وحش نيسان نافارا وتقرير كااامل وصور منوعة بالمواصفات السعودية

**فارس العمور** · 12-03-2008, 04:03 PM

السلام عليكم ورحمة الله وبركاته

استكمالاً لموضوع الاخ العزيز Ra3y_Datsun على هذا الرابط :

http://www.assayyarat.com/forums/sho...C7%DD%C7%D1%C7

وقد طلب مني صور لسيارتي الجديدة نافارا 2008 وذلك لوجود بعض الاختلافات بين مواصفات الوكيل المسعودي والجمراني ( عفوا الحمراني)

طبعا لن اعيد ماذكر بالموضوع السابق ولكن سأوافيكم بما لدي من صور وملاحظات

بس الله نبداء... قولو مشاء الله سواء اعجبتك ام لا فذكر الله كيب يا اخوان

تم التصوير بجوال N82 من نوكيا

وهذه البداية بمقدمة جبارة بالشكل والمظهررر

اما من داخل السيارة فمشاء الله فخامه على مستوى مثيلاتها طبعا انا اضفت بعض الحاجات المهم الصور تتكلم

الطبلون نفس الشيء تقريبا ولاحظ ان ضغط المكينة يوصل 8 !! وهذا يميزها عن الهايلكس والددسن الي حدها 7

يتبع ...

**فارس العمور** · 12-03-2008, 04:04 PM

وهذا المسجل انا ركبته والاصلي بيجيكم بالصور تحت وعلى فكرة مسجل ممتااااز وسبق وكتبت عنه موضوع

وهذا المسجل الاصلي

درجين واحد بقل والثاني بدون وتحته فتحه صغيرة للفيوزات كما بالصورة ..

المراية الامامية جداااا ممتازة فيها بوصلة دقيقه وعاكس نور الكتروني يعني ماتجهر عيونك السيارات !! ومبين عليها الفخامة !!

تحكم كهربائي للقزاز والاقفال !!

المفتاح والريموت

خلفية السيارة وهنا وااااضح الاختلاف بينها وبين الخليجية !!

يتبع .........

**فارس العمور** · 12-03-2008, 04:08 PM

هذي الخلفية ::

وهنا نلاحض وجود جناع مع لمبة البريك بعكس الخليجية !!

المراتب الخلفية واسعه وبقماش اعتبره الافضل بين قريناتها

حامل للمشروبات للمقاعد الخلفية ..

طبعا وهذا اختلاف كبيرررر وهو عدم وجود خطوط على جوانب السيارة ( شطرطون)

**فارس العمور** · 12-03-2008, 04:09 PM

وهذا اختلاف اخر وهو لمبه على المرايات فيها بعكس الخليجيه

ولاحظت قوة في حديد السيارة بشكل عام مقارنة بقريناتها طبعا بشكل نسبي و من المرة الاولى لقيادتها تحس بان السيارة متماااسكة جدا وافضل ما يميزةها هو الصدامات ليست من البلاستك الغبييييي ومع وجود الكشافات المصنوعة من الزجاج وليس البلاستك !!

صورة لاسفل السيارة بداية من الامام !!

يتبع..

**فارس العمور** · 12-03-2008, 04:10 PM

وهنا محرك السيارة واتوقع ما فيه اختلاف ولكن لايوجد مانع انزلاق في البريكات بعكس الخليجية !!

وهنا شيء عجيب اول مرة اشوفه وهو في قير السيارة من الاسفل لاحظت وجود حاجه مثل المساعدات تسمح للقير بالحركة مع المكينه ولا يكون مثبت بالبدي !! وهذي جديده بالنسبة لي !!
كما بالصورة

صورة لاسفل السيارة من ناحية الكفرات الامامية

اما الدفرنس فمغطاء بغطاء من الالمنيوم ليساعد على تبريد الزيت اكثررررر

هذي الانوار الداخلية نسيت احطها فوق لكم مع مكان حفظ الالنظارات

**فارس العمور** · 12-03-2008, 04:11 PM

بالنهاية صور للسيارة من الخارج كختاميه للصور

طبعا مايميز الخليجية عن الحمراني على حد علمي مثبت السرعة للاسف لا يوجد عندنا ومانع الانزلاق !! هذا المهم والباقي لا يهمني
السيارة بشكل عام قوية قوية جدااا ومتماسكة لكنها تحتاج كفرات اعرض ليكمل جمالها وتزيد رساوتها
حاولت امشي عليها الى اخر شي فما جابت الا 200 كم يمكن لانها ماتمرنت كثيررر او لارتفاعها
لاحظت ان قيرها غريب شوي يعني ماهو مثل الهايلكس او الددسن سلس وخفيف وانما مثل الشاص قاسي وله اصوات وحركات طبعا مايخفاكم وجود نمرة 6 فيها !!

وسلامتكم وبأذن الله اوافيكم بكل ماالاحظة بالسيارة من ميزة او عيب علماً بأن سعرها بالوكالة 72 الف وبالمعارض 70 الف حالياً
ولكم كل الاحترام والتقدير
اخوكم فااارس