دعوة للنقاش عن الايسوزو الديماكس

:cool: السياره جيده جدا في الخط و (البر خاصه) بس فيها بعض العيوب مثل الصناعه تايلنديه وقطع الغيار نااااااااار

مشكووووووووووورررررررررررررررر

رووووووووووووووووووووووووووووووووووعه

سألت مهندس كيميائي يعمل في مصفاة راس تنورة في أرامكو، عن جودة الديزل في السعودية فقال لي أن معدل السيتان Cetane في السعودية 55، وهو مقياس جودة الديزل مثل الأوكتان في البنزين. و55 هو أجود الأنواع، سريع الاحتراق. والسيتان في الديزل كل ما زاد كل ما كان احتراقه أسرع، بعكس الأوكتان، كل ما زاد كل ما كان احتراقه أبطأ. وفي كلاهما كل ما زاد كل ما كان جودة الوقود أعلى.

لكن ... الكبريت عالي جداً في الديزل الموجود في السعودية. لذلك تويوتا وغيرها ما يجيبون مكاين الديزل القوية، لأنها تخرب بسبب ارتفاع نسبة الكبريت في ديزلنا. لكن فيه خبر سار. الآن معدل الكبريت في الديزل اللي يباع في جدة والرياض منخفض جداً، وقريباً بمجرد الانتهاء من معمل إنتاج في المنطقة الشرقية.سيكفي لتزويد جميع المحطات في المملكة بهذا النوع منخفض الكبريت.




لعلمك بحسب كتلوجات السيارات، فإن زيت البنزين المفروض أنه ما يغير إلا كل 10،000 كيلو، وليس كما يقول الوكيل كل 5،000 كيلو! إلا في ظروف خاصة، ومنها أن يكون حرارة الجو فوق 40 درجة مئوية، وأن يكون الجو مغبر في معظم الوقت، ففي هذه الحالة يكون التغيير كل 5،000 كيلو.

لذلك، أعتقد أنه في بلدنا غير الزيت كل 10،000 كيلو في الشتاء، وكل 5،000 كيلو في الصيف.

شكرا أيها الأخوة
وأضيف معلومة عى الديماكس قوة محركهاcommonrail (السكة المشتركة) في بعض الأسواق العالمية 163 حصانا. أيضا أعتقد أن نوعية الديزل هناك مختلفة عن الدول العربية.
وهناك نوع من الديزل أسمه البيوديزل أو الديزل الحيوي (من الزيوت النباتية) لايوجد به الكبريت ومعظم مواصفاته أفضل من ديزل البترول ولكن تكلفته أعلى من الديزل البترولي

مشكورين مشكورين مشكورين على المرور والمشاركة
خاصة اخونا ابواسد والخل الوفي ابونايف وعناق الارض وشكرا لمشرفنا العزيز صالح

وننتظر المزيد والمشاركة

الخل الوفي


ههههههههههه

شكلي طيحتك في الديزل :D

وبتكلم عن مسألة العزم في الديماكس أخر شيء

بنسبة للاف جي كروزر زين أن العربة ذاك اليوم مرخصينه أول ما جيت قالولي بـ 250 ألف وكان فيه أثنين وباعو واحد أسود وبقي أزرق بس ليت أعرف طريقة أشتري فيها الأف جي كروزر وأنا في السعودية لأن صعبة أطلع علشان أشتريه وأكيد أنه بيكون رخيص وأضمن وتشتري المواصفات الي تبي.





أبو نايف 2007

يعطيك العافية أخوي أبو نايف 2007 على مشاركتك الطيبة

وهي تخلي الواحد يثق بالسيارة أكثر وأكثر لأن التجربة خير برهان ;)



salehhd


طيب شاركنا بأي معلومة تخص الديماكس أخبر عندك تجارب عن الموديلات السابقة لبيك أب إيسوزو





عناق الأرض


نعم الديزل الي عندنا في السعودية يصلح لطراز المحرك 3.0-litre common-rail diesel engine الي نوع 4JJ1-TC

أما نوع 4JT1-TCX 3000 Ddi VGS Turbo يحتاج الديزل النقي الي تكلمت عنه.

هو ياليت ينزل هذا المحرك عندنا بس نوعية الديزل الي يستخدم عندنا ليست من النوع النقي لأن هنا مركزين كثير على البنزين ومثل ما أنت شايف حاطين عندنا 91 و95 أوكتان وبعض الدول أكثر من كذا.

وبنسبة أرتفاع أسعار السيارات مستقبلا يخلي الواحد يفكر يقتصد ولو بالقليل المشكلة الديزل عندنا ممتاز بس الوكلاء هنا ما يهتمون يجيبون السيارات التي تعمل بالديزل والسبب يمكن الأقبال يكون عليها قليل إلا أذا كان نفس السيارة ما تجي إلا ديزل مثل الديماكس ومنافس قوي في السوق فهذا الي يخلي الناس تتجه وتثق في الديزل بحد ذاته.

وأنا ما بعد شفت ديماكس اصلا من موديلات 2004 وطالع يطلع دخان



بنسبة للعزم حبيت أوضح شيئين مرة أخرى لــ القمر المديني

الديماكس الشكل الجديد 2007 الدفعة الثانية أصبح فلتر الديزل واحد فقط! ويوضح أيضا عندك في الطبلون متى تحتاج تغيره وهذا صراحة ميزة روعة وقيمته 100 ريال فقط بدلا من أنك تغير الأثنين بنفس القيمة تغير واحد فقط ونفس الكلام قالي من 15 إلى 20 ألف كيلو وهو يبين لك في الطبلون متى تغيره.

العزم في الديماكس
التماتيك 294 نيوتن/متر
العادي 280 نيوتن/متر


وهنا في الأعلى يبين لك أن التماتيك كعزم أقوى من العادي |1|

وللتأكد أنظر هنا http://www.isuzu.co.jp/world/product/dmax/power.html

نسمع كثير أن زيت الديزل لازم يتغير بشكل سريع مقارنتا بالبنزين والسبب أن معدل الأحتكاك في الديزل أعلى من البنزين لذلك يجب تغيره بشكل سريع

فالبنزين المعروف في السيارات يقولون من 4000 إلى 5000 والنصابين الي يقول كل 3000 |11|

بينما الديزل كل 3000 والوكالة تقول كل 2000 مع أني سألت واحد في الصيانة يقول لو تمشي على زيت الديماكس 4000 أو 5000 مافيه مشكلة بس هو توجيه من الشركة الأم أن الديزل في الديماكس لازم يتغير كل 3000 كيلو ونوع الزيت الديزل 15W-40 والوكالة تستخدم نوع كاسترول وفيه نوع ثاني واحد يمدحه لي بترومين

عن نفسي لو بشتري كل 4000 أو 5000 كيلو بغير الديزل :D لأن أسمحلي أستحالة أغير الزيت كل شوي أنا بالبنزين أغيره أن صارت السيارة شوي قديمة كل 10 أو 15 ألف كيلو!!! <<< صدق أنك مفلم بس هو الصحيح ولا يغرك كلام حقين الزيت تراهم نصابين يبونك بس تغير عندهم علشان دراهمك بس.

أخوكم أبــــــــــــوأســـــــــــــــد|3|

السلام عليكم
الحقيقة نقاش شيق
أريد أن أطرح موضوع محركات الديزل commonrail ونوعية الديزل الموجود في الخليج هل ينصح بهكذا نوعية لتلك المحركات المتطورة؟!
حيث أن في دول العالم المتقدم يستخدمون أنواع من الديزل تكاد تخلو من الكبريت وذات مواصفات ممتازة و الدخان الأسود المنبعث قد أصبح من الماضي السحيق.
في نظري أن محركات الديزل سوف تزيح مثيلتها البنزين من الطريق في المستقبل القريب.

السلام عليكم

نقاش رائع من اعضاء مميزن مثل ابو اسد والخل الوفي

ولا يهون باقي الاعضاء

اشكركم على مشاركتكم الفعالة وما شاء الله معلومات قيمة جداً

من ناحية قوته بالبر

واحد من معارفي معه ديماكس 2005 ديزل

الرجال راعي قنص ويروح عليه الربع الخالي ويمدحه لي

السياره ممتازه ولا عليها كلام

لا من ناحية رساوه ولا تحمل ولا صرفيه


مبرووك مقدما

تحياتي ...

معلومات جميلة عن الديزل، أشكرك. أنا ما عندي أي خبرة في مكاين الديزل ولا قد جربتها. لكن إن شاء الله سيارتي القادمة تكون ديزل.

ومكينة الهايلكس 3.0 لتر هي 120 كيلو واط، أي 161 حصان، وفي الموقع الأسترالي 169 حصان، رحت شيكتها في الموقع الجنوب إفريقي والموقع الاسترالي والموقع التايلاندي لتويوتا. بينما مكينة دي ماكس 3.0 لتر في الموقع الجنوب إفريقي 130 حصان (96 كيلو واط) فقط. وعزم مكينة التويوتا 343 نيوتن متر، بينما عزم مكينة الدي ماكس 280 نيوتن متر. ولا يوجد أي ذكر لمكينة ضعيفة ومكينة قوية. آه يا قهري ليش ما تجينا هذي المكينة! لو إنها تجينا كان أخذت الفورتشنر حقي ديزل بدون تردد.

بالنسبة للإف جي كروزر، صدقت، أنا شفتها في معرض العربة في التحلية بـ 180،000 ريال!!! مع إنك إذا إشتريتها من أمريكا تجي عليك بـ 90،000 ريال فقط، بعد التحويل من الدولار للريال طبعاً! ضعف السعر الأمريكي!

القمر المديني

تسلملي أخوي على كلامك وشرف كبير لي كلامك لي وبصراحة قبل أصلا لا تتسئل عن السيارة بصراحة أحب أجاوب على أي سؤال يختص بالسيارات التي أعرف عنها خصوصا التي أحبها وأعشقها ;)

بنسبة لموضوع القير

قير الديماكس علمي جدا جدا جدا

والسبب وهذا مليت وأنا أسمعه في وكالة إيسوزو (الديماكس ياباني المكينة والقير والدفرنس والباقي تايلندي) لاحظ ترى القير ياباني يعني بأذن الله ما عليه خوف وللمعلومية قابلت واحد معه قير تماتيك دبل موديل 2005 السيارة معه يطلع بها كثييييير وسالته عن القير في البر كيف قوته مدحلي فيه وما أشتكى منه

القير التماتيك ترى الي يخليه يتضرر في التطعيس هو التروس القير تصير مع الوقت العزم يضعف بس ترى على المدى البعيد وإي قير تماتيك كذا يصير له

مع ذلك بنسبة لي أذا بجي بشتري ديماكس ما راح أخذ إلا تماتيك مع دبل فقط يا أخي أستحالة أسوق قير عادي في الرياض مرة ثانية والله توبة, مغير الهايلكس أول شاريه بدون فايدة طول الوقت حاطه في البيت وأسوق الجمس ولا الشبح الي كان معي تقول مطلقة بالثلاث! متعب جدا سواقته ولا هو لم الراحة وبصراحة ما أبالغ أنه صدق من قال أن الهايلكس ليست مخصصة للأستخدام الأدمي :o

بنسبة لموضوع المقارنة كان المقارنة كان الديماكس الي ينافسه كل من بيك أب نيسان ومستوبيشي وفورد رينجر ومازدا وتويوتا
ما أذكر النقاط الي ما قدر يحققها إلا نقطة وهي القوة فقط طبعا مهي تويوتا ههههههه <<< أهم شيء عندك خخخخ

حبيت أعطيك معلومات أكثر

طبعا مافي شيء كامل

الديماكس له عيوب وهي:
1- الدبل. والسبب مثل ما ذكر سوء الأستخدام.
2- طرمبة الديزل.
وللمعلومية ترى أغلى قطعة في الديماكس هي هذي طرمبة الديزل وهي تقدر تقول قيمتها تتعدى 10 الاف ريال!!! وتصليحها فقط بدون التبديل حول 6000 ريال وهذا الي يخربها شيء واحد وهو عدم تغيير فلتر الديزل لأن فلتر الديزل يقوم بتنظيف الديزل من الشوائب قبل لا يدخل المكينة حتى يكون أقل تلوث أقل رائحة وأفضل في العمر والعزم ولا يخرج الدخان وقيمة الفلتر الديزل تقريبا من 25 إلى 35 ريال فقط ولازم يتغير كل 15 ألاف كيلو

للمعلومية فلتر الديزل في الديماكس ليس واحد بل أثنين
واحد حول المكينة والثاني عند التنكي حول الشكمان في واحد يتغير كل 15 ألف أما الثاني يتغير بشكل متأخر أكثر يعني يمكن كل 25 ألف أو 30 ألف والثاني قيمته تقريبا حول 70 ريال فقط.

أن غيرتها بأستمرار تظمن أيضا أن الديماكس ما يدخن دخان أسود أبدا





الخل الوفي


بنسبة لموضوع الأف جي كروزر ما أدري من الي قايلك الموقت المبكر هذا بس الي تكلمت مع كم مسؤول في تويوتا قالولي بعد 11 شهر من المعرض والي قال في أخر 2007 أو بداية 2008 أو قبل 2008 بشهرين وزي كذا يعني تقريبا يمكن يكون متوفر في رمضان بس خوفي هو أنه ماراح يسلم من التلفيق وهذا الي بيبط كبدي علشان أروح أشتري الديماكس وأنا مطمئة أجل بعدين بشتري سيارة بتكون جنوطها صينية ترج والسيارة وكالة! هذا الي ناقصنا وأتمنى ما يختلف عن شيء عن الي كان معروف في معرض الرياض الدولي
والسعر المحدد له هو 110 ألاف ريال لناقل الحركة الآلي هذا كلام أثنين مندوبين عبداللطيف جميل
في المعارض النسيم يبيعونه بـ 170 ألف حرامية طبعا وبعضهم مسوي كريم 150 ألف

ومعلومة الهايلكس الي مكينته 3 لتر يا أخي وكلاء الي عندنا حقين تويوتا ضاحكين علينا جايبين لنا 2.5 لتر وبقيمة الديماكس فل كامل تماتيك أعلى شيء 3 لتر؟؟؟

النصب عيني عينك

وللمعلومية قوة الهايلكس هي 134 حصان لمحرك 3 لتر والديماكس 130 حصان سابقا وحاليا 136 حصان

بنسبة للنوع الي تتكلم عنه وهو نوع يستخدم ديزل نقي EROU4 له مزايا كثير حيث القوة أكبر وأنظف في الأنبعاثات وأهدء لصوت المحرك وفي الديماكس قوته على هذا النوع من البنزين 163 حصان بس هذي الأنواع مستحيل تنزل عندنا.

وبنسبة للنظام يارجال شيء أحسن من لا شيء بصراحة أنا قريت عنه أشياء كثيرة هذا النظام بس جيبت لك بطريقة مختصرة في الموضوع حتى تجربتي في البر لكلتا سيارتين ديماكس وروديو , في التطعيس الديماكس ما غرزت به أطلاقا! بينما الروديو غرزت تغريزه يحبها قلب قلبك :D رغم قوته بس الحمد الله شوي تبريح مع 4L على R خلصني من المشكلة هههههههه

الأخ/ القمر

بالنسبة لسعر البنزين، لا تتوقعوا يبقى سعره كذا لفترة طويلة. هذه مرحلة مؤقتة، وأنا أشعر بهذا الشيء من البداية. هذي كانت خطوة سياسية محضة، ولن تلبث أن تزول. أنا أكاد أجزم إنه ما راح يمر سنة أو سنتين ويرجع البنزين يرتفع. لذلك، احسب حسابك للمستقبل وخذ ديزل. هذا غير الاعتمادية وطول العمر.

الأخ/ أبو أسد

الإف جي كروزر شفتها كم مرة في معارض السيارات بالنسيم جديدة. لكن رح تكون أغلى من لو جابها الوكيل، بمبلغ وقدره. لكن الوكيل وعد إنه يجيبها بداية 2007 وأخل بوعده، كعادته.

بالنسبة للدي ماكس والهايلكس، لو إنه وكيل تويوتا يجيب الهايلكس ديزل 3.0 لتر، كان ينافس الديماكس بشدة، لأن مكينة الهايلكس/فورتشنر 3.0 لتر أقوى بكثير من مكينة الدي ماكس، تصل قوته إلى 160 حصان.

وعلى فكرة، نظام limited slip differential ليس بكفاءة الدف لوك أبداً، ولا نصيفه. إلا إذا كانت التقنية المستخدمة هي Torsen LSD. لأنه غلبية الدفرنسات المجهزة بـ LSD تستخدم تقنية بحيث فقط جزء بسيط جدا من العزم يذهب للكفر المتماسك، ولو كانت السيارة تسحب مقطورة ثقيلة، أو تصعد طلعة صعبة، فإنه سيكون وجوده كعدمه. وعندي لقطة فيديو تعرض هذا الشيء. النوع الوحيد الذي يعطي فعلا ويغني عن الدف لوك هو Torsen، لكنه يستخدم غالبياً للدفرنس الوسطي في سيارات الدفع الرباعي المستمر، وليس للأمامي والخلفي.

Torsen يستخدم في الدفرنس الأمامي والخلفي فقط في السيارات التالية: الهمفي (همر H1)، والرينج روفر العايدي (وليس السبورت)، وهذا بحسب علمي المحدود. وهذا سر الكفاءة الخرافية لهذه السيارات.

اخوي العزيز ابو اسد
كما عهدناك دائما في خلال السنوات الماضيه ودائما كنا نطلق عليك "اسد المنتدى"
اشكرك شكر عميق على هذه المعلومات القيمه وفعلا كما قال اخونا Jabal El-Nar كفيت ووفيت
و بصراحه وبدون مجامله المعلومات الي ذكرتها من وجهة نظري تستحق انه كل صاحب ديمكس يطبعها ويدبسها مع كتيب المستخدم في السياره كمرجع مختصر لاستخدام السياره
والحقيقه انه النقاش معك لا يمل منه لهذا جعلت الاستشهاد بمشاركتك الرائعه القيمه اخر شئ طمعا في استكمال النقاش مع خبرتكم وسؤالي لك بحكم خبرتك في السياره وهو الموضوع الي تحدث عنه اخونا الخل الوفي هل ترى
القير العادي في الديماكس افضل ام الاتوماتيك , الحقيقه انا ودي في الاتومتيك اقولك هي بكل امانه لكن اذا كنت تعتقد انه هذا سوف يؤثر في الاعتماديه والمغامرات العنيفه في البر فقد اعود وافكر في العادي ,, لاحظ انه من اهم الاشياء عندي انه ادخل البر وانا مطمئن انه لن اوجه مشاكل ما امكن . هذا من ناحية
من ناحية اخرى بماذ تقيم الديمكس مقارنه بالهايلكس والمازدا الجديد والي يعتبر المنافس الجديد بناء على ماشاهدة في شريط الفيديو الي ذكرت
وشاكرين لك وربنا يوفقك ويبارك فيك

اخوي الخل الوفي وانت اسم على مسمى انشاء الله ومشهود لك بمبادرة اول منافسة واقعية خارج نطاق المنتدى في تجربة الهافمون ,,شرف لي بمشاركتك في موضوعنا هذا
بالنسبة لموضوع القير العادي والاتوماتيك انا اعتقد العكس صدقني كنت بتتحسف اكثر بكثير لو اخذت القير العادي خاصة اني الي اعرفه انها سيارتك الي بتسخدمها ,حتى انه الوكالات حاليا اخر سيارات يسوو عليها تصفيه هي سيارات القير العادي وهذا شئ لمسته ,, فكر قليلا لواخذت قير عادي وطول الصباح والمساء وانت من ترس لترس وخاصة مع زحمة طريق الملك فهد او طريق خريص عندكم في الرياض,, انا ارى انه القير الاتوماتيك هو الاختيار الطبيعي حتى لو كان وانيت وحتى في التطعيس اتوقع مع التعود سوف يعطيك نفس النتيجه ويمكن افضل كمان
ولكن رايك في محله من جهه بالنسبه لوضعي لانه الديماكس الي ناوي عليه انشاء الله هذه السياره الثانيه الي سوف تستخدم في الكرف والعمل الشاق وانا عندي من الاصل السياره الاولى الاتوماتيك هذه نقطه سوف اضعها في الحسبان
بالنسبه للدبل الكهرباء هي النقطه الوحيده الي تمنت انه الديماكس يكون فيها عادي ولكن اوفقك الراي انها لسيت عيبا بقد انها ميزه ايضا من جهة اخرى
اشكرك مره اخرى على مشاركتك

اخوي سريع جدا

شكرا على مشاركتك ووجهة نظرك في حلها بالفعل سيارات البنزين اكثر نعومه واقل ضجيج والاهم هو انه القومه الاول في محركات البنزين اسرع من محركات الديزل وسعر البنزين اصبح متقارب لسعر الديزل يعني مو الفرق الي الواحد يفكر فيه من اساسه
لكن في نفس الوقت العمر الافتراضي لمحركات الديزل اكثر بالاضافه انه قوة الجر في الديزل اقوى وخاصة في الشاحنات بالاضافه انه الي فهمته من الاخوان انه الديماكس تربو ديزل يعني الرائحه والصوت المزعج اقل بكثير من السابق
عموما هذا المعيار بالتاكيد سوف اضعه في الاعتبار عند تجربة السيارة
شكرا لك وجزاك الله خير

جزاك الله خير اخوي الدليم على مرورك وبالفعل الهايلكس له تاريخه ولا يمكن تجاهله

وهذا رابط عن جميع المعلومات عنه من الموقع الرئيسي

http://www.isuzu.co.jp/world/product/dmax/index.html

أخوكم أبـــــــــــــــوأســـــــــــــــــد|3|