قناة السيارات
السلام عليكم ورحمة الله وبركاته
كثير من الناس عند شرائه لسيارة ينظر بالاعتبار عدد الاحصنة
ويهمل العزم
السؤال : باللنسبة لسيارات الدفع الرباعي ماهو الاهم ( عدد الاحصنة أم العزم ) أم هي معادلة لاتتحقق إلا بالاثنين ؟
اللي عنده معلومات لايبخل
لتعم الفائدة على الجميع
(قول اللي عندك)
أخوكم : kuwait
هلا اخ كويت,,
في الدفع الرباعي الأهم بلاشك هو التورك, (في البر)
وناس كثير تجهل الشي هذا,,
ولو تلاحظ اغلب محركات الجيوب تحصلها تركز على العزم اكثر من الحصان,
مثلا اللندكروزر 6 سلندر قوته 210 حصان فقط تقريبا, لكن عزمه حوالي 400 نيوتن متر,,
وايضا بعض مكاين الجموس القديمة مثل مكينة 454<=== اسألو ابو اسد عنها
بينما محركات السيارت السيدان تركز على الحصان, مثلا الاكوردV6 قوتها بالحصان 240(ويقولون انها 270) بينما اقصى عزم تدوير لها هو 287 نيوتن.متر, ايضا الافالون 280 حصان بينما التورك 350 تقريبا- الألتيما 250 حصان والتورك 340 تقريبا
ايضا تلاحظ في الدبل الثقيل انه يقلل من ضغط المكينة RPM ,, يعني اذا شغلت الدبل الثقيل الـRPM مايرتفع عن 1500 تقريبا, والسبب هو تدبيل التروس للحصول على اعلى عزم تدوير ممكن وهذا يضخ عزم عالي للمحاور بدون ما تدور الكفرات بسرعة ,
نقطة ثانية مهمة, وهي ان المحرك يوفر عزم تدوير عالي على سرعات منخفضة (torque-on-demand), علشان تحس السيارة اخف معك في البر, لو المحرك مايعطي عزم التدوير الاقصى الا على دورات عالية فهذا يعني انك لازم تدوس ااكثر على البنزين وهذا راح يسبب لك مشكلة وهي انو احتمال ان السيارة تحفر بالتراب
اشكرك على الموضوع, ولعلي اعود بتعليق اخر, نترك المايكروفون للي بعدنا
التعديل الأخير تم بواسطة CamSHAFT ; 14-04-2006 الساعة 08:04 PM
مداخلة أكثر من رائعه
ومعلومات جداً قيمة , أفادتني كثيراً
مشكور عزيزي night hawk
يعني انا ما عندي اكثر مما قال مشرفنا العزيز Night Hawk واعتقد اجاد وافادني ايضا
وبالتوفيق
مشرفنا العزيز Night Hawk لو توضح المصطلحات اللي كتبتها لأن الموضوع يهني مرة انا اريد سيلرة دفع رباعي
اليوكون مسوين عليه عرض وش رايك فيه بالرغمن من شكله البايخ داخليا.
اخ مشتاق:
اليوكون ممتاز جدا في الطعوس (شخصيا اعبر نفسي بجمس الاهل 2001 دفرنسين مكينة 1500 اللي هي مكينة يوكون)
عزم التدوير باليوكون 480 تقريبا وهذا ممتاز جدا, بس عيبه انه مايعطي هذا العزم الا عند دوران 4400 RPM وهذا مرتفع ويخليك تحس ان السيارة ثقيلة ولازم تشد عليها بالطعوس
الجمس ماشاء الله يمشي بشكل ممتاز جدا في الطعوس بس لازم تنسم الكفرات كثير علشان وزنه ثقيل,
طبعا هو للي يحب يتمشى على هداوه وما يناقز فيه من طعس لطعس,
يعني اذا انت من النوع اللي ما يترك طعس ما ينطحه فما انصحك فيه, بس اذا ودك تدخل جوا النفود علشان تتمشى وتتقهوى فستجد فيه مايرضيك,
بس انتبه من ناحية المسايف, تراه خطير يعني اذا غرزت على جنب فما اقول الا الله يكون في عونك, تجلس نص ساعة توخر التراب او تسحبه من سيارة ثانية
طبعا اليوكون بيكون افضل من الجمس لأنه اقل طول منه ووزنه اخف قليلا
من العيوب اللي فيه الدبل اللي نظامه كهربائي,
احيانا تكون في منطقه غراز والرمل فيها كثيف جدا, لازم تشغل الدبل الثقيل علشان تطلع, بعد ماتطلع تحصل انك محاط بمرتفعات رمليه من كل جهة, يبغى لها الدبل الخفيف علشان تسرع وتاخذ عزم وتطلع, في الجيوب اللي تعشيق الدبل يدوي فيها وانت تتحرك على الثقيل تطقه على الخفيف ويعشق وانت ماشي ويمديك تاخذ عزم وتطلع, بس في اليوكون لأن الدبل كهربائي لازم توقف وتغير من الثقيل للخفيف, واذا وقفت مشكلة احتمل تغرز بعد ماتعشق الدبل الخفيف,
بس عموما
قالوها لنا وماصدقنا وراح نقولها للي بعدنا
السواقة بالنفود 70% او اكثر على السواق والباقي على السيارة
يعني ماتصدق اني الاسبوع اللي راح مطلع باترول بالجمس!!, وقبله طلعت لاندكروزر, لأن اللي يسوق ماعنده خبره كافية
(وانا بعد في بداية سواقتي اول تغريزه سحبني منها هايلوكس!!!
لاتنسى ان اليوكون راح يتغير خلال اشهر,
بالتوفيق
المشاركة الأصلية كتبت بواسطة Night Hawk
نترك المايكروفون للي بعدنا
خلنا نجرب المايكروفون نشوف شغال ولا لا قبل لا نلقي كلمة
طق طق ألو تسمعون! << يطق المايكروفون
طق طق لا لا ذا عالي بقوة
طق طق أفففففففف محد كذا سامع ههههه
<<< أقول مسوي تستخف دمك
هو بصراحة على حسب علمي يعتمد على الأثنين تقريبا
بس الأهم هو يعتمد على العزم بشكل كبير جدا
ومثل ما قال الأستاذ Night Hawk وما أطيل في ذلك
يعني خلنا بعطيكم أيضا مثال
هو قال أن عزم الأكورد V6 يوصل 287 نيوتن/متر بس خلونا نجي لمكينة أقل سلندر مثلا أربعة سلندر
وتكون هي مكينة إيسوزو الديماكس 3 لتر تيربو ديزل
عزمها هو 294 نيوتن/متر! مع أن القوة هي 130 حصان والأكورد 240 حصان الصافي.
ولازم نحط في معلومنا أن أيضا السيارة أيضا تعتمد على القوة
فمثلا في الأنطلاقة لصعود مرتفع هنا يكون العامل الأول هو القوة قبل الصعود في أخذ أكبر قدر ممكن من الأنطلاقة قبل الأرتفاع أذل كانت الأرض مستوية وهي وعرة بشكل بسيط بينما بداية الصعود يبدا بضعف معدل القوة وهنا يأتي دور العزم في أنه لا ينقص بسرعة فأذا كان عزم السيارة قوي وكافي لحمل السيارة سيستطيع الصعود للنهاية.
ويجب وضع في معلومنا في أختيار سيارة الدفع الرباعي
أن اقوة هي: معدل السرعة القصوى , معدل الأستجابة للانطلاقة , معدل قوة وسرعة الأنطلاقة.
بينما العزم هو: مقدار قوة السيارة في السحب والجر , مقدار القوة في أجتياز الطرق شديدة الوعورة وأختص بها الرمل والوحل.
لكن هناك أمور تعتمد على الأثنين معاً (القوة والعزم) وهي:
معدل قوة التحميل السيارة للحمولة وخصوصا لما تكون في الطرق الوعرة.
وتلاحظ لما تسوق سيارتين مثلا الأولى يابانية والأخرى أمريكية
ستجد أن الأولى (اليابانية) لها قوة شبه عادية في الشوارع بسبب أن قوة الحصانية فيها ضعيفة مقارنتا بالأمريكي بينما في الطرق الوعرة يكون قوياً جدا في المشي وتتجاوز كل العوائق بسهولة
بينما الأمريكي نجد أنه قوي جدا في الشوارع العادية بسبب أن قوة الحصانية مرتفعة جدا مقارنتا بالياباني بينما في الطرق الوعرة يكون قوي لكن عامل الوزن فيه يأثر في مقدار قوته في الطرق الوعرة لذلك تجد تجاوزة للعوائق يكون بعض الأحيان صعباً.
اخ مشتاق
هل اليوكون الي تفكر تشتريه فيه دبل ولا لا
ولو بغيت نعطيك أنا وأخوي Night Hawk دروس في تطعيس الجموس حنا حاضرين
بس حط في بالك
Night Hawk خبرة في 1500
بينما أنا في 2500 يعني في الـ 1500 ما أعرف فيه واجد بحكم عدم قيادتي لهذي المحركات ما أعرف غير 454
