كيف الكابريس و اللومينا 2007 ؟

معلومات جداً مهمه

بأنتظار المزيد

ولك أفضل شكر

شوف اخوي أنا معاي كابرس 2007ltz ماشي ألحين 3000 بسراحه الموتر الى ألحين تمام بس فيه عدت ملا حظات أول شي صوت الهواء والعزل الصوتي مره مزعج خاصه اذا كانت ناطحتك هوا كنك راكب ددسن على سرعة 100يبدأ الازعاج والحاجه الثاني أصوات التخشيبه والطبلون والبيبان حدث ولا حرج وفيه أصوات عند التشغيل طقطقه والله ما أدري منين مصدرها فيه طقه تحت القير والثاني تحس انها بالمكينه (عند التشغيل فقط ) النور القصير لك عليه
مميزات الموتر
الموتر مريح جداا
العزم جيد
الشنطه كبيره جدا أول ما فتحت الشنطه تفاجأت بكبرها يعني بتحمل من الأغراض لين ادوخ
من الداخل فخم ولا يقارن بمديل 2006 أبدا
هذا الي لا حضته الين ألحين واذا كنت تبي معلومات اضافيه أنا في الخدمه

الاسترالي لاتعليق
ونصيحه تبتعد عنهما


تحياتي

البلاستك يتففك بسهولة باليد ومع الشمس

شوف اخوي ساودي

بموضوعك هذا كنك تقول يا سعد انا قاصدك بذا الموضوع

شوف اخوي انا عندي كابرس 2007 LTZ
6 سلندر

اول شي نصيحه لك اخويه

فرق اسعر بسيط صراحه بينها وبين اللي تبيها

والفرق فرق السما عن الارض

المهم اللي يريحك انت اخذه

بالنسبه للمكينه انا اشوفها جباره وقويه بس مو نفس القديم على ما اعتقد لاني شفت كم مقطع لكابرس

اشوفه يتقطع الكابرس وما قدر يطوف الشخص اللي معاه

من بره عال العال

ومن داخل برضه بس شوف اللي عندي من داخل يختلف اختلاف كلي عن الثانيه

يعني انا الطبلون عندي ابيض انت راح يكون اخضر

المكيف الكتروني عندي انت يدوي فما اقدر اقارن

من ناحية الخط فهي راسيه اول شي

عزل الصوت لا بأس فيه فيه بعض التنسيم الخفيف

نصيحه ابتعد عن الجميح وخذ يا توكيلات او العيسى او بالبيد

وش تبي غيرها انا حاضر

6 سيديات ام بي 3

شكل حلو من قدام ولا بأس فيه من الخلف

واذا تبي الرخص اذا كنت من اهل الرياض في بالمعارض يكون عداد اصفار والسعر ارخص من الوكاله

وكل شي نفسه

بس نصييحه شيك على السياره قبل لا تطلع اهم شي

والله يعطيك خيرها ويكفيك شرها يارب

مساء الخير

كلام أسير عين الصواب
انا لاحظت الشي هذا من بداية الكابرس 2000
2001 كان أقل اخطاء 2002 أقل وأقل 2003 تقريبا كان افضل موديل في الشكل القديم

2004 كان ممتاز لكن 2005 جات عليه اضافة قوة المكينة وسرعة الاستجابة و2006 الحساسات الخلفية لـ اس اس و ال تي زد
لانها بالاصل موجودة برويال 2004

إذا تبي تتجنب الاخطاء وعوار الراس مع الوكالة أنتظر 2008 وان شاء الله تحصل خير ،،،

اجل توكل على الله

الأخ كابريس 2005 مشكور على النصيحة .

الأخ أسير الابسامة كلامك مقنع . فعلا الموديل الأول عادة يكون عرضة للعيوب المصنعية من خلال التجربة . بس حنا قلنا خلنا نسأل الإخوان اللي جربوا الموديل الأول .

مانصحك في الدفعة الاولى ابد استنى لين 2008

الصراحه 2007 ماجربته بس 2006 و2005 ممتازين جدا وهذي اكثر الموديلات انتشارا

واذا انت مو راعي قومات ماتحتاج 8 سلندر لانه ايضا 6 سلندر سريعه وخفيفه وتوفر في بنزين

وبالتوفيق لك...

الإخوان سريع جدا ، يقولون إن أول موديلين أو ثلاثة من الكابريس و اللومينا كان فيها مشاكل ، لأنها لأول مرة تصنع في مصنع هولدن . لكن الموديلات الحديثة مب مثل القديمة . و بعدين انتشارها يعطي مؤشر و لو بسيط على إن فيها نوع من الاعتمادية .

عموما ، تجربتك انت لأي موديل ؟

و عطنا لمحة عن تجربتك .

____________________

الأخ نابولي 89 ، ليش ابتعد عنهم و انساهم ؟

هل لك تجربة معاهم أو تجربة لشخص قريب جدا ؟

____________________

الأخ زياد بن محمد ، و أنا بعد أخوي عنده لومينا 2006 لها تقريبا سنة و كان يدكرفها كل أسبوعين من الخفجي إلى جدة رايح جاي . و لا تنسى شوارع جدة الزفت . و ما شاء الله عليها ما فيها مشاكل تذكر .

احد اقاربي عنده لومينا 2004 سته سلندر وماشية معه ماواجهة اي مشاكل

طبعاً عيب السيارة سعرها يطيح

يبيلها تدليع شوي ...

انصحك با لابتعاد عن الكابرس و اللومينا وانساهام ولاتفكر فيهما ابداً
صنــــــــــــــــاعة استراليه

لاتعليق

تحياتي

الأخ Saeed_1 ، و الله الـ V8 أكيد أقوى ، لكن أنا أبي الرخيص و ما تهمني كثير القوة .

بصراحة أنا كان ودي بلومينا بحكم إنها أرخص من الكابريس ، لكن فضلت الكابريس لأنه أوسع و أجمل .

يعني كأني اشتريت لومينا قطع طويل .

الكابريس أبو 6 سلندر لقيته في الجميح ب 87000 ريال .

____________________

الأخ continwntal_GT ، و هذا اللي بغيته أنا ، اقتصادي و سعره أرخص .

و على ما أظن أن مكينة ال 6 سلندر هي نفسها اللي في اللومينا ، و الفرق في حجم الكابريس و وزنه ما ظنيته راح يؤثر في المكينة .

على العموم أنا حطيت الموضوع عشان نسأل الإخوان أهل التجربة و الخبرة .

اذا تبغى الاقتصادي
أكيد السته أفضل

بس ما أدري اذا في أحد يذم المحرك ؟