بورش

[ام البندري]

مرحبا اخواني كيفكم ممكن تساعدوني راح اطلب بورش كايين بس محتاره باللون الخارجي والداخلي ممكن احد عندو خبره وذوق يفيدني طبعا موديل 2012 وراح يوصل بعد خمس شهور عكلامهم المطلوب شنو اختار لون داخلي وخارجي وفيدوني في شي اغيره بالطلبيه مشكورين

[wolfy]

اللون وردي ومن داخل فوسفوري

[Abu Turki33]

انا طلبت واحد قبل ٦ شهور و تو واصل ميناء الدمام والاستلام الاسبوع هذا

اللون اللي انا طلبته هو اسود من الخارج ولونين بيج و اسبريسو من الداخل

الالوان عموما اذواق

لكن الاسود و الابيض هم الالوان الجميلة وخصوصا الابيض للبنات

اذا تبغي مساعدة في المواصفات خبريني لان عندي خبرة فيها

و مبروك مقدما

[SUPERCHARGED]

عودي من الخارج
ومن الداخل المراتب بيج فاتح قريب للابيض والارضيه سودا
مع جنط التيربو

[wolfy]

من برع ابيض


من داخل بيج


جنوط 21 تيربو تطلع حلوة على اللون لابيض


بانوراما في السقف

[Abu Turki33]

بالرغم انك ما حددتي نوع الكايين اللي بتطلبيه لكن هذي بعض المواصفات و لكي الاختيار

المواصفات :

١- الجنوط ٢١ انش (كاريرا ٢) .. طبعا روعة .. لكن يعيبها قساوتها في المطبات. الاريح طبعا هو ١٩ انش او ٢٠ انش ... فالأمر راجع لك تختارين بين الراحة او الشكل

٢- بانوراما

٣- تغيير السماعات الى بيرميستر ١٠٠٠ واط مع توصيلة اي فون ... يقلب السيارة الى ديسكو متحرك

٤- طبع علامة بورش على وسائد الرأس في المقاعد

طبعا اذا كنتي بتطلبي تيربو ... فالمواصفات الاخرى تأتي مع التيربو بدون ما تطلبيها

[المتخصص]

اللي كان مميز الكايين عن جميع جيوب العالم إن إيطارات (فريم) الزجاج الخارجي كانت باللون الفضي وعريضة معطيته هيبة وفخامة وتميز..

الكايين الشكل الجديد مع الأسف الفريم حقه من نفس لون البودي.. نصيحتي لك تطلبي فريم نيكل أقلها عشان يبين شكل السيارة شوي وضروري تطلبي جناح خلفي..

وبالتوفيق

[wolfy]

اذا مب تيربو

لاتنسين ان

تكلبين معاه تيربو اكزوز علشان الصوت ولازعاج


وفي باكج يديد اسمه

25 year

ارجوا من الاخ aboturki

يشرحلنا ماهو