شباب الله يرحم والديكم بسرعة فزعتكم !!

العفو اخي الحبيب واسئل الله سبحانه وتعالى ان يوفقك وان يجعل اختيارك ايا كان هو الاسلم لك .

أخي الفاضل رفيق الفورد .. جزاك الله خير على تفضلك بالإطلاع على الموضوع وعلى نصائحك اللي واضح انها طالعة من قلب طيب زي صاحبه .. صدقني أخي الكريم .. ويعلم الله اني أضع كل كلامك وكلام جميع الإخوة اللي تفضلو وأكرموني بالنصائح بعين الاعتبار .. لأني ما سويت هالموضوع إلا أبي الرأي والمشورة منكم ..


عموماً أخي الكريم .. صدقني مع بحثي الجاري الآن للكابرس بصراحة ما أخفيك مازلت في حيرة ولا عمري احترت مثل ما احترت للكابرس ..

لكن بعد كل كلامكم اللي أكرمتوني فيه الله لا يحرمكم الأجر عليه .. راح استخير ولله الخيرة من قبل ومن بعد ..

أكرر شكري لك أخي الفاضل .. والله يجعل ما خطيته في موازين حسناتك أنت والإخوة الكرام ..

والسلام عليكم ..

اخي العزيز انا بقول لك رايي بكل صراحه والله سبحانه يعلم اني اقول لك مافي قلبي وليس تحيز
انا لاحظت ان الكابرس واللومينا كثيرة مشاكل ومن خلال الزملاء الي عندهم لاحظت كثرة شكواهم من السيارات هذي
اجل كابرس 2001 LTZ نظيفه والله لواحد من زملائي انباعت قدام عيني ب 22 الف !!! وبطلوع الروح جابت هالسعر وهو كان يبي يتخلص منها لانها ذبحته كل شهر لازم يمر الصناعيه يصلح شي حتى هو كان يقول تصدق انا افكر اوقع في الصناعيه كل يوم بدل مااوقع في الدوام :D :D
انا شخصيا مجرب كابرس 2005 كانت ماشيه وقتها حوالي 2000 كم فقط لاحظت مشاكل في كهربة القزاز وبصراحه هذا شي يخوف من اولها كذا واحد من الزملاء عنده لومينا 2006 شاريها وكاله ماشيه 32000 كم والله والله اني ركبت معاه واسمع صوت بس ماحبيت اقول له شي لكن بادر هو وقالي تسمع الصوت هذا صوت طرمبة البنزين يبيلها تغيير
ايضا ناس يشتكون من كثرة تقطيع المكينه يعني تلاحظ ان المكينه فيها (تفتفه ) بعض الاحيان وناس يشتكون من كثرة خرابات المكيف يعني وش بقى غير كذا ...الواحد يبي سيارة تخدمه مو هو يخدمها كل يوم رايح فيها الورشه
يعني السيارات الباقيه حتى الصيانه الدوريه ماهي ذات اهميه فيها لكن هالسيارات بين كل صيانه دوريه والثانيه فيه صيانه طارئه
بصراحه الكابرس كان زمان ايام ماكان من شركة جنرال موتورز فعلا اما الان فهو من هولدن ولايملك من الشفر الا العلامه فقط لاغير واانا اقول لك على شي افضل انت روح للورش واسئل المهندسين الي انت تثق فيهم عن هالسيارة وشف وش رايهم
واسئل الله لك التوفيق اخي الحبيب

قل آمين .. الله يحفظك وين ما تروح .. والله كفيت ووفيت يالغالي ..

على كذا بصراحة أنا لازم استخير عن الكابرس اللي تكلمت عنه خاصة بعد ما شفته اليوم ..

وراح أبدأ رحلتي من جديد ( رحلة البحث عن كابرس LTZ 2005 فل كامل فتحة ) ..

أشكر لك تجاوبك وإفادتك .. والله لا يحرمك الجنة ووالديك .. ياخي سويت فيني معروف ما تتصوره ..

لك كل الشكر والاحترام ..

الشرف لي ياغالي اني ادخل وارد على موضوعك

ياخوي انا ماعندي خلفية لاني ماروح معارض ابد يعني لو فيه احد من الشباب يبي يبيع سيارته وكانت سليمة اكيد بخبرك

بخصوص الفرق بين الكابرس Ls و LTZ يطول الشرح بس لعيونك بعطيك بعض الفروقات الملحوظة جدا والباقي لو كنت ساكن بالشرقية بعطيك الكتيب حق السيارة وتشوف بالفعل ان الكتيب ضم LTZ , SS , ROYAL في مجموعة وLs لحاله

طبعا الديكور يختلف كليا لان ال تي زد كل ازراره لمس بينما ال اس المكيف يدوي

بالنسبة لمواصفات الامان طبعا ال تي زد للسائق والراكب الامامي والجوانب يمين ويسار كلها ايرباقات
اما ال اس على حسب الطلب بس الستاندرد يجي للسائق فقط
نظام الجر (( مانع ا لانزلاق )) في ال تي زد تقدر تفصله بزر اما ال اس لازم تطلب ويمكن مايكون موجود في الاساس

ال تي زد فيه ثلاث مناطق لكمبيوتر الرحلة اما ال اس منطقة واحدة فقط
مثبت السرعة اساس في ال تي زد واختياري في ال اس يعني يبي لك تدور واحد فيه مثبت سرعة

طبعا ال تي زد تقدر تتحكم في ارتفاع الهوائي ((الانتل )) صعودا ونزولا بينما هذا غير متوفر في ال اس

المراتب في ال تي زد مخمل و في ال اس قماش
طبعا التحكم في ال تي زد 8 حركات للمراتب الامامية
ال اس السائق 4حركات والراكب 4 حركات

ال تي زد كشافات الضباب ((الغازيات )) اساسي و ال اس اختياري
ال تي زد السيارة كلها نفس اللون ال اس 2004 و 2005 الازياج الجانبية والزوايد السفلية باللون الاسود و2006 بس الزوايد صارت باللون الاسود

الفرق بين موديل 2004 و 2005 في المكينة فقط والباقي نفس شي
المكينة صارت اخف وزادت تقريبا إذا ماني ناسي مو اكيد 20 حصان
وبصراحة اضافوا للسيارة سرعة استجابة يعني اول ماتحط رجلك تحس السيارة تنطلق بقوة بعكس 2004 تحس فيه ثقل بالنسبة ل2005

واحسن شي استخير ومن ناحيتي كمجرب انصح بالكابرس وإذا فيه ناس عندها مشاكل فيه يفتحون موضوع مستقل ونناقش المشاكل

آسف على الزحمة وعلى المعلومات المخربطة بس اهم شي توصل

تحياتي ،،،

هلافيك اخوي LTZvs .. بالعكس اخوي انت جيت في وقتك .. وشرفتنا والله ..

وبصراحة فعلا انا عانيت من كثر اللي يسب هالسيارة مع التناقض العجيب للي استخدموها .. اغلبهم يمدحون فيها ..

طيب اخوي .. بما انك من عشاق الكابرس تكفى أبي تقول لي الفرق بين الـLS والـ LTZ خاصة إذا كان كلهم ثمانية سلندر ..
أيضاً تقول فيه فرق بين 2004 و 2005 بخصوص قوة المكينة وغيره .. هل القوة معقولة ولا فرق بسيط ..

وبخصوص الكابرس 2005 .. صدقني أنا والله تعبت وأنا أبحث عن هالموديل وإذا حصلت ألاقيه مكسر ولا بدون فتحة ..

ولما حصلت هذا اللي اتكلمت عنه قلت بتوكل على الله وبفتح له فتحة انا بنفسي .. بما ان صاحبه تعبان عليه ..

وعلشان تصدق هذا موضوعي كنت طالب فيه كابرس 2005 .. بس للأسف ما في أحد أفادني ..
هذا الرابط لعل يكون عندك شي تفزع لنا وتاخذ السعي :
http://www.assayyarat.com/forums/showthread.php?t=101160


ألف شكر اخوي على هالدفعة المعنوية .. ولا تبخل علينا بالرد على استفساراتي ..


والسلام ..

احس كأني جيت متأخر بس ان شاء الله بوضح لك صورة كبيرة في الموضوع


اول شي ياخوي في هذا المنتدى بتسمع كلام يمين ويسار خرابات في كل السيارات ولو تسأل الي يتكلم على السيارة تحصله مايعرف عنها الا شكلها من برى

على العموم ياخوي ومابطول عليك بحكم تجربة للكابرس LTZ 2005 الي الفرق الوحيد بينه وبين 2004 هو المكينة اقوى ومصنوعة من الالمنيوم من جد السيارة جنااااااااان
والله العظيم اني مابالغ معاك انا شريت السيارة شهر 12 سنة 2004 اول مانزلت والى يومك إذا نزلت من السيارة ودخلت البيت اشتاق لها ودي اطلع

الحمد الله رب العالمين ماعانيت منها ابد ابد ابد
وياجماعة وخصوصا الاخ عزيز93 بالعقل الحين الكابرس حقك مغير فيه المكينة الي هي اهم جزء في السيارة وتقول السيارة ماشية تمام !!!!

خلنا نكون موضوعيين في نقاشنا وبكل شفافية

وتبي الحق ياخوي الكابرس في هذا المنتدى يتناقل الكلام يعني الحين كل الجماعة الي دخلوا الموضوع وشافوا اعضاء كتبوا ان الكابرس فيه خرابات بيروح يرد على موضوع ثاني وبيقول الكابرس فيه خرابات

طيب وشووووووووووووو خراباته نبي نفهم !!!!!!

انا ماتعصب للكابرس لكن عشان اكون صادق معاك خذ كابرس إجار ولا كابرس من احد اخوياك ولاترحمه مسكه خطوط وادعس فيه فقع المكينة شوف إذا السيارة اشتكت ولا صار فيه شي

آسف على الاطالة وطبعا انا مادخلت في تفاصيل مواصفات السيارة الي تستاهل ان الواحد يشتريها

وإذا طيب نصيحتي خذ لك كابرس ال تي زد او رويال افضل في التقنيات والمواصفات من ال اس وان كان شكله الخارجي اس اس

تحياتي ،،،

تسلم لي والله يكثر من أمثالك .. ما قصرت

يعني أفهم انك تنصحني بالسيارة إذا كانت نظيفة وصاحبها مدلعها ..

ألف شكر

كلنا نكمل بعض اخوي رجل الجبل

بس الي احب اقوله لك ان السياره الي بتاخذها مهي جديده انت بتشتري سياره مستعمله ومشت فوق ال100000 كم يعني يمكن لها مع صاحبها سنتيين وشوي يعني لازم هو يكون مداوم على صيانتها مو انت انت شف دفتر الصيانه الي معه ولا اوراق الصيانه الي تعطى من الوكاله بعد الصيانه تبين الصيانه الي اجرتها الوكاله اهم شي هو انه كان يصينها باستمرار

بالنسبه لي ادخلها الوكاله كل 5000 كم واغير الزيت كل 2500كم والسيفون مره ورى الثانيه واغير الكفرات كل 50000 كم واشيك على زيت القير والدركسون كل شهر واغير الفحمات كل 30000كم والبواجي كل تقريبا 40000كم والصيانه الي في الوكاله ضروريه

اي شي ثاني انا حاظر

اخوي عاشق الأوبل .. الله يعطيك العافية والله ياخي أنا هذا اللي كنت أقول للشباب عنه في ردي السابق ..

وهو ان اللي معاه كابرس وجربها يمدح فيها وأنا أعرف أكثر من واحد قالو نفس كلامك .. بس برضو فيه ناس يقولون اهرب عنه ..

علشان كذا احترت معاهم والله ..

و بما ان معاك كابرس و2004 بعد .. أكيد ماعندك مانع تكسب فيني أجر وتفيدني عن سيارتك ما شاء الله عليك الله يعطيك خيرها ويكفيك شرها .. اخوي ؟ وش تنصحني علشان السيارة تدوم معاي ولا تطفشني بالخرابات والمشاكل .. يعني أنت ما شاء الله تبارك الله كيف طريقتك مع السيارة والصيانة .. وكم صار لها معاك ؟

انتظر ردك الله يخليك بس لا تطول علشان بعد بكرا بروح أشوف السيارة وافحصها وأبي دفعة معنوية منك ..

وإلى الأخ AZIZ93 مشكور على مرورك .. وشد حيلك ترا أول ما أشتري السيارة ان شاء الله بجي عندك ونشوف من اللي يطلع على الثاني ..

الف شكر للجميع على التفاعل ..

والسلام ..

عزيزي انا اقولك ان كوابرس الحين مش ولابد راجت الكوابرس ايام زمان

انا عندي كابريس مديل 93 اخذته سنة 95 وشغال رايح جاي ومريح على الخطوط وخادمني ليومك

فقط بدلت المكينة قبل اسبوعين لان المكينة القديمة ذبحتنا من الكربون

بس خذ السيارة وجربها كذا مرة على الخط و وشوفها زين زين واتكل على الله واخذها

اخي الكريم لا يهمك كلام الناس انا بكون واضح معك وصريح ويعلم الله اني غير متحيز

انا معي كابريس 2004 اسود ال تي زد 8 سلندر ماشي الى الان 133000 ولله الحمد والمنه السياره ما فيها اي خرابات مع اني ما ارحمها وسبوع ورى اسبوع اروح الرياض من الخبر يعني قوة خطوط والسرعه لا تقل عن 170 والشغله كلها تكون على قائد المركبه وقدرته على المحافظه على س سيارته وصيانتها واعطائها حقا

فالي يذم السياره وهو ما يدري عنها ولا ممكن يكون السبب راعي السياره ما يحافظ عليها ولا يصينها وتخرب معه ويقول السياره تعبانه والخلل معروف من مين ؟؟؟؟؟

اذا تشوف السياره نظيفه وصاحبها مداوم على الصيانه بالوكاله كل 5000كم توكل على الله ولا يهمك احد

هذا الي حبيت اقولك عنه

مشكورة اختي على مرورك .. وان شاء الله أول ما يوفقني ربي بشراء السيارة أكيد راح أخبركم ..

بس المعذرة اختي .. ايش قصدك ( ددسن ) ..

ألف شكر مرة اخرى ..

ايه انا معاهم ابعد عنها وخذ لك ددسن لانها تدوم معك >>>>>متاثره بجدها

والله يوفقك واذا اشتريت سياره بشرنا اوكي؟؟

ولا يهمك تعصيبك على راسي ..

مشكور على المرور

بلييز يا شبااب
في شي اسمه امبالا في اختراع اسمه امبالا ....
هذاك الاختراع الي اسمه امبالا هو الكابرس الذي عهدتوه قوة فخامة حجم اعتمادية
هذا اللي يجينا والله واقسم لكم اني مابسمية كابرس بعد اليوم هذا اسمة هولدن
والله يلعنة خرب سمعت الشفر والسبة هالكابرس
السموحة تراني تجرجت زيادة شوي وعصبت بس ماعليه ...
المهم قصدي ان الامبالا هو جيد وممتاز وموجود في كل العالم الا الشرق الاوسط
لكن اللي هو الهولدن سيئة جدا (بس ال2007 ممتاز )

اخوي CamShaft مشكور على التفضل بالمشاركة بس أتوقع انك فهمت ان الكابرس اللي أتكلم عنه هو SS لا عزيزي هو في الأصل LS صاحبه قالبه SS .. يعني ما تغير شي في الماكينة والقير بس الشكل الخارجي ..

وبالنسبة لرأيك بخصوص الجنوط الجنوط فعلا أنا عاجبتني الـ 2004 أكثر من النوع الجديد ..


وإلى أخوي الزين .. والله أتوقع انك بخست السيارة حقها الله يسامحك .. ولا تنسى ان صاحبها تعبان عليها مرة ..

يعني بصراحة أنا شاورت أكثر من واحد قالو لي 45000 كويس ومعقول ( طبعا إذا كانت نظيفة ) ..

الله يعطيكم العافية على تفاعلكم معاي ..

وننتظر بقية الشباب .. ويا ليت أهل الكوابرس يتفضلون ويعطوننا رأيهم ..


تحياتي ..

ياشباب الرجال يقولLS مقلوبSS يعني مايستاهل 45
إذا الكابريس الجديد 2007 LS من الوكالة في حدود 85 ألف
وطبعا شكل جديد يعني يطرح من سعر الشكل القديم
أضف إلى أنه 2004 يعني أقدم من بثلاث سنين
والكابريس معروف سعره يطيح في الأرض
أنا بنفسي مسعر واحدLTZ 2001 بعشرين ألف
يعني اللي عندك كحد أقصى40 ألف

ولاتنسى الاستخارة