!!

طول المسجل على الآخر .. وإنسى القرقعة أو تـنـاساهـا .. والله يخلف علينـا وعليك ... والله يرحم ايام الأمريكي القديم اللي مـاعمره طلب غير تصفية وزيت وبنزين .. ولي عودة للحديث بشكل مفصل عن تجاربي الآليمـة مـع الفورد وقرقعة مكاينهـا !

تحياتي للجميع

البيه @user_32226 صاحب الموضوع · 26-07-2007

يعطيكم الف عافية على التعقيب
لكن والله يا اخوان كل ما دعست البنزين يجي الصوت
فاضطر اني ما اسرع يعني 80 وانت نازل
والمشكلة هذي تطلع في الصيف يعني ايام البرد ما يجي الصوت
تقبلوا تحياتي

القط الأبيض @user_50410 · 26-07-2007

؟أخي الكريم أنت تقول صوت داخل الماكينةموضوع مختلف أماصوت خرج المكينة أمرهين أناأخفيلك صوت بلمرة على الشرط لازم أول أناظر السيارة وأعطيك نتيجة مائة بلمائةأنافي الرياض في حي الملز شارع فاطمة الزهراء

بندر96 @user_51376 · 25-07-2007

طيب هل من الممكن ان نقوام بتزيل الحرارة لكي الصوات يختفي او يخف وشكرا

ابو المناصير @user_21393 · 24-07-2007

الى اخي كاتب الموضوع تحية طيبة وبعد....
بالنسبة للمشكلة التي تواجهك وهي صوت الطقطقة في المكينة وهي جهة الراكب خلف الطبلون بالضبط فأحب ان اطمنك ان هذه المشكلة طبيعية وفي جميع الفوردات الماركيز والفكتوريا واللنكون التاون كار ولا تخاف ليس لها اي آثار سلبية على السيارة فأنا اول من عانى من هذه المشكلة اول ماشريت السيارة واحسبها خراب في السيارة صرت اسمعها في كل الفوردات وابشرك السيارة لها معي 9 سنوات والصوت موجود فيها ولا صار اي شي في السيارة فعشان كذا لا تتعب نفسك ولا تروح لورشة وينصبون عليك فهذه المشكلة طبيعية جداً خلك زيي افقع ام المسجل والمكيف وانسى الصوت |11|

مستشار @user_35902 · 23-07-2007

M

MANGOCOLOR

أخي الكريم
أنا عندي نفس المشكلة تقريباً " ماركيز 99 " و نفس الشيئ قالوا لي المشكلة عادية و لكن الصوت حقاً مزعج . أحد الميكانيكية قال لي ( لا أعرف إن كان صح أم خطا ) أن المشكة من ازدياد حرارة السيارة و أن التابلون الألكتروني لا يتحسس الحرارة جيداً فترى الحرارة فيه على الوسط دائماً و نصحني بأن أسيخ الردييتر و أغير بلف الحرارة و أضع ماء أخضر . و الحق يقال أني لم أفعل لأني لم أقتنع بكلامه و العلم عند الله

هذا صوت طبيعي في الفورد خاصة وشركة البيان في الرياض يبرمجون ( 800) ريال لكن فية طريقة
وهي يعرفها بعض المكانيكية الممتازين وذوي الخبرة في الفورد والطريقة تكلف ( 200) ريال

وهي الدهاب الى المهندس وشراء بواجي جديدة ووضع عليها مادة ( مثل العصار ) والشرط يكون البنزين شبة فاضي تمامأ أبحث في الصناعية وخاصة عند العمالة التركية ذوي الخبرة .

ملك الماركيز @user_30609 · 23-07-2007

ا

البيه

السلام عليكم
يا اخوان انا عندي مشكلة بالفورد
المشكلة داااااااائما تكثر في وفت الصيف
اذا دعست للسيارة اسمع صوت طقطقة بالمكينة
حتى بمجرد اني ادوس على الابنص او اوصل السرعة الى 100 يطلع الصوت
رحت لورش كثيرة ولا عرفوا المشكلة
اخيرا رحت للملحم في الخبر قال المشكلة هذي عادية
والله يا اخوان الصوت مزعج واخينا في الله يقول عادية
يقول جميع الفوردات كذا مع ان اكثر الشباب اللي اعرفهم معهم نفس سيارتي
ولا يواجهون هذي المشكلة
نوع السيارة : فورد قراند ماركيز 97

اتمنى من اهل الخبرة ان يطمنوني
تحياتي لكم جميعا

الملحم اللي في الخبر احس اللي فيه يتعلمون على السيارات اروح لهم بس حق تغيير اذرعه مقصات اشياء بسيطة اما حق المكينة الملحم اللي في الدمام اللي مطرف على زاوية يظبط لك المكينة احسن لكن البيان افضل وسعره اغلى

MANGOCOLOR @user_50847 · 22-07-2007

أخي الكريم
أنا عندي نفس المشكلة تقريباً " ماركيز 99 " و نفس الشيئ قالوا لي المشكلة عادية و لكن الصوت حقاً مزعج . أحد الميكانيكية قال لي ( لا أعرف إن كان صح أم خطا ) أن المشكة من ازدياد حرارة السيارة و أن التابلون الألكتروني لا يتحسس الحرارة جيداً فترى الحرارة فيه على الوسط دائماً و نصحني بأن أسيخ الردييتر و أغير بلف الحرارة و أضع ماء أخضر . و الحق يقال أني لم أفعل لأني لم أقتنع بكلامه و العلم عند الله