معقوله يا لاند روفر تغيرين حجم محرك الفوج الى 6 سلندر !!

[midocash]

السلام عليكم

بداية تحيه طيبه الى اخواني واحبابي أعضاء منتدى السيارات وكل عام وانتم بألف خير وأعاننا الله على صيام وقيام هذا الشهر الفضيل ..

طبعا نزل الشكل الجديد كليا من رنج روفر في بداية هذا العام كموديل 2013 بمحركين اثنين مكونه من 8 سلندرات وسعة 5 لترات آحدهما بتنفس طبيعي والاخر ب سوبرتشارج طبعا نفس المحركات من موديل 2010 ماتغيرت لحد الان وهي كالتالي :

1- محرك 8 سلندر بتنفس طبيعي عباره عن 5 ليترات ينتج 375 حصان و عزم دوران 375 رطل/قدم ، ويأتي على نوعين وهما ( range rover - range rover HSE )
2- محرك 8 سلندر ب سوبرتشارج عباره عن 5 ليترات ينتج 510 حصان وعزم دوران 461 رطل/قدم ، ويأتي على نوعين وهما ( range rover supercharged - range rover autobiography )

عندنا في السعوديه لحد الان ماجابوا المكينه العاديه ولا بدأو في بيعها وكل الي جابوه نوع الاوتوبيوقرافي وبعدها بفتره طويله تقريبا 5 اشهر بدأوا يجيبون السوبرتشارج وكل مايبدأ يقل عدد المبيعات يجيبون نوع !! وموظف الناغي الان يقولي راح يجيبون النوع العادي في شهر سبتمبر الي هو طبعا اكثر طلب واكثر عمليه بحكم ان تنفس المكينه طبيعي واسعار قطع الغيار والصيانه الدوريه اقل بكثير ( مجربين الموديل السابق يعرفون فرق اسعار الصيانه وقطع الغيار بين الموديلين ) ،، بس الخبر الي يزعل ان المكينه الي تكلمت عنها الي قوتها 375 حصان وسعتها 5 ليتر وقفوها !! اي نعم وقفوا انتاجها !! واستبدولها الان بمحرك جديد كليا من موديل 2014 وهي عباره عن 6 سلندر سوبر تشارج بسعة 3 لتر فقط !! والمحرك يولد 340 حصان وعزم دوران قدره 332 رطل/قدم (والي هو مهم جدا للجيوب ) !!
وللمعلوميه هالمحرك الجديد راح يكون ايضا على الرنج روفر سبورت 2014 للنوع العادي اما السوبر تشارج فهو نفس محرك السوبرتشارج للفوج ،،

باللهي مو عيب عليهم سياره بحجم الرنج روفر فوج لها مكانتها بين السيارات الفارهه و ال SUV ان لم تكن تتربع على عرشها ينزلونها بمحرك 6 سلندر !! حتى صوت المكينه مختلف في الدعسه تحس انها مكتومه لاني مجرب مكينة الاودي كيو 7 سوبرتشارج 2013 مشابهه لها جدا وهي سيئه على حجم السياره !!
وذا كله عشان صرف البنزين وزيادة رقم ال MPG الي هي مهمه جدا عندهم في اوروبا وامريكا وممكن يستغنون عن عزم واحصنه اضافيه مقابل ميزة توفير البنزين ،، لكن برضوا ما اشوف انه عذر !! الحين الي بيشتري سياره عشان يوفر فيها بنزين يروح يشتري سياره هايبرد او سياره 4 سلندر موب رنج روفر فوج !!

( ال MPG معناه ان السياره كم ميل تقدر تمشي لكل جالون بنزين )

المفروض ان توفير البنزين مايكون عامل ومقياس عند شراء الرنج روفر ما اعتقد صاحب الرنج روفر يهمه سعر لتر البنزين ما ادري هل شركة عريقه مثل لاند روفر تغفل عن هالشئ ؟

اي نعم اعلم توجه اغلب الشركات في العالم هو تقليل عدد السلندرات وتصغير السعه اللتريه للمحركات واضافة شاحن توربيني او سوبرتشارج لزيادة عزم المحرك والحصول على رقم اعلى في ال MPG ولكن الرنج روفر الفوج المفروض مايكون من ضمنها ..

حبيت اكتب لكم هالموضوع واقولكم الخبر ولو انه مزعلني بس حبيت اشارككم فيه واخذ ارائكم ..

[S 80]

مثل ما قلت هذا هو التوجه العام للشركات
عدد السلندرات ما عاد يعني اي شيء

اهم شي القدرة الحصانية والعزم
طالما اداء السيارة بيكون نفسه وش الفرق 6 سلندر والا 8؟

المكينة كل ما كانت اصغر كل ما كانت عملية اكثر وعمرها اطول
مشاكلها أقل وصيانتها أسهل

انا بالعكس اشوفها خطوة جيدة وأفضل المحرك الأصغر
طالما الأداء هو نفسه

[وضح النقاء]

.
.
.
أتفق مع الكاتب في كل ما قاله

من يدفع 600.000 ريال في سيارة ، لن يفكر في استهلاك البنزين نهائيا سواءا في الخليج او في امريكا او في اوربا



معلومة:
في بعض دول العالم نسبة الجمرك تكون على حجم المحرك ، فاذا كانت سعته وسلندراته اكثر يكون مبلغ الجمرك اكثر واعلى

[midocash]

مثل ما قلت هذا هو التوجه العام للشركات
عدد السلندرات ما عاد يعني اي شيء

اهم شي القدرة الحصانية والعزم
طالما اداء السيارة بيكون نفسه وش الفرق 6 سلندر والا 8؟

المكينة كل ما كانت اصغر كل ما كانت عملية اكثر وعمرها اطول
مشاكلها أقل وصيانتها أسهل

انا بالعكس اشوفها خطوة جيدة وأفضل المحرك الأصغر
طالما الأداء هو نفسه

اهلا ب عاشق الفولفو

اولا اداء السياره ماهو نفسه !! فرق ليس بالقليل في عدد الاحصنه والتورك بين المحركين والارقام الي ذكرتها بالموضوع توضح ذلك ، ولو بالفعل زي ماذكرت انه نفس الاداء يمكن ماكان تذمرنا كثير خصوصا ان حتى سرعة الانطلاق من 0 الى 100 نقصت كثير مع المحرك الجديد ..

ثانيا اتفق معاك انه كل ماصغر حجم المكينه كانت اسهل في عملية الصيانه لكن ما اعتقد ان لها علاقه بأن يكون عمرها الافتراضي اطول زي ماتفضلت و الله اعلم ،، لكن احب افيدك بشئ انه مهما يكون حجم المحرك صغير وبسيط بمجرد ماتضيف له شاحن توربيني او سوبرتشارج راح يزيد تعقيده وتعقيد القطع التابعه للمحرك بشكل ماتتخيله خصوصا التيربو !!

ولا تنسى ان التيربو فيه سلبيه على حد علمي انه مالقوا لها حل لحد الان وهي التيربو لاق !! والي معاه سياره فيها تيربو او جربها يعرف قصدي ..

ويقولوا و الله اعلم ان الكاديلاك الجديده CTS 2014 حلوا المشكله وعملوا حركه في المحرك تخفف من لاق التيربو وهالرابط فيه شرح عن السياره بشكل عام ويشرح المحرك الجديد مع الرائع والمجنون الي مايعجبه شئ براين كوولي
تحدايدا من 2:00 الى 2:22

[midocash]

.
.
.
أتفق مع الكاتب في كل ما قاله

من يدفع 600.000 ريال في سيارة ، لن يفكر في استهلاك البنزين نهائيا سواءا في الخليج او في امريكا او في اوربا



معلومة:
في بعض دول العالم نسبة الجمرك تكون على حجم المحرك ، فاذا كانت سعته وسلندراته اكثر يكون مبلغ الجمرك اكثر واعلى

اتمنى من الوكيل المحلي وجميع وكلاء الخليج ان يضغطوا على الشركه الام باستمرار المحرك القديم بحجة رخص اسعار البنزين في المنطقه والرغبه في المحركات الكبيره ذات الصوت الجهور من المستخدم الخليجي ..

تحياتي لك

[اوتشيها مادارا]

اهلا ب عاشق الفولفو

اولا اداء السياره ماهو نفسه !! فرق ليس بالقليل في عدد الاحصنه والتورك بين المحركين والارقام الي ذكرتها بالموضوع توضح ذلك ، ولو بالفعل زي ماذكرت انه نفس الاداء يمكن ماكان تذمرنا كثير خصوصا ان حتى سرعة الانطلاق من 0 الى 100 نقصت كثير مع المحرك الجديد ..

ثانيا اتفق معاك انه كل ماصغر حجم المكينه كانت اسهل في عملية الصيانه لكن ما اعتقد ان لها علاقه بأن يكون عمرها الافتراضي اطول زي ماتفضلت و الله اعلم ،، لكن احب افيدك بشئ انه مهما يكون حجم المحرك صغير وبسيط بمجرد ماتضيف له شاحن توربيني او سوبرتشارج راح يزيد تعقيده وتعقيد القطع التابعه للمحرك بشكل ماتتخيله خصوصا التيربو !!

ولا تنسى ان التيربو فيه سلبيه على حد علمي انه مالقوا لها حل لحد الان وهي التيربو لاق !! والي معاه سياره فيها تيربو او جربها يعرف قصدي ..

ويقولوا و الله اعلم ان الكاديلاك الجديده CTS 2014 حلوا المشكله وعملوا حركه في المحرك تخفف من لاق التيربو وهالرابط فيه شرح عن السياره بشكل عام ويشرح المحرك الجديد مع الرائع والمجنون الي مايعجبه شئ براين كوولي
تحدايدا من 2:00 الى 2:22

ايش هو التيربو لاق بالضبط ؟

[+KoRn]

بلعكس حركة ممتازة من الرينح روفر 6سلندر سوبر تشارج روعه محرك اصغر واخف وزن

صرف بنزين اقل... كل هذا التغير بهدف ان السيارة تمشي لمسافه اكبر بكمية اقل للوقود

وبنفس سعة التانكي الوقود الحالي

[S 80]

اولا اداء السياره ماهو نفسه !! فرق ليس بالقليل في عدد الاحصنه والتورك بين المحركين والارقام الي ذكرتها بالموضوع توضح ذلك ، ولو بالفعل زي ماذكرت انه نفس الاداء يمكن ماكان تذمرنا كثير خصوصا ان حتى سرعة الانطلاق من 0 الى 100 نقصت كثير مع المحرك الجديد ..

اعتقد انه نفس محرك الجاكور الستة سلندر
عموما يظل اداءه جيد للي يبحث عن محرك اقتصادي ونشيط في نفس الوقت
340 حصان كافية جدا خصوصا ان الجيل الجديد صار اخف وزن كون الهيكل من الالمنيوم
صحيح اداءه مو بمستوى المحرك السابق لكنه جيد ومعقول

وفي النهاية الخيار الثاني مازال متاح 510 احصنة للي يرغب في اداء أفضل

ثانيا اتفق معاك انه كل ماصغر حجم المكينه كانت اسهل في عملية الصيانه لكن ما اعتقد ان لها علاقه بأن يكون عمرها الافتراضي اطول زي ماتفضلت و الله اعلم

قبل فترة اطلعت على مقارنة بين المحركات V12 و V8
وكانت النتيجة اللي طلعوا فيها ان محركات V8 عمرها أطول
ولا قد مرت عليهم سيارة V12 عاشت لفترة طويلة غالبا عمرها الافتراضي أقصر

نفس الشي اقيس عليه ان المحرك كل ما كان اصغر
كل ما كانت جودته أعلى ومشاكله أقل وبالتالي عمره أطول

ولا تنسى ان التيربو فيه سلبيه على حد علمي انه مالقوا لها حل لحد الان وهي التيربو لاق !! والي معاه سياره فيها تيربو او جربها يعرف قصدي ..

التيربو لاق يختلف من سيارة لسيارة بمعنى ان المسألة نسبية
احيانا ما تحس فيه وتكون الاستجابة سريعة

وفي نفس الوقت التيربو له ايجابيات يعطيك قوة ما تعطيك اياها
محركات التنفس الطبيعي
وكثير من السيارات الرياضية تستخدم التيربو من القولف GTI الى نيسان GT-R


حلوة حركة الكاديلاك