وش تسوي بهالموقف !! والغلط على ميين ؟!؟

[فـهـد]

السلام عليكم

كيف الحال
انا صارلي موقف مرتين وبغيت اصدم بكلتا المرتين ، ومادري هل انا غلطان ولا لا ؟!؟
وهو يصير دايم لنا ماتدري تمشي ولا لا

لما تكون انت تسوق وقدامك اشاره والاشاره لونها اخضر يعنى امش ، طبعا الواحد يبي يلحق عالاشاره ، واكون انا ماشي من 80 كم الى 100 كم ولما تقرب من الاشاره بمسافه من 10 متر او حولها، يجيك واحد من الاشاره الثانيه يسوى فاهم ويمشى قبل ما تفتح اشارته !!
والله ما تدري وش تسوي بهالموقف ما تقدر توقف وان وقفت بيصدمك الى وراك واصلا ما يمديك توقف ففي المرتين انا ولله الحمد قدرت اتجاوز الي قدامي بشكل جنوني وكنت ابصدم بالرصيف بالمره الثانيه والمشكله ان اهلي معي
لا قدر الله وصدمت الحادث بيكون شنيع لاني مسرع والغلط على مين ؟!؟ ولازم المرور تطبق تظام بحيث ان الي يمشي قبل اشارته وحتى لو فتحت بعد خروجه على طول يعتبر قطع اشاره ، بصراحه الموقف خطير ويخوف ،، ننتظر ارائكم

[CamSHAFT]

الحمد لله على سلامتك يالغالي,,
صراحة موقفك غريب ولا قد حصل لي وان شاء الله مايحصل لاحد
اللي اشوفه يحصل هو انه لما تفتح لك الاشارة اخضر يجي واحد من الاشارة اللي قبل لك يكون مسرع وناوي يلحق ويقطعها وهي حمراء
هذي والله تخوف

[B R A B U S]

اخوي العزيز طبعاً انا راح اقولك هذا الكلام الي عندنا في

البحرين وطبعاً اتوقع بشكل كبير بأنه مثل القوانين تقريباً

الله يسلمك دام انك تمشي على شارع والأشارة مع خضراء

خلاص حتى لو كنت تمشي مليون ولا سمح الله صار حادث

يُعتبر الي طلع من الأشارة الثانية قاطع للأشارة حمراء وهاي

مخالفة والتسبب في وقوع حادث وتعريض حياة الأبرياء الى

الخطر وبالنسبة لك لو كان الشارع الي كنت تمشي عليه مثلاً

80 وانت كنت تمشي 90 عادي اما فوق ال 90 احتمال انه

ينحسب عليك مخالفة سرعة فقط اما الغلط في وقوع الحادث

الطرف الثاني الي تسبب في وقوع الحادث ,,, الف الحمد لله

ع السلامة ونتمنى انك ما تتعرض الى مثل هذي المواقف ,,,

[مخربها]

السلام عليكم ..

المشكله اللي عندنا ان الواحد يكون حافظ الاشارات اللي عن بيتهم او حول بيتهم اللي يمر منها دايم .. لما تكون الاشاره اللي على يمينك خضرا معناته راح تفتح اشارتك بعدها لان العاده اشارتك بعد الاشاره اللي على يمينك ولما تصير صفرا تقوم وتمشي ويكون واحد مسرع ويبي يلحق عليها .. اخوي اضن المواقف اللي تصير لك لانك تمشي واشارتك صارت صفرا .. في البدايه عندي نصيحه للكل مو لك الحالك ... الغلط لما تكون اشارتك خضرا وانت على مسافه 200 او 300 متر انك تشد على الموتر ... لا بالعكس هد لانها بأي لحظه راح تطفي وبعدها انت اللي راح تاكلها لو طلع عليك احد من هاللي حافظين الاشارات لانك انت اللي مسرع وموترك هو اللي راح يلعب في الخط لين يقول بس واذا كتب لك الله النجاة الغلط عليكم الاثنين لانك ماشي وهو صفرا وهو لانه ماشي قبل تفتح اشارته يعني كلكم قاطعين ... المفروض انك تهدي ليت توصل اذا وصلت وهي خضرا امش عليك بالعافيه لكن اذا طفت عليك خلاص يمديك توقف ...

الخطأ الثاني هو من ادارة مرور الرياض .... الاشارات هي نفسها ما تتغير اللي يمينك وبعدها اللي انت واقف فيها وبعدها اللي يساره وبعدها اللي مقابلك يعني ما فيه اختلاق وتكون حافظ الاشارات ... المفروض بين كل فتره وفتره يغيرون في الاشارات وش اللي تفتح اول اليوم من اليمين وبعد فتره من اللي يسار وبعدها اللي مقابله وبشكل عشوائي عشان اللي حافظ الاشارات يقول لا يمكن اليوم مغيرنها ويظطر يصبر لين يشوف اشارته ولعت خضرا ... انه مو متأكد من ترتيب الاشارات ...

في الاخير الواحد اذا ما انتبه لنفسه ماراح احد ينبه عليه .... احفظ عمرك واذا مو عشانك عشان اللي معك من اخوياك او اهلك ... ولا تستعجل لان الدعوه مو لعبة بلاي ستيشن ....

الله يحفظنا وياكم من كل شر ..

[ford 97]

وش تستفيد اذا صار عليك حادث وطلع الطرف الثاني هو الغلطان

أنت راح تضرر

وسيارتك راح تخرب

وراح تعطل حياتك


لا تسرع ولا تحاول تلحق الاشارة مهما كان


وما كل مرة تسلم الجرة



وتحياتي لك

[فـهـد]

مشكورين عالردوود

Night Hawk بصراحه الموقف واحد مع اختلاف بسيط ، هو المفروض اذا الاشاره حمرا يوقف
لكن حنا نتلكم عن اذا انت جاي بتلحق على اشارتك ويطلع واحد من الجهة الثانيه قبل فتح اشارته

clk_200 الله يسلمك ،وعندكم بالبحرين النظام واحد باستثناء ان اشاراتكم لما تكون حمرا تصفر قبل اللون الاخضر كاستعداد للسائق وهذا المفروض حسب النظام العالمي

مخربها انا معك وهي بسيطه اذا عالاشارات الي حوول البيت ،، بس انا اتكلم لو بالاماكن العالمة مثل الكورنيش وغيرها ودايم يصير هالموقف حتى انك بالكونيش الخبر احيانا اذا فتحت اشارتك تنتظر حوالي 5 الى 10 ثواني الا ما يفضا الشارع من السيارات الي من الاشاره الثانيه واغلبها قاطعه ، وبدا مرور الخبر بتطبيق نظام بالاشارات مثل ان اول ما تفتح الاشارهفي عداد الكتروني يعد عدد الثواني المتبقيه قبل فتح واغلاق الاشاره وانا اشوف هذا جيد


ford 97 انا ما احاول الحق عالاشاره الا اذا كانت خضرا ولما اصل للاشاره تصفر وما اقدر اوقف ويطلع واحد ثاني من الاشاره الثانيه والله مادري وش اسوي

والف شكر على تواصلكم

[s_mohmd]

السلام عليكم

في العادة الإشارات تمشي مع عقارب الساعة ولكن يوجد غير ذلك

عالعموم :

بالنسبة لي أنا أنتظر ثانيتين الى 5 ثوان بعد ما تولع خضراء .. وبعدها امشي ..

وعلى فكرة واحد من الشباب كانت الإشارة خضراء ويجي واحد يمشي مليوووون ويقطع الاشارة ويضربه من جنب بس لأن خوينا ضرب بريك فما صابه شي ولا صاب السيارة شي قوي ابد

وفي الأخير يطلع المتسبب في الحادث ورع ماكمل 16 ... أين الرقابة ؟

[PEUGEOT]

مشكلة بسيطه الاشارات الي زي كذا حاول تمشي من عندها وانت ماتتعدى سرعة 80 او 60 كيلو قبل تجاوز الاشاره مع الحذر للأشخاص الي واقفين على الاشاراة الاخرى والسواقه فن وحاول انك تتنتبه لك شي من حولك وابغى اعلمك حركة بأذن الله تنجيك اذا تكرر الموقف معاك اذا كنت انت ماشي بسرعه عاليه ولقيت سيارة امامك فجأءة اكبر خطاء ترتكبه انك تمسك فرامل لان السيارة بتنزلق فيك وتصدم فيه بنفس سرعتك لاكن حاول ترمي السيارة على اي مكان وتهدي بسرعه ولا تضغط على الفرامل بقوة مع الحذر لاتقرب من رصيف اول جدار لانه بيكون الخطر اكبر يعني لو صادفته خارج من الاشارة اليمنا حاول تتجاوزه من الخلف اذا كان في وسط الطريق واذا كان كان تو قاطع فحول تخش يسار مع التهديه حتى لو هوا مو طريقك لاكن تتأخر شوية افضل من انك ماتوصل لولا قدر الله وهذي الطرق يكتسبها اي شخص مع الممارسه لسواقه ويتقنها وقد تصبح لا آراديه مع الممارسه والله يسلمك اخوك ويسلمنا جميع
وارجوك تنتبه جيدا
ليس كل شيء يأتي بالسلطه مدام الضمير موجود