تحذير لكل من يملك كامري 2007

الكامري سعرها عندكم ممتاز بالنسبة للمواصفات اللي تنزل عندكم

اسعار خيالية للكامري عندكم بالسعوديه

لا يختلف الحال كثيرا في الامارات بس اعتقد سعر الكامري ارخص عندنا

الله المستعان

للبيع كامري 2002 بـ 38000 ريال (اكس ال)

وايضا للبيع كامري 2003 بـ 40000 ريال (اكس ال )

معارض النسيم بالرياض في الساحة الرئيسية

امس نزلت المعارض بالرياض معارض النسيم ومعارض الشفا ولقيت كامري موديل 93 جراندي بـ 21000 ريال سعودي على سيارة عمرها 14 سنة

الكامري السيارة المفضلة في السعودية عشان كذا يلعبون في سعرها

بالنسبة للشريطية .. أذكر الوالد يحكيني عن أحد القضاة و اللي كان يقول لو بيدي ما قبلت شهادة الشريطي :D

الله المستعان بس.

أبو محمد 6 6 6

|3|

الاخ كحيلان صراحة كلامك سليم |1| |1| |1|

هم اصلا الشريطية دائما كذه طلع السيارة من الوكالة و وبعدها باسبوع وديها للحراج بس ياريت تكون مغبرة وموسخة .. وقل له السيارة معاي من ستة شهور وانا الحين مزنزق ابغى فلوس .. وشوف كم بيعطيك فيها ...

أولا لا تعممون على جميع الشريطيه.. لأن فيه شريطيه قبل لا يسوي أي شي يتقي ربه.. وبعدين هذا حقه.. هو يدور من قبل صلاة العصر في هالحر يسترزق من الناس اللي جايه بتبيع مواترها بسرعه.. والمفروض الواحد يعرف كم تسوى سيارته قبل لا يدخل السوق.. مو يدخل على عماها!!

واللي يقول التويوتا مثل غيره.. ادخل السوق وتعرف وشلون مثل غيره :)

احبائي السلام عليكم ورحمة الله ... هذه اول مشاركه لي

انا في جده نزلت الحراج قبل شهر اسال عن كامري 2002 والله الذي لا اله الا هو حبايبي اني لقيتها بي 40 الف و42 الف فجن جنوني وقلت ياجماعه بالعقل اللي يبغى يدفع 40 الف في مستعمل يزود عليه 25 الف ويطلع جديد وبشكل جديد قالولي لا عشان 2002 مرغوبه جدااا ....

بعدها بأسبوع نزلت سيارة خالي الكامري 2002 سعرتها عندهم ونظيفه وباسمه من الوكاله ولا انرش ولا انصدم اللهم لك الحمد واللون الذهبي ولا يبي يبيع بس اجس نبض السوق وتفاجأت انهم عطوني فيها 33 الف شوفو الفرق يعني بصريح العباره سياراتهم هم اللي ميه ميه وسيارتك انت مهما كانت فهيا كخه والله شي فعلا يقهر اجمالا انا جالس الان ادور على كامري 2002 اوتوماتيك نظيف ماني ملاقي في حدود الثلاثينات لاكن شكلي بطق الكامري الجديد بس ربي ييسرها علي وعليكم ان شاء الله

الكامري سيارة غير مقبولة
خاصه الموديلات الجديده

كحيلان ههههههههههههههههههههه
ياخي وينك من اول انت:D
سياخي والله انك صادق
تويوتا ونوكيا وكبسه وبيبسي:D
من ناحيتي ساحب على التويوتا ولا كقيت له خبر< يبي ياخذ له امريكي
النوكيا ساحب عليه وماخذ لي جوال من شركه ثانيه ياخي ملينا نوكيا نوكيا
كبسه وبيبسي نفس الكلام سحبنا على البيبسي وطحنا بالعصيرات:D
لكن الكبسه نغير شوي من بعض المطاعم ماك وطقتها|1|
والله انك صادق يوم تقول في ناس مخه معبأ ولا يفهم بالسيارات
تقوله خذ لك باسات يقول لا ابي كامري
مافي امل يغير
يعطيك الف عافيه يابطل|1|

كلامك صحيح هناك من يحاول تشوية سمعة اي سيارة جديدة ولكن ليست الكامري وحدها

عندك الكابرس 2007 اول مانزلت ولا كملت 3 اسابيع وينزل موضوع في احد منتديات ويقول فيها عيوب ؟؟؟؟؟؟؟؟؟؟؟؟
اهذا يعقل السيارة توها نازله وعرفنا عيوبها اجل بعد سنه وش راح تكون كثر العيوب الي فيها

روح انزل المعارض وشوف الكامري 1997 كم تنباع وشوف الـ2002 كم تنباع وشوف الـ 2003 كم تنباع شوف السعر الخيالي اللي يوصل الكامري موديل 97 يوصل الى 18000 ناهيك عن الهايلوكس واللاندكروزر كم اسعارهم ليش اللي طلع سيارة جديدة وكالة يتورط ويلقى سعرها طاح بسبب الشريطية وليش اللي معاه 97 يرقعها ويبيعها ب15000 الى 18000 ليش مع السيارات الشعبية بالذات؟ ليش اللي محتاج سيارة مستعملة مضمونة يلقاها مرتفعة في السعر؟

أصلا إذا بدخل سيارتي بدخلها عشان أشوف لعب الشريطية وأضحك على دلاختهم مو عشان أبيعها

والله ترا بسويها

وجهة نظر...

.[/COLOR][/SIZE][/CENTER]

انا معك في كل ماكتب الا الي مكتوب با الون الاحمر فلم توفق فيه

ياشباب انا من رأيي ان احد يرفع شكوي ويوقع عليها عدد من المتتضررين لاعل نأخذ حقنا
بس لمين نرفع الشكوي
اللهم انك غفور رحيم

مشكور اخوي على المعلومية

والشريطية ما لهم مذهب