مراحب شباب شخباركم إن شاء الله كلكم بخير
بدخل بالموضوع طوالي صراحة انا افكر اشتري سيارة جيدة ومريحة وبيكون استخدمها ديرة اكثر منها بر وحاط في بالي سيارتين ولا افكر بغيرهم
الاوله التاهو صراحة معجبني شكلها حيل بس يحول دون مشراي لها اسباب في مقدمتها ان السيارة توها نازله بالشكل الجديد وفيها اصوات قرقعه وصوت اخر مدري من القير مدري من المكينة حسب اللي سمعته من كذا واحد شاريها وربما فيها مشاكل ثانية انا ماعرفتها
ومثلكم عارفين السيارة لما تنزل بشكلها الجديد تظل اول سنة تحت الملاحظة وقد يكون فيها مشاكل ويتلافونها في الموديلات اللي بعدها
وانا ما ابغى اكون من ضمن المقاريد اللي يخوضون هالشي ويتوهقون >>> خواف :D
الامر الآخر السيارة احسها ضخمة شوي وماتخدمني كثير في زحمات الرياض والدخول في المواقف بالاضافة الى كون الصدام الامامي نازل كثير وبيحك لامحاله في الطعوس ( حلوه لامحاله صح كخخخخ تراني لاقطها من الجريدة بس لاتعلمون أحد ) وكذلك عند صعود الارصفة ( اهم شي ) لذا أنا استبعد اني اشريها إلى حد ما 0
السيارة الثانية اللي مايل لها اكثر الاكسبلورر XLT الفل الكامل جلد وفتحه صراحة سألت عنها والكل يثني عليها من ناحية الراحة والهدوء والتجهيزات والجودة خاصة ان السيارة ماتغيرت مكينتها من 2003 يعني كل المشاكل تلافوها
و ماسمعت عنها عيب الا العزم ضعيف شوي وهالشي انا ما احتاجه لأني ماني راعي دوسات سواقتي راكدة >>> ياحبي لي مؤدب واسمع كلام المرور |1|
وانا الان محتار بين لونين الفضي والذهبي وغير هاللونين مالي نظر ابد يعني لاتحاولون فيني >> تكفى اسمح لهم ياشيخ :D
فما ادري وش رايكم ياعزوتي وش اختار من اللونين ؟؟؟؟؟؟
انتظر تفاعلكم يا الغالين كما عودتمونا دائما يا أحلى منتدى في العالم >>> يسمع بالثناء الحار :D
تقبلوا خالص تحيات اخوكم دايم الشوق |3|
