ممنوع الدخول لغير اهل الكامري والهوندا

هلا اخوي ابو مطر حياك يالغالي

الصراحة وضعك الي كنت فيه قبل سنة هو نفس الوضع الي انا فيه الحين

لاني وبكل صراحة كنت مسوي سيرش فيه جوجيل

عن كامري 2003 ابي اشوف مواصفاتها وصورها

ومن بين النتايج طلع لي هذا المنتدى الرائع

وكان اول موضوع قريته للكامري هو موضوع لاخونا مجنون هوندا

الصراحة خوفني

لكن في نفس الوقت قلت اصبر لين الدفعة الثانية

ولكن لعلمك انا المفروض الحين معي الكامري

لكن الصبر مفتاح الفرج

خلنا نشوفها مع الناس وش تسوي

واذا ما نفعت هالجديدة وصارت الله بالخير

فغير الهوندا ما فيه خيار

تحيااااااااااااااااااااااااااتي لكم جميعا

هلا بك اخوي عمار


مشكووور على ردك وفعلا حلاوة النقاش اذا صار فيه اختلاف في الآراء لكن مو بتعصب وكلام ما يدخل العقل وفلسفة زايدة

لكن المطلوب ان كل واحد يطرح آرائه وافكاره بدون ما يظلل آراء الاخرين ويحتقرها او يكذبها او يقلل منها او اي شي مشابه


وياليت بعد ان كل واحد يعترف لو فعلا لقى في الموتر الي هو يمدح فيه (او يروج له) عيب او اي شي يضر المستهلك


لان هالسنين الاخيرة صرنا ضايعين بين هالمحلات والشركات

ما تدري من هو نصابهم ومن الصادق فيهم


ولك اجمل تحيه يالغالي

يا هلا وغلا بيك اخوي ابو مشاري


وينك يا مجنون هوندا وينك


اخوي عمار هههههههههه بدينا


تصدق اخوي ابو مشاري العام الماضي قررت اشتري سياره كنت حاط في راسي سياره المهم كانت الفلوس جاهزه يوم رحت للسوق ضاعت علومي تصدق احترت بين 3 كلهم قمر اكوورد وماكسيما وكامري كل يوم رايح وجاي ما قدرت اشتري وبعد جهد جهيد اشتريت السياره اللي احبها حدي واللي اتوقع انها السياره المناسبه وعلى قولتهم ( الفلته )


وهذا ان دل على شي فإنه يدل على قوة ومتانة الصناعة اليابانيه وان كل السيارات اليابانيه تستحق الأحترام والنقدير مهما كان فئتها أو طارزها أو الشركه المصنعه وهذي تحيه كبيره للسيارات اليابانيه



وتحية ثانيه لأبو مشاري

صراحة إحن ما نزعل إذا تناقشنا بس ؟؟؟
نزعل إذا واحد قام يتفلسف ويقول إن السيارة الفلانية تطرح الكامري وهي ما تجيب ربع قوتها
بس حلو النقاش إذا كان فيه تفاهم وطرح وجهات نظر وإحترام الأخرين

هلا بك اخوي ومشكووووووور على كلامك والصراحة هذا هدف كل منتدى

تحياتي

:D :D :D

http://www.2nightweb.com

الله يحيك وترى النقد البناء من افضل سمات الكاتب المثالي

وشكرا

اخوك / مجنون هوندا

هلا اخوي مجنون هنوندا

حياك اخوي ومشكور على ردك

الصراحة انا ملاحظ بالفعل انك من المتعصبين للهوندا

وهذا شي راجع لانك تحب هذي السيارة وممكن انك تتمتلكها بعد

لكن ياليت يالغالي انك تعرض مميزات محبوبتك دون ما تقلل او تهمش من السيارات الاخرى

الصراحة انت خليتني اشكك بقدرات الكامري وانها ممكن تجلس معي فترة وثم تبدا المشاكل معها

لاني كنت من العازمين على اقتنا كامري 2003 لكن بعد مواضيعك قلت استنى لين تنزل الدفعة الثانية

على العموم ما صار الا الخير وحياك يالغالي

هلا اخوي ابو مشاري

صح انا متعصب للهوندا وكثير مره بعد
بس ماتوصل للزعل ابدا
لاكن بعض الاعضاء الله يهديم يوصلونها لزعل ولسب كمان هاذا المفروض ننساه

(اختلاف الاراء لايفسد للود قضيه )
ولا على ماقال الهويشل ابو مطر (( لولا اختلاف الاذواق لبارت السلع ))


اخوك // مجنون هوندا

الاخوان CAMRY -- XL-I وابو مطر

مشكوووورين على كلامك الرائع والله فعلا كلام ثقيل ياليت الكل ينتفع به

انا الصراحة الي خلاني اسجل بهالمنتدى عشان استفيد من خبراتكم ومعلوماتكم خاصة اني ناوي على شراء وحده من السيارات الي مدحها بعضكم والبعض الآخر يذمها

<<<<<< ما يبي يقول وش الموتر عشان ما يتوهق كخكخكخخكخخخخ

على العموم مشكور يا CAMRY -- XL-I

ومشكور يا ولد ديرتنا ابو مطر


تحياتي

ههههههههههه

الله يعطيك العافيه يا ابو مشاري

المشكله مو مشكلة سيارات المشكله ان كل واحد يعصب لسيارته

فلو كانت سيارته مثلا سوبارو موديل 77 لازم تكون سيارته افضل سياره بالعالم

ولا يقبل النقاش حولها

هدفنا في منتدى السيارات هو *** طرح واقع السيارات

** طرح سلبيات وايجابيات السيارات *** المقارنه فيما بينها

والعرض بصوره الواقع والمشكله عندنا من ان البعض يتعصب لسيارته

ويبدأ يسب ويشتم في السيارات الثانيه **** والمفروض انه يطرح الموضوع

عن طريق النقاش والأسلوب الهادىء البناء

عموما هوندا أكووورد -- نيسان ماكسيما -- تويوتا كامري

اعتبرها صفوة السيارات في الخليج


ومليار شكر لك يا اخوي ابو مشاري