مواقف طريفة صارت لكم بالسيارة

[نواف الشمَري]

السلام عليكم ورحمة الله وبركاته

لكل شخص منا سلوك وشخصية خاصة فيه, وودي أتكلم عن المواقف ألي تصير من الأشخاص ألي يركبون جنبكم بالسيارة أنا عن نفسي أكره شي عندي إذا قام يلعب بالمكيف أو بالمسجلة والراديو لا وأبيخ شي بعضهم يلعب بالمسند أو الدرج يفتحة ويسكره يفتحة ويسكره
وودي كل واحد فيكم يكلمني عن مواقف طريفة صارت له أو أزعجته من أشخاص كانوا معاهم بالسيارة لأن بصراحة ودي أضحك ههههههه

[fahad199]

اذا ركب معي احد يدخن و بدا رماد زيقارته يوسخ السياره,,و الريحه تعلق بالمراتب
يا خي منت قادر تصبر لين تنزل و تدخن على راحتك
شكلي ابي احط لوحه ممنوع التدخين داخل السيارة

[قناص الرياض]

اكره شي إذا قام يلومك إذا تعديت لفه و لانسيت و بتلت
ودك ترجفه مع الدريشة و تنزله

إذا يكلم جوال ودي آخذ الجوال منه و انطله مع الدريشة <<< بثرت ذا الدريشة
لا من جد الجوال ينرفزني مزعج و يفقدك تركيزك ع الطريق

إذا كب شي ع السيارة بعد اتنرفز

[توب جير]

انا اكره شي عندي لما يعبث بالسياره يعني يفتح درووج السياره او اماكن الحافظات بس يبغى يستكشف او مثلا انا شغلت المكيف عشان الجو حار هو يروح يطفيه كذا انا ماحب

[memo1427]

اخص شئ لاركب معي اخوي الكبير
يتفلسف هدي شوي انتبه هاه حط بالك
وهو اكبر متهور في الدنيا
يرج راسي لاركب
وش فيها سيارتك تطق طق
ماتحس ان عزمها ضعيف وفلسفة للاخر

[mso]

المسجل + المكيف

هي المحضورات ال 2 الي عندي اما الباقي خذ راحتك

[bo3loa]

ما اعرف اسوق اذ دريشتي مو مفتوحه واكره شي اذا ركب معاي الوالد يدودهني ما يخليني اعرف اسوق كل دقيقه خفف امش الحاره اليمين الحارة اليسار و صكر الدريشه لا تتكلم عشان لا تتدوده طق اشارة قبل لا تلف ووووالخ

[نواف الشمَري]

هههههههههههههه الواحد كل يوم يصير معاه موقف يموت من الضحك في واحد من الشباب عنده سيارة 6 سلندر كل ما يركب معاي يضغطني من أول الطريق إلى آخرة يقولي والله السته أسلندر أحلى ليش ماخذيتلك سيارة سته كل يوم يدوخ راسي بهسالفة لا وموزين إذا شفته بالشارع كل شوي يقولي تقاوم والله مشكلة