يا اخوان ..ابي استشيركم في CR-V 2007

ممتازة لولا ان الشكل الخارجي للموديل 2007 غير جذاب على عكس الموديلات السابقة هذا رأيي وتجربتي لها انها سيارة ممتازة داخل المدينة عن تجربة. تبقي المشكلة في عدم توفر الاكسسوارات الخاصة بها على عكس الباجيرو او التويوتا.

لايبدوا ان صاحب الموضوع يهتم بالقوة بالبر واجد .. والدليل اختياره للسي ار في ..
ولكن يظل الهوندا بالجودة يتفوق على جميع سيارات فئته بكل اقتدار ..:)

معليش، بالنسبة لقوة الراف فور تصل إلى 180 حصان، لكن صح مو أقوى من مكينة الـ CRV. غلطتي.

لكن السوزوكي قراند فيتارا فيها دفع رباعي مستمر، ودبل خفيف ودبل ثقيل وتمشي في البر ما عندها أي مشكلة وستة سلندر وعزم دوران أعلى. وفوق هذا كله أرخص. عشان كذا أقول إنه أصرف.

والله يااخوي انك محاسب على هالكلام ..
مين قال لك ان الراف فور اقوى مكينة ؟؟
الراف فور نفس حجم مكينة الهوندا وقوته 165 حصان بينما الهوندا 185 حصان ..
الهوندا سي ار في تفوق بجودة الداخلية على البي ام اكس 5 موب سوزوكي وراف فور ..
الان هذه السيارة اكثر الجيوب مبيعا بأمريكا ..
السيارة عند واحد من الشباب تونا اليوم طالعين فيها البر .. صحيح انها فشلتنا بالرمل .. بس والله انك تمشي بطعوس الهاف مون ماتسمع ولاقطعة ديكور تطقطق .. ولا شي نهائيا .. هذا الشكل القديم .. كيف الشكل الجديد ؟؟
السيارة ممتازة اذا اللي بياخذها مايفكر ببر ..

السوزوكي قراند فيتارا أصرف مليون مرة.

وحتى الراف فور أرخص سعراً وأقوى مكينة وأوسع.

مراحب يابوعبدالرحمن

الهوندا سيارة عملية ولكن يعيبها قطع غيارها مبالغ فيها

وسيارة cr-v انتشارها قليل وقطعها عادة محتكرة عند الوكيل وهي بالاساس ليست معدة للبر وانما سيارة شبابية دفع رباعي لزيادة الثبات في الطرقات اي ليس بها دبل ثقيل يخدم في البر وحتى لو سألت الوكيل لأكد لك ذلك

السيارة مبالغ في سعرها في حدود 90000 ريال ومحسوبه جيب لدى البعض وهي ليست كذلك كما انها تنزل سعرها كثيراً عند البيع

يعاب على الهوندا بشكل عام قساوة مراتبها على اعتبار انها طبية ولكن في المقابل ليست مريحة في المركب

وانا برأيي توسع خياراتك وبسعرها هناك الافضل منها

مثلا عندك سوزوكي قراند فيتارا سيارة شبابية وشكلها روعة ولا ابالغ لو قلت تحفة فنية

والسوزوكي سيارة عملية واقتصادية وقطع غيارها معقولة الى حد ما وقد قمت بتسعير قطعها من احد المحلات فوجدتها مناسبة مقارنة بغيرها كما انها فيها دبل ثقيل ومصنفة سيارة بر وسته سلندر جلد وفتحة وبكامل التجهيزات 88000 ريال

انصحك تروح تشوفها صدقني بتعجبك سيارة راسية وعزلها الصوتي ممتاز وفيه كذا موضوع في المنتدى عنها بإمكانك البحث عنه

وهذا رابط بيفيدك كثير :

http://www.assayyarat.com/forums/showthread.php?t=93826&highlight=%DD%ED%CA%C7%D1%C7


واذا تبي سيارة عائلية مريحة وعملية وتجهيزاتها ممتازة عندك ميركوري ماونتنير وبسعر 95000 ريال


تحياتي لك

اهلا فيكم جميعا


انا بصراحة مو راعي طعوس ولا بران او حتى اروح البحر ..

انا انسان عايش داخل المدن بس ..ولا احب طلعات البر او الطعوس ...يعني الجانب هذا ما يشكل بالنسبه لي اي اهمية ..

مدري ..انا احس ان السيارة ثقة وناعمة وصغيرة ..وبنفس الوقت جيب ..لاني من محبي السيارة الجيب ...


مدري ..تنصحوني فيها استخدام للعمر ؟ لاني ما افكر بالبيع من الاساس ..


وبالنسبه لسعرها ..انا اشوف بالنسبه لها كسيارة جيب ..وبالوقت الحالي مع ارتفاع الاسعار ...انا اشوفها جدا مناسبه

وش رايكم

السلام عليكم
انا كنت افكر في السيارة بس بعد تفكير صرفت نظر عنها بسبب صغر السيارة وقيمتها الغالية حوالي 90 الف ريال
واذا فكرت بالبيع بعدين يطيح سعرها
وانصحك توسع قائمة الاختيار مثلا باجيرو 2007 او هونداي سنتافية على حسب الكاش
هذي وجهة نظري ولك الاختيار

انا جربت قيادة السيارة وكانت تجربة ممتعة السيارة ما تحس انها جيب والكبينة وسيعة والصوت هادئ وجيد واقرب شي لها الاكورد بالقيادة. واما بالنسبة لقيادتها بالرمال الحقيقة ما عندي خلفية عن ذلك.

هذا ما لدي والله يكتب لك الصالح.

تحياتي

السلام عليكم
السياره جميله جدا ورائعه
فهي اقتصاديه في الوقود وثابته بشكل خيالي ومواصفاتها ممتازه انصحك يابوعبد الرحمن ان تزور اقرب معرض هوندا وتقوم بتجربه السياره