كيف تشتغل الماكينة (رحلة داخل الماكينة )

**فني سيارات** · 03-11-2003, 12:03 PM

السلام عليكم ورحمة الله وبركاته

ياشباب حبيت اعطيكم فكرة عن الماكينة بشكل عام
ما فكرت انت اشلون تشتغل الماكينة انت تعبي بنزين وبس

لكن ايش الي قاعد يسير وليش هذي الحرارة القوية في الماكينه
وايش هذي القوة الي تخلي سيارة وزنها بلاطنان تمشي هذه المشاوير البعيدة
على الاقل خذ فكرة عن الماكينه كيف تعمل
او ايش اجزاءها ووظيفتها

تعالوا ندخل معاكم داخل الماكينه ونشوف ايش فيها

وطو راسكم و خلونا ندخل الى ماكينه كبيرة شوي

صحيح انها مقلوبه لكن واضحة جدا
الازرق هو اللون لعامود المرفق وهو عامود( الكرنك شفت )
وهو العامود الحامل للمكابس
و المكابس هذي الاسطوانية الشكل
وتمشي على خط مستقيم داخل الماكينه في مجرى يسمى سلندر وهو ما يعرفه الكثيرون حيث يسؤلون كم سلندر هذي السيارة
بعد ان عرفنا القطع الي في الماكينه بطريقة غير مفصله علشان ما تضيعون في الطوشه
تعالوا معاي نشوف المكبس من قريب ونشوف ايش فيه وشنهو شغلته في الماكينه

هو جسم بشكل اسطواني يتشابه في كل السيارات تقريبا الى النادرة جدا
ويتكون من عامود المكبس
البين وهو الوصله التي تربط راس المكبس و العامود
راس المكبس وغالبا ما يكون محفور من الداخل (غرفة احتراق )
وهناك اطارات محيطة به وتسمى ( شنابر ) شنبر عازل او بنزين وشنبر زيت كما في الصورة
وظيفتها احكام الضغط وعدم السماح له بتسرب الى الماكينه وشنبر الزيت يعمل كمبرد للاسطوانه

**فني سيارات** · 03-11-2003, 12:05 PM

خلونا ندخل داخل المكبس ونشوف تفاصيله

وكي خلاص عرفنا اجزاء الماكينة تبونا نظهر من الماكينه
بس تعالوا انتو عرفتوا اجزاء بعض من اجزاء الماكينه باقي (الفالف ) او ( (الصبابات) او ما يسمى الصمامات
وغيرها وغيرها
انا اقولكم كل مرة ناخذ شي ترى جذيه بتتداخل المواضيع علينا
الحين نبي نطلع من الماكينه بس كانه ما عرفنا اشلون اصلا تشتغل الماكينه
انا اقولكم كيف اذا ظهرنا
وشرح لازم برع الماكينة

لازم نروح من عند المفتاح ونبتدي من جديد

**فني سيارات** · 03-11-2003, 12:27 PM

عند ادارة مفتاح السيارة
خلونا انشوف ايش الي يسير
بتدويرك المفتاح انت قاعد تسوي شئيين
انت توصل الكهرباء الى الماكينة يعني الى البلكات ( البوجيات ) (شمعات الاحتراق )
وقاعد الدور الماكينه
----------
عندما تدور الماكينه
يكون المكبس الي تكلمنا عنه بسحب كمية كبيرة من الهواء و البنزين
وبعد ذلك يكبسها في الاسطوانه ويكون هواء وبنزين مضغوط وينتظر الشرارة
وكل هذا اوانت تدور المفتاح
وبعد ذلك تكون انت قد وصلت الكهرباء للشمعات الاحتراق لتبدء بحرق البنزين و الهواء والذي بدورة يدفع المكبس من جديد الى اسفل ثم يسحب المكبس التالي الهواء و البنزين و يعمل مثل الاخر وهكذا تعمل الماكينه
وعند رفع يدك عن المفتاح تكون دائرة الكهرباء مستمرة ودوران الماكينه كذلك
لكن يجب ان تعلم ان كل ذلك يتم في اقل من ثانية
ان شاء الله تكون رحلة مفيدة للجميع