لخبراء الماركيز ارجوكم عندي مجموعه اسئلة

الله يعطيكم العافيه يا شباب وماتقصرون يالمستشار والدمعه والله ان الواحد استحى من هالكرم ..

يعني عن جد انتم ناس تنحطون عالراس ونعم فيكم والله ..

بدون مجامله الواحد يستفيد من ارائكم وانتم على العين والراس ومشكورين وبيض الله وجيهكم ..

أخوي دون فيصل مبروك عليك السيارة يعطيك خيرها ويكفيك شرها

و شاكر على أسلوبك الراقي وهذا أن دل على حسن الخلق (( ولد حمايل ))

و ما في كلمة لنا بعد أخونا الكبير [COLOR="Black"]فيصل سبورت ....


الفورد سعره حار وراعين الصالات وليس كلهم ما يخافون اللة يحطون أسعار خيالية ما يدرون أنهم يضرون المسلمين

اللة يهديهم,

أنواع الزينون في السعودية المعترف فيها وهي:

1- أنوار جي أكس أر وهي أنوار قوية لكن شباب الرياض خاصة مايحبونها لأنها (( تحتمي )) والشي الثاني
تستخدم في أسلوب (( الكشح )) أي يطفي النور ويكبس يكون أفضل من ناحية القوة (( يعمي العيون ))

2- أنوار بي أم دبليو وهي أنوار ممتازة وفيها لمعة تتطلع في الارض لكنها نورها ضعيف والشباب ما يحرصون عليها

3- أنوار لكزس وهي أفضل أنوار على أللطلاق لأنها نورها قوي ولا تحتمي ونورها منتشر بشكل متوازن
(( أنا أفضلها على أي نور )) خاصة النور الواطي


ولك تحياتي [/COLOR]






أبومحمد

بالنسبه للسؤال عن الايبود ..فيه كاسيت تقريبا سعره 15-80 ريال ((حسب النوع))
الكاسيت طالع منه سلك ينشبك بالايبود مكان السماعه ويصير الصوت يطلع من الايبود عالكاسيت على سماعات السيارة
وموجود هالكاسيت عند جرير واكسترا ومحلات الكمبيوتر ((انصح بشراءه من جرير لان النوعيات اللي عندهم ممتازة ))

الله يبيض وجهك يادون فيصل


الاصدار المحدود هو عبارة عن مواصفات خاصة مميزة تزيد عن الاصدار العادي وهي للتميز ولبعض من يطلبون الفخامة


المترفه في سيارتهم التي يرغبونها ....طبعا لايتم انتاج من تلك السيارات الا عدد محدود وتكون هي الاعلى بالسعر


اما كاستعمال فهي نسخة واحده ولا توجد فروقات الا بالاكسسورات والكماليات اما الجوهر فهو واحد



التلميع اليدوي في ورش الصناعية وسادلك على ورشة مشهورة برسالة على الخاص



بالنسبة للزنون ::: ماانصح فيه خاصة على الماركيز لان تصميم الانوار لايناسب الزنون وشمعة الماركيز


كبيره نوعا ما وعند تركيب الزنون تصبح الانارة شعاع كبير وقوي وليس فيه لمحة جمالية مثل انوار اللكزس


وانوار كثيره من السيارات التي تاتي مدروسة بعناية خاصة من ناحية العوكس علما بان عاكس الماركيز والفكتوريا


ليس بالجودة المطلوبه ولكن انا انصح بتركيب شمعات 80/100 الماني مع كتاوت وبذلك يصبح النور قوي ويميل


الى البياض ولكنه ليس كبياض الزنون


هذه نصحية بالنسبة للزنون علما باني سبق ان رايت زنون على ماركيز وركبت زنون على فكتوريا ولكن لم يكن بالشكل المطلوب




والله الموفق

بيض الله وجهك يافيصل والله يجعله من موازين حسناتك يوم القيامه

طيب الحين بسالك سؤال الاصدار المحدود حلو والا يصير الموتر حساس مرة يعني استخدامه غير عن العادي مثلا ؟

وايضا بخصوص الرجال اللي يركب الزينون في الغرابي بالله عليك ارسلي رقمه عالخاص لو سمحت .

وياليت توضح لي كيف تلميع يدوي يعني مثلا يروح يغسله في مغسلة سيارات او في نفس المحل حق التلميع مثل المحلاث المعروفة ( التلميع الساطع وغيره )

واخيرا الايبود النانو هو جهاز بحجم راحه اليد ويحمل لك 2000 اغنية مثلا ا او مجموعه افلام و اي مادة تريدها ويجي بسعات مختلفة جيجا ... الخ

اللي اعرفه ان النانو صار مرغوب اكثر بدال السي دي والكاسيت لانه يحمل اكثر وتقدر تمسح المادة وتحمل غيرها بسهولة

يعني مايحتاج 6 سي دي لو انت مثلا ماسك خط النانو يكفيك لانه يشيل اكثر بكثير ..وسهل وخفيف ..

لكن ودي اسألك اخ فيصل بخصوص الزينون لو انت مكان الرجال وتحب تركب زينون وش تركب نوع وليه ؟؟

لان رايك يهمني كثير كثير بحكم خبرتك في الامريكي .. ولايهون الاخوان الدمعه والمستشار ...

الاخ / رفيق الفورد : :: شكرا على هذا الاطراء وان كنت لم اصل الى العبقرية حتى الان مجرد خبره لاباس بها



الاخ الفاضل : دون فيصل


بالنسبة للسيارة وعلى المواصفات التي ذكرتها وممشاه اقل من خمسين الف فسعرها يعتبر ممتاز


وخاصة انها اصدار محدود ....



بالنسبة للانوار اللي اعرفه بان نور الماركيز شمعة واحده واطي وعالي ولا تستطيع تركيب نور عادي على الواطي


والنور العالي زنون .....تستطيع تركيب زنون ولكن واطي وعالي في وقت واحد ولكن اعرف بان هذا النوع غير متوفر بكثره


بالنسبة للاضاءه فالشمعات تتحكم بلون الاضاء من ازرق غامق الى ازرق فاتح الى ابيض


السعر على مايبدو لي من الف ريال الى الفين ريال والاسعار تختلف وتتفاوت على حسب نوعية الشمعة وعلى حسب

نوعية المحولات فالافضل الذهاب الى الغرابي عند واحد راح يفيدك كثير في هذا الموضوع وعن الاسعار وهو شخص


معروف ورجل ذو معرفه واسعة وامين في نفس الوقت ( اسم الشخص ورقمه على الخاص )


بالنسبه للتلميع : انا لا اؤيد التلميع خاصة اذا كانت السيارة لمعتها ممتازة خاصة بانهم يلمعون السيارة قبل ان تدخل

الصالة وانت سوف تلمع مره اخرى وتكلف على نفسك وخسارة وكثرة التلميع تجعل بويه السيارة تكون باهته خاصة

بان الفرشه الكهربائية التي تستعمل في محلات التلميع تجعل البويه فيها دواوير تظهر على الالوان الغامقة اكثر


واذا كنت مصمم على التلميع فالتلميع اليدوي افضل خاصة اذا كان الشخص خبير في التلميع

والسعر 300 ريال او اقل




بالنسبة ::الايبود نانو هذا والله مااعرفه لكن لو توضح اكثر اكون لك ممنون لكي نكتسب معلومة



والله الموفق

الله يعطيك العافيه حبيبي على ردك السريع وماقصرت وننتظر الاخوان ونشوف كلامهم برضو

وصحيح مثل ماقلت الطاره حقته مخشبه والطبلون الكتروني مع ان اللي اعرفه ان الطبلون مايجي الكتروني في موديل 2004 وفوق على ماعتقد اذا مو غلطان ..