السلام عليكم :cool:
اخوي بيالة شاهي مع احترامي للجميع بعض كلامهم مايخش العقل الكيا كرنفال مبيعاتها في ازدياد كبير وانت شوف بنفسك شوارع المملكه وشوارع الرياض خاصه الكيا كرنفال والهيونداي تراجيت هن اكثر فانات مبيعات في المملكه واكثر مستخدمينها من سواقين العوائل الي مايرحمون السياره. واذا بنتكلم عن الكرنفال الجديده 2007نسال انفسنا اول ليش انتشارها متزايد يوم بعد يوم مع العلم ان نزولها للاسواق السعوديه لم يتعدى 8 اشهر .وهذا دليل على جودتها واعتماديتها ودليل انها تفوقت على الهوندا اوديسي في المبيعات بشكل كبير في السعوديه ولو تعد ماتشاهده يوميا راح تحصل الكفه تميل لصالح الكيا كرنفال وبقوه . وان كنت تريد مقارنه مفصله بين السيارتين انا مستعد وفي الخدمه ولكن قبل كل شيء انصحك تروح تشوف وين مكان الكفر الاسبير في الهوندا اوديسي راح تنصدم بكل ماتعنيه الكلمه بعدين روح شوف وين مكان الاسبير في الكيا كرنفال راح تعرف ان كيا تفوقت على هوندا في هذة الفئه من السيارات . وهذا الرابط للاطلاع على ابداع ومواصفات وهندسة كيا كرنفال بالتفصيل الموقع يعكس قوة الابداء حتى في تصميمه |3|
انقر هنا للاطلاع http://newcarnival.kiamotors.com/
اخوي اشترى وحدة ما كملت 40 الف كم
وبوشت المكينة (مع العلم ان اخوي مواظب على الصيانة الدورية)
ولمن وداها الصيانة قالو له نصلحها لك بس تدفع النص مع العلم ان السيارة ما زالت تحت الضمان
طبعا هذا ايام (الحاج علي رضا)
من جد وكيل حرامي الحمدلله انهم سحبو الوكالة منه
عموما يا اخوي نصيحة اخوية لا تاخد هذي السيارة
اذا كانت امكانياتك تسمح انك تاخد سيارة اغلى شوية
انصحك تاخد تويوتا بريفيا او هوندا اوديسي سيارات يابانية ممتازة لك وللزمن
السيارة ذات تصميم انيق وراحة وفخامة ومحرك ذو قوة متوسطة 6 سرندل سعة 2.7 لتر لاكن هناك الكثير ممن يشتكي من المحرك بعد مرور 3 سنوات بأنه يتلف بشكل شبه كامل فالسيارة ل3 سنوات فقط
ارى ان توسع نظاق الاخيار فهناك فان متسوبيشي وهوندا
