++ هل تمتلك سياره اوربيه ، ماهو انطباعك عنها (( شارك معنا ))

السلام عليكم ....

مرحباً بمن انا المووضوع بمروره

مشرفنا الغالي === يزبط العلاقه :D

انا قصدي من الاضرار الناتجه قد تظهر بالوقت الحالي او قد تظهر في مابعد ، والسبب هو الحراره العاليه .



نرجع للمهم .

الله يبارك لك في سيارتك ويحفظك وانتبه من السرعه ترى ماوراها إلا المشاكل .


واختيار موفق بإذن الله .



تحياتي ..،،،

وعليكم السلام اخوي ابوإبراهيم .

جزاك الله خير على المشاركه الجميله .

الله يبارك لك في سياراتك واتمنى لك استخدام السلامه .

معلوماتك مفيده ووافيه .

وللعلم مشكله الهيدروليك ليست بالاوربي فقط وانما هي في كل السيارات والسبب كما ذكرت في الاعلى الطرق السيئه .





تحياتي . ،،،،

[COLOR=#0000ff]وانا اقصد انه ماينفع تسرع على السياره ودرجه الحراره كالعاده عندنا 45 فما فوق لأنه يدوب السياره تقدر تشتغل . يعني انت شوف درجه الحراره قبل لا تسرع ، أو انك تتحمل الاضرار الناتجه

واللي يقول لك ان كل يوم يطلع الظهر من الجامعة الساعة 11 ونص ويمشي خمسين كيلو من الجامعة للبيت بسرعة فوق 160 وبدون مشاكل ولله الحمد :D


=========

تجربتي للسيارات الاوروبية بلخصها بكلمتين :
الوالد عنده ساب وانا عندي فولفو واثنينهم صناعة السويد ..
الان افكر (( مجرد تفكير )) بسيارة جديدة والخيارات اللي قدامي اما فولفو او ساب .. ولكني طبعا اخترت الفولفو اس 80 الجديدة ..
ولا افكر ابدا اني اشتري سيارة غير سويدية ..[/COLOR]

السلام عليكم ورحمة الله وبركاته،
تحية طيبة وبعد،،

[COLOR=red][/COLOR]
[COLOR=red]أقتباس من الرسالة الأصلية [SIZE=2][SIZE=4]عاشق الالماني
[/SIZE][/SIZE][COLOR=red]هذا الموضوع للفائده ولكي نأخذ من تجارب الاعضاء وإنطباعكم عن هذه السيارات بكافه انواعها
ونريد منكم ان تشاركونا في هذا الموضوع إنتظر ردودكم
[/COLOR][/COLOR]أخي الفاضل عاشق الالماني أشكر لك جزيل الشكر لطرحك هذا الموضوع وآمل أن نفيد ويستفيد بعضنا من بعض بواسطة التجارب التي نحن نلتمسها من خلال أغتنامنا المركبات الأوروبية، لذا سأحاول أن أختصر بالمفيد بواسطة نقاط:

[SIZE=5][COLOR=red]- في الوقت الحالي أملك مرسيدس S 500 وبي أم دبليو 735il
- يعيب كلا المركبتين:
* غلاء قطاع الغيار وأخص أن كان من الوكيل مباشرة مما أضطريت أن أشتري من موزع موثوق به، بل أحياناً أذهب معه للوكالة ليقدم لي القطعة بسعر مناسب عن سعر السابق.
* مكيف المركبتين لا يعمل بالوجه المطلوب وأخص في فصل الصيف وبالتحديد من الساعة 11 ص - 4 م مما أضطريت أن أفصل ( البلف ) وقد تحسن عمل المكيف بل فرق عن قبل بكثير
* نظام الهيدروليك حساس والطرق لدينا على الأسف دائماُ في صيانة وحفر.... :(
* الصيانة الدورية لكلا المركبتين حال تأجيلها لمدة من الأيام أو الأسابيع قد يعطل أجهزة آخرى
* يعيب كذلك المركبة الأوربية حالما تقف فجأه... !!

- أما ما يميزها:
* الفخامة
* الراحة
* الثبات
* القوة
* جمال الأكسسورات والجلد ونظام الصوت[/SIZE][/COLOR][SIZE=4]

[/SIZE][SIZE=5][COLOR=black]وتفضلوا بقبول وافر التحية والإحترام - الشمري[/SIZE]

.

[/COLOR]

حياك الله اخوي

وننتظر بقيه الاعضاء ألي ماشاركو .


ما يحتاج نذكر اسماء :D


نبي تفاعلكم .


تحياتي .،،

مشكور ياخي على التوضيح ....كفيت ووفيت

وارجو المشاركه معك في مواضيع اخرى ان شاء الله

في البدايه احب اشكرك على متابعة الموضوع المستمره وهذا شرف لي انك تتابع الموضوع .


نرجع للمهم ،، بالنسبه لعبارة البرد ألي عندنا انا امزح معك وكنت اقصد الحر ألي عندنا (( من باب الفكاهه ))

وطبعاً احد الامور ألي تسببها الحراره الزايده هو انفجار الراديتر ، تمدد المواسير ، إنشعار الرأس ، تأثر البساتم ألخ ...

وانا اقصد انه ماينفع تسرع على السياره ودرجه الحراره كالعاده عندنا 45 فما فوق لأنه يدوب السياره تقدر تشتغل . يعني انت شوف درجه الحراره قبل لا تسرع ، أو انك تتحمل الاضرار الناتجه :D


واتمنى اني اكون افدتك بشئ .


تحياتي لك |3|

السلام عليكم ....

اخوي اشكرك لطرحك الجميل ومشاركتك الفعاله .

وبالنسبه لي شخصياً شايف ان اغلب سيارات البيجو لاتشتكي من اي مشكله ماعدا 407

والعيب المتواجد في اغلب السيارات الاوربيه الحجم الخلفي الصغير (( مدري وش الحكمه منه ))


تحياتي ..،،

صحيح حلاة الالماني جديد من الوكاله ويعيش عندك عمر

اخووي عندي سؤال لو سمحت

انت شو تقصد يوم تقول ان المحرك مايتحمل البروده اللي عندنا ترا بلادهم (المانيا) ابرد من بلادنا بكثير

وبعدين ممكن تشرح لي ليش اتاكد من درجه الحراره قبل لا اسرع و شو التاثير اللي يلحق بالمحرك.

ارجوك افيدني وانا استنجد بخبرتك كخبير الماني و خصوصا في الفيلوكس واجن واودي و اخوانهم

ومشكور على طرح الموضوع المثير للاهتمام

مرحبا اخواني
عندي سلمكم الله بيجو 307 فل موديل 2005
الداخل: من المصورة الامامية والله السيارة جميلة -حلوة -انيقة
ام المقصورة الخلفية فهي ضيقة نوعا ما وخصوصا الي ثملي ينزل السيت ويرجعه
فالله في عون اللي معاه
الشكل الخارجي: فخامة-روعه -جمال ..الخ.
بالصراحه السيارة روعه بما تعني الكلمة
يعيبها صغر المحرك وقوة صوته 1.6
الوكيل-الوكيل -الوكيل
لكن الحمد لله اعرف ورشة شفل سعودي ومرتاح منها
طبعا نجي للمشاكل:
والله الى الان سيارتي ماشية في حدود 75000 كم
وكل الخرابات الي جاتلي اعتبرها من البسيطة الى المتوسطة
وباللعكس تماما ان الى الان احب السيارة وليها معي حوالي 3 سنوات
ويكفي انها قضت في خلال سنتين انها في كل اسبوع تمشي تقريبا 850 كم اسبوعيا
من الشرقية الى الرياض
وبسرعه بين 130-160كم / الساعة
والسيارة راسية مريحة فخمة وفيها كل ما تتمناه
.....................
طولت معاكم لكن للفائدة
واسف للاطالة
اخوكم حسن

السلام عليكم ...

اخوي مدري انا .......

الصراحه اني عكسك تماماً يمكن الفرع ألي بالخبر يختلف عن ألي عندكم .

ولد خالتي معه جاكوار اس تايب .
ومرتاااااااااااااااااااح منها على الآخر وصيانتها معقوله جداً ولاتتأخر .

صيانه 60 ألف اخذت ثلاث ايام فقط . ولاتوجد منها مشاكل ثانيه سوى الحجم الصغير من الداخل ، ولون الطبلون الاخضر .

والمرسيدس معروف ان صيانته وقطع الغيار من ارخص السيارات الاوربيه ولو تبي تسوي مقارنه بين اسعار القطع انا مستعد .

والمرسيدس نارد يشتكي من مشكله والدليل تشوف موديلات 85 تشمي زي الحلاوه .


على العموم اشكرك على المرور والمشاركه الطيبه .


والله يكون في عونكم وعون الجميع .


تحياتي ..،،،

السلام عليكم ... اخوي اكوردي .

بالنسبه للجولف هي معروفه انها سياره تتحمل كرف وشغل مب طبيعي والمحرك يستخدم في اكثر من سياره من ضمنها الاودي A4 والسيات ليون FR والسكودا اوكتافيا MT .

وما سمعت عنه اية مشاكل واعرف واحد صار عليه حادث في جولف موديل 2004 الشكل القديم والزجاج حق الفتحه تأثر لكن ما انكسر والماطور ماجاه اي شئ .

يمكن الموديل الجديد فيه مشاكل او مثل ماقال الرجال انت استخدامك :D

ماشاء الله عليك ماشي عليه فوق الــ 220 وماتبي يجي السياره شئ (( قبل لاتسرع اعرف كم درجه الحراره الخارجيه )) لأن المحرك مايتحمل البرد ألي عندنا .


اما القطع والصيانه الغاليه فهو العيب الكبير ألي في سيارات الاودي والفلكس .


اشكرك على مرورك ومشاركتك الجميله .

والله يبارك لك في الاكورد ويحفظك .


ولك مني نصيحه لا تتهور بالوكالات لأنهم كلهم كذا مستحيل يقولك هذا خراب وعلى الضمان انت لازم تكون كوووول |6|

تحياتي ..،،

السلام عليكم ...

الله يعوض عليك في سياراتك ويبارك لك في البي ام .


فعلاً الجميح استولى على اكثر من شركه اوربيه واوصلها إلى الحضيض بسبب التعامل وارتفاع اسعار القطع الخيالي والسبب لأنه حاكر القطع ومشكله المكيف تنحل بتغيير احد الحساسات الخاصه بالتبريد .

والمرسيدس 500 لو غيرت المراوح والراديتر كان ضبط معك |1| لأنها تختلف من ألمانيا إلى الشرق الاوسط .

وبالنسبه للبي ام فهو سياره فجرت عالم السيارات بتقنياتها المتطوره وهذه السياره تعتبر اول سياره بدءت في التطور التكنلوجي الحديث .


اشكرك على المرور والرد الطيب .


تحياتي ...،،

السلام عليكم .....

اخي الغالي اشكرك على طرحك الجميل وردك الوافي ماشاء الله عليك كفييت ووفيت .

لكن يمكن اختلف معك في شئ بسيط لأني مجرب البيجو 407 اكثر من مره .

احدى العيوب الحجم الداخلي صغير (( الخلفي )) .

صوت المحرك عالي وذلك بسبب صغر حجم المحرك 2.0 لتر .

اما اكثر شئ عاجبني فيها الديكور الداخلي ماشاء الله تحفه فنيه بالاضافه إلى المقاعد الاماميه وراحه القياده فيها .


ومشكله الجير حتى صاحبي صارت معه والوكيل للأسف بدون فائده وعلى ماسمعت انها عيب مصنعي في 407

نتمنى ان الوكيل ألي بالغربيه يجد لهذه المشكله حل .

لأن السياره ماعيلها كلام .


ولك من كل الشكر والتقدير على الرد والمرور الطيب .


تحياتي ..،،،

السلام عليكم اخوي .

الشكر لك انت .

ماشاء الله تبارك الرحمن الله يحفظك ويبارك لك في سيارتك .

والبيجو اثبتت جدارتها ولكن من عيوبها كما تفضلت ان الوكيل بالبيد سيئ وخدماته اسوء .

وهذه احدى اكبر مشاكل السيارات الاوربيه في السعوديه والخليج (( الوكيل )) سيئ ويعكس السمعه على السياره فهنالك الكثير يتوقع ان السياره بذاتها سئيه والواقع العكس لأن السياره تكون ممتازه لكن الوكيل سيئ .


شاكر ومقدر مرورك الكريم وردك الجميل على الموضوع .


تحياتي ..،،،

السلام عليكم .... أخي عمر 206


انا اتكلم عن السيارات الاوربيه بشكل عام والبيجو من ضمنها طبعاً .

ويتبين لي من ردك انك تمتلك بيجو او مررت بتجربه معها ، فإتمنى ان تشرح لنا المشكله التي مررت فيها وماهي سياراتك . (( اي فئه من البيجو ))

وانا شاكر ومقدراً مرورك ومشاركتك معنا .


تحياتي ..،،

السلام عليكم

يا اخي لقد كان عندي جولف 2005 جير عادي (6 غيار) 4 سيلندر 2.0 FSI

اشتريتها ب 75000 الف درهم اماراتي

المميزات

الثبات خيالي بالنسبه لسياره صغيره
جوده المواد المستخدمه والديكور الرياضي الرائع
الاقتصاد في الوقود وهي تتحدى الكورولا في الصرفيه مع انها 2.0 والكورولا 1.8
سهوله المناوره بين السيارات بدون انزلاق حتى في الامطار مع انها دفع امامي


العيوب والاعطال اللتي صاحبتني (مع العلم ان الوكيل هو على و اولاده الامارات)

قطع الغيار غاليه جدا بالنسبه لسياره صغيره والصيانه غاليه بعد

السياره كانت ماتشتغل من اول مره يعني لازم تدق سلف مرتين عشان تشتغل فقالوا لي عندك السنسرات اللي في المكينه خربانه!!!!!!!! فبدلوها على الضمان

اخترب السي دي عندي و جلست انتظر شهر لما جابوا السي دي الجديد !!!!!! على الضمان

اختربت الفتحه وعجزوا عن اصلاحها فبدلوها !!!!!!!! على الضمان

بعد سنه بالضبط انفجر الراديتر فبدلوه !!!!!!!! على الضمان

وعند الخراب الاخير و هو الراديتر رحت بشتكي للمدير على الاعطال اللي رافقتني تعرفون شو قالي

قالي السياره تتحمل وكل شي لكن انت مخربها وشكلك لعاب عشان كذا السياره تخرب كل شوي!!!!!!!

اخوكم عصب وضربه وفتح راسه ورحنا الشرطه ...................الخ لكن طلعت منها والحمد لله

والسياره جلست عندي سنه بس وبعدين بعتها ب 42000 الف درهم

يعني بالعقل اذا انا مخربها قولوا لي كيف بيخرب المسجل والسياره ماكملت سنه معاي والفتحه خربت من شو ؟ انا ما اعطيها بكوس عشان افتحها؟ والراديتر ليييييش؟ والسياره بعدها اول سنه يعني اي سياره بتكسرها بتسوي فيها كل شي بتجلس سنتين على الاقل قبل هذا العطل الكبير. مع العلم اني اني الوحيد اللي ساق السياره من يوم ماطلعتها من الوكاله حتى ابوي واخواني ماساقوها والله العظيم.

و انا ادخلها الصيانه الدوريه بانتظام؟ وادفع مبالغ الصيانه اللي تتراوح من اقل شي 500 درهم الى 2000 كل 15000 الف كم


وفي النهايه بعتها و اشتريت هوندا اكورد ومااعاني منها اي شي الا مشكله بسيطه في الشيالات (المساعدات) لكن عدلوها الوكاله

هذي تجربتي السيئه مع الجولف بس والله انها سياره حلوه لكن لولا خراباتها يعني من اول سنه كذا وبعدي شو بيصيرلي بعد الضمان اللي هو 3 سنوات بدون تحديد الكيلو ههههههه ترا هذا الضمان فخ يقع في اغلب الناس ومنهم انا . يعني الواحد يشوف ان الضمان بدون تحديد الكيلو يتشجع ويقول هذي هي... احسن من الياباني اللي يعطيك 60000 الف كيلو او سنه لكن كلها مساله وقت ولما تشتريها يدبسونك وتشتريها و بعدين تروح تداوم عندهم في الكراجات تبع الوكاله وانا اتوقع ان المرسيدس والبي ام دبليو هم الانجح في عالم السيارات الالماني وترا الاودي والفولكس فاجن اخوان

واذا تبون تشوفوا الجولف اللي كان عندي ارجو الدخول الى هذا الرابط (معدلها على الخفيف:D )

http://www.cardomain.com/ride/2584720


وسلامتكم