شباب أريد نصيحتكم .بخصوص دوج دورانجو 2007 4x4 ... ضرووووري رجاء

أقترح عليك، ما دام شاري من المتحدة في جميع الأحوال، تلقي نظرة على الكوماندور. فيها نفس المكينة الجبارة، وتشيل ثمانية ركاب، وفي نفس الوقت قدرة خرافية في البر، نفس أنظمة القراند شيروكي المتطورة.

الدورانجو حلو وقوي ووسيع، لكن ماهو قد كذا في البر. مساعداته وياياته لينة جدا بزيادة، إلى درجة إنك لو مشيت على مطب بسرعة متوسطة ممكن تحك من الأسفل.

لكن في رأيي أهم شيء وكيل السيارة وخدماته. خدمات ما بعد البيع هي أهم شيء في السيارة بدون شك. تشتري من وكيل له فروع في جميع مدن الدولة، ومراكز الصيانة في كل مكان وممكن تلقى مركز صيانة جنب بيتك، ولا تشتري سيارة كل منطقة ماسكها وكيل مختلف أو ما يكون عنده إلا مركز صيانة واحد في المدن الرئيسية فقط والعالم كله متزاحمين عليه!

تلقى البياع يدحلسك في السيارة ومواصفاتها ولا يطري خدمات ما بعد البيع، فتروح تشتري السيارة وتبلش في الصيانة.

وسيارات كرايزلر، دودج، وجيب معروف عنها إنها سيارات ما تعيش كثير. إن كانت الموديلات الجديدة تحسنت في هذا الشيء أو لا، الله أعلم، لكن أنصحك بالاستفادة من خبرات الذين سبقوك.

أنا لي عم من أعمامي اشترى كرايزلر 300m موديل 98 ويشتكي جداً من الوكيل، يقول إنهم ما يعرفوا يصلحوا السيارة، وقطع الغيار نار وغير متوفرة بكثرة. ويشتكي من كثرة خرابات السيارة.

أشكر الجميع على مشاركاتهم المفيدة ...

وان شاء الله نويت اجيب الدرانجو 2007 SLT دفع رباعي لانها دخلت مزاجي صراحة .... شكل هجومي بحت للمقدمة ما شفته بأي سيارة ثانية ... حتى الباجيرو الجديد المقدمة مش ولا بد.... بالاضافة الى ميزات الامان
6 ايرباق
نظام ABS
نظام ESP للثبات
مكيفين منفصلين
كمبيوتر معلومات الرحلة
والاهم محرك HEMI هيمي 5.7 متعدد الازاحة بقوة 335 حصان

وسعر منافس 100 الف ريال .... هل في سيارة بنفس المواصفات ... وبنفس السعر ؟؟؟؟؟


اليوم شيكت على الوكالة بالنسبة للفحمات الامامية قالي 300 ريال للطقم .... فما ادري الي قال انها بـ700 ريال اتوقع بالغ في السعر ....


وتحياتي للجميع ....

يا اخي العزيز
انا معاك ميه في الميه انه شركة دودج تنتج حاليا اجمل سيارات في العالم وهذا مو كلام هذا من تجربه النيويوكر الي كانت معنا مشيت بها من جده الى الشرقيه على سرعة من 160 الى 180 الهواء ما يحركها ماشاء الله تبارك الله كان فيها ثبات ومناوره موطبيعي ما شفته حتى في المرسيدس الي كان معي ولا في اي سياره وحتى التصميم كان على اروع شكل ممكن , حتى انه الوالد رغم كل المشاكل الي شفناها فيها فكر في 300c قبل ما يطلع 300m الحاليه ولكن كثرة مشاكلها بعد 4 سنوات استخدام خلتنا نعدل عن القرار وكل مره ابغى اشتري سيارة لازم اعدي على المتحدة اشوف سياراتهم واقول لنفسي بس اشتري من عندهم لكن التجارب المريره الي مرينا بها تخليني ابطل
مره كنت ابغى اخذ الجيب الشيروكي وبطلت ومره كنت اخذ الديرانجو (رائع بمعنى الكلمه) وبطلت كل ما تذكر المعاناه من قطع وخلافه
عديلي بنشر تلك الايام على القراند قويجر زقلت له ترى سيارات رائعه لكن جوده وقطع ووكاله انسى وماقدر يتحمل جمالها وطلعها مشت معاه 50000 وباعاها

قبل يومين فقط كنت اتكلم في نفس الموضوع وقلت لو بس كريزلر يركز على الجوده وسعار القطع يتكسحو السوق العالمي كله حتى تويوتا بدون منازع

سالت عن الدريرانجو في ذلك الوقت افادوني بانه ليس له علاقه بالديراجو القديم فهو شئ مختلف كليا مكينه وقير ودفرنس وهيكل وكلها تقنيه المانيه بحته من نتاج اندماج مرسيدس مع كرزلر ,, لكن لابد من وقت حتى تتمكن كرزلر من عكس النظره الماضيه السيئه

^^^^

هاذا هو الكلام المضبوط

ماعليك من كلام الناس فلان يقول وفلنتان عنده

دام ان السياره داشه مزاجك خذها وتوكل على الله واللي يقولك خرابات تأكد انه من سوء الاستعمال والدودج تطور بشكل كبير خصوصا بالسنوات الاخيره يعني مافيه مشاكل مثل قبل

واذا انك خايف تاخذه اقترح عليك التاهو ولا اليوكن موديلات 2007 تحطها على يمناك وماتردك|1|

ياعزيزي وكيلها ماهو تعيس ولا شي...
والقير ماهو مشكلة أزلية...

الوالد كمان عنده سيارة كرايزلر ومجربين الوكيل والى الآن نصونها عند الوكيل...
ما شفنا شي من الوكيل ولا من السيارة...

ورشتهم ممتازة وماهي سيئة...

لكن الناس ما تصدق لمن تقول لهم أنا مجرب الوكيل وممتاز...

أي سيارة اذا بتحافظ عليها تعيش معاك...
سوء الاستخدام هو اللي يخرب السيارة...

اعتقد اخونا DAHER وهو عضونا فعال معنا هنا في المنتدى واعتقد انه عنده الديرانجو تستطيع تساله وانشاء الله بيفيدك وما يقصر معاك

مانا من هوات الدودج
بس عاجبني ديزاين السيارة

شكرا للاخوان على ردودرهم ....

بس حبيت اعرف اذا في أحد من الاخوان الكرام جرب الدورانجو 2007 ؟ ويعطينا رأيه فيها ...

تحياتي ...

هي السيارة كمواصفات وسعر شيء خرافي. ما تلقى سيارة مكينة 5.7 بهذي القوة الهائلة، وبهذا السعر. ولكن، كما قال الاخوان، وكيلها تعيس، أسعاره في السماء، وما تمسك سعر. وترى ما هي ذيك السيارة في البر.

إذا لازم أمريكي، عندك الاكسبلورر والإنفوي والتريل بليزر، كوكالات لا بأس بها، لكن كأداء، ما لك إلا الجيب كوماندور، بس مشكلتها ترجع لنفس الوكيل.

إذا قررت تشتري من هذا الوكيل، أنصحك في الكوماندور، فيها نفس المكينة الجبارة، لكن مع قدرات هائلة في مجال الدفع الرباعي.

إذا ممكن تترك الأمريكي، ما لك إلا الياباني. ب100،000 تجيب لك تويوتا فورتشنر ستة سلندر قير أوتوماتيك، أو نيسان باثفايندر، أحسن خيارين بالنسبة للميزانية.

طيب في أحد من الاخوان جرب الدورانجو 2007 ...؟ ممكن يكلمنا عن تجربته بالنسبة للسيارة ويعطينا وجهة نظر عملية ومجربة ....

وشكرا للجميع ....

لاني بصراحة محتار اخذ هذي السيارة والا لأ .....

انصحك بالانفوي او التاهو









لانه التاهو الجديد يمكن تحصله مستعمل بـ100 الف




والانفوي وكاله ب100 ألف

شكرا للاخوان .. أبو صهيب والقمر المديني ....

وايش تنصحوني سيارة دفع رباعي ب 100 الف ريال ؟

اخي شبيه الريح

نصيحه لوجه الله

ترى السياره مقلب مكعب , احنا تعاملنا مع المتحده قطع الغيار نار نار نار والكثير منها غير متوفر وفوق هذا كله جودتها سيئه جدا تركب القطعه تعطيها شهرين تلاقيها خربت ولازم تغيرها

القير بوكس مشكله ازيله في جميع سيارات كريزلر انا عندي واحد اعرفه كان عنده ديرانجو موديل 2004خرب القير عليه على 60000 يعني على اخر الضمان وعندنا كانت كريزلر نيوكر خرب القير مرتين وصلحناه كل مره 5000 ريال

الوكاله ورشها سيئه للغايه المهم هذا الي عندي قديكون الموديل الجديد شئ ثاني جديد غير الاول وهذا الي افادوه الوكاله

واقترح كما نصحك اخونا صالح ان توسع قاعدة بحثك لتشمل سيارات GM وفورد حيث لديهم اختيارات مختلفة ووكلاتهم جيده واسعار القطع معقوله

وبالتوفيق انشاء الله

اخي ابو صهيب ...

انت الدرانجو الي معاك كم موديله ؟
وهل السيارة اعتمادية من وجهة نظرك والا لا ؟
وحسب ما سمعت ان الدرانجو الجديد عليه طلب كبير .... حتى تروح الوكاله ما تلاقي كل الالوان .. كله يخلص اول باول ...

اخي اسئل مجرب
قطع الغيار نار نار قبل سنتين كان سعر الفحمات الاماميه 720 ريال لكن الان لا ادري
الوكيل خصوصا الصيانه حراميه واي صيانه تتاخر السياره عندهم
عند البيع راح تخسر ضعف اللي ممكن تخسره في اي سياره ثانيه لانه غير مرغوب فيه
انصحك باليوكون او الماونتنير