أخوكم محتاج الى مشورتكم ....

[وترحل صرختي]

السلام عليكم


شباب انا عضو جديد ومحتاج مشورتكم ورايكم


انا ناوي اشتري سيارة بشرط ماتتعدى ال 75.000 ريال ..


ويجب ان تتوفر فيها التالي :


1 - ان تكون يابانية 100% .


2- ان تكون تتحمل الكرف وعملية .


3- ان تكون مريحة في الخط .


4- ان تكون قير اوتو ويفضل 5 تغيرات ..




وارجو انكم تساعدوني الله يجزاكم خير ..

[وترحل صرختي]

ونسيت بعد حجمها يكون متوسط مثل الكامري والاكورد ...

وياريت تعطوني مزايا كل سيارة وسلبياتها 0... الي بتذكرونها ..

.

[الانيـق]

وعليكم السلام

اخوي عندك المازدا 6

1- يابانية 100%
2- سيارة تخدم حسب كلام اللي جربوها
3- معروف انها راسية الى 180
4- القير 4 تعشيقات

انا ما جربتها لكن قريت عنها كثير

مزاياها كثير جدا


وعيوبها :

1- قطع غيارها غاليه
2- يطيح سعرها عند البيع
3- كثير يسبون الوكيل حقها [ الحاج حسين ]

والله الموفق
ولاتنسى الاستخارة

[GM_TAHOE]

هلا أخوي
شروطك هاذي متوفرة في هوندا أكورد
فهي يابانية و تتحمل الكرف وراسية في الخطوط ومريحة نوعا ما
( عيبها كراسيها القاسية ) و قيرها الاوتو بخمس سرعات
بس فيها عيب وحيد انها بتتغير في 2008
وبتوفيق


أخوك
S O S O 2 0 0 4

[# OMAR #]

كأنك تتكلم عن الهوندا اكورد ..
وعلى فكرة المازدا من موديلات 2006 وفوق كلهم قير اوتوماتيك خمس تعشيقات ..
وعندك اضافة للمازدا والاكورد السوبارو ليجاسي ..
هذي ثلاث سيارات يابانية وهي الافضل بالياباني قارن بينهم وشوف الاصلح لك .. ويستحسن ان تطلب تجربة قيادتهم من الوكيل ..

[عاشق الفوورد]

والله عندك الاكورد
بس مشكله الاكورد قطع غياارهاا نار بصراحه

ولو تبي شوري خذلك كامري الجديد
بصراحه انا اكره الكامري من 2003 الى 2006 ( رأي شخصي )
لكن الموديل الجديد بصراحه حلووو وعيبها الوحيد ( ياكثر التكاسي كامري الجديده )


ولك الاختيار في النهايه

[ARMADAWOW]

اخوي كل الي طلبته يتوفر وبقوه في

الهوندا الاكورد


واضيف من عندي المقصورة الجميله جدا


وقوة القير الاوتو فيها والسياره ارووع مايكون

انا توني اخذت وحده من اسبوعين بصراحه ماتوقعتها كذا سياره كل يوم اكتشف فيها شي حلو ومييز


والله يوفقك

[الأوبيروسي]

السلام عليكم ورحمة الله وبركاته:: ما دام انك تبغى ياباني مع ان فيه بديل أحسن لكن على شرطك...

عندك هوندا أكورد و ألتيما... على حسب علمي مواصفاتهم حليوة بس الأكورد مواصفاتها أحلى..

اذا بتاخذ أكورد لازم يكون فيها(على رأي الشخصي)
1-جنوط.
2-فتحة.
3-جلد.

أما اذا بتاخذ ألتيما:
1-جنوط.
2-جناح

وبالتوفيق أخوي............. ولاتنسى الاستخارة

مع تحيات:: الأوبيروسي