المكسيما تطفي وش الحل !!

[Wissam]

هي السيارة حلوة
وسياقتها بعد حلوة
وسريعة
إن شالله تنحل هالمصيبة وتريحك
اعتقد عرفت المسمار الي تتكلم عنه
على العموم جرب واذا ضبط خبرني
صراحة مليت وتعبت من كثر التجارب الي سويتها

[هجير]

هي السيارة حلوة
وسياقتها بعد حلوة
وسريعة
إن شالله تنحل هالمصيبة وتريحك
اعتقد عرفت المسمار الي تتكلم عنه
على العموم جرب واذا ضبط خبرني
صراحة مليت وتعبت من كثر التجارب الي سويتها

اي ياخوي اليوم الظهر طلعت فيها ورحت فيها مشاوير كثيره وطبعا عارف زحمة الظهر والحمد لله احسها ضبطت ماطفت ولا صار اي حركه غريبه بالعكس تمااااااااااام 100%

بس لاحظت عليها انها صارت تستهلك بترول اكثر !!! <<< بس اهم شي ان شاء الله انتهت المشكله

والله بالنسبه لحلاوتها فهي حلوه ولكن مش مثل الكامري <<< يتذكر ايام الخوالي مع الكامري

وبالنسبه لسريعه ماعتقد سريعه

لان اخوي عنده كامري موديل 94 ماشي 400 الف وتعبان بمعنى الكلمه ومنتهي وقير اتوماتيك وتجيب بالراحه 210

والمكيسما نظيييييييييييفه مرررره وماشيه 160 الف بس وطبعا قيراتوماتيك وتجيب بس 200

وغير راسيه في الممشى الهوى يلعب فيها لعب

والله من جد الكامري يتفوق عليها في كل شي

المكسيما تتفوق على الكامري في الحراره اللي مستحيل توصل للنصف

عزل الهواء ممتاز جدآآآآآآآآآآ

هذا رأيي من خلال تجربتي للسيارتين

[Wissam]

يارب إن شالله توكن نحلت
تأكد بعد كم يوم
اذا راحت المصيبة اشرحلي الحل بالتفصيل الله يخليك
انا جربت الكامري 99 امريكي 4 سلندر فل اوبشن >>> راحت بحادث
وجربت الماكسيما 99 >>> سيارة الوالد
والحين عندي كامري جراندي فل خليجي 2003
انا ما قصدت بالسرعة كم تجيب
اقصد الانطلاقة والتسارع
الماكسيما طلعناها بزمنها وكالة ... كانت صاروخ
اسرع من الكامري ال6 سلندر الي عندي الحين >>> نظيفة الكامري
تستجيب للدعسة اسرع
بس بالسيارتين ما عبرت ال180 ...
بالعزل الماكسيما تتفوق صح ... بس احس تسوي دوشة بالراس بالخطوط الطويلة ... مع انها هادية ...ما اعرف ليش
الكامري اقل خرابات
الماكس اوفر بالبترول >>> اعبيها ب75 درهم ... تمشيني 460 كيلو
الكامري ال6 سلندر >>> اعبيها 80 ... تمشيني 380
طبعاً اتكلم عن سواقة هادية وسرعة ثابتة بالخطوط
اذا سواقة كلها دعسات الماكس يصرف
الرساوة ... الماكس احسها راسية ...بس تتزحلق زيادة عن اللزوم بالبريك خصوصاً لو كانت بدون ABS
بس الماكس ارسى من الكامري 99 الاربعة سلندر .. الكامري 2003 ال6 سلندر ارسى من الماكس

متعة القيادة .... الماكس قيادتها احلى من الكامري
التصميم الداخلي والعدادات للماكس فخم وافخم من الكامري
الماكس إله هيبة بالشارع وشبابية اكثر

الكامري 99 تأمينها شامل ب900 درهم
الماكس 99 تأمينها ضد الغير ب900 درهم ( ما يأمنوها شامل)

نظام الصوت بالماكس افضل من الكامري الخليجي بمراحل... لكن الكامري الامريكي يتفوق على الماكس
مقاعد الماكس اريح من الكامري الخليجي ، بس الكامري الامريكي مقاعده اريح من الماكس

بالنهاية الماكس حلو ... والكامري حلو
بس انا بالمستعمل افضل تيوتا لأنها اقل خرابات وخراباتها سهلة التصليح

قلبناها تبادل آراء وتجارب

[هجير]

بالنهاية الماكس حلو ... والكامري حلو
بس انا بالمستعمل افضل تيوتا لأنها اقل خرابات وخراباتها سهلة التصليح

قلبناها تبادل آراء وتجارب

كلامك جدآآ رائع وهذا الكلام سليم 100%

صحيح كلامك تويوتا بالمستعمل افضل 100%

النيسان يجيب فيك العيد <<< مثلي ومثلك هع

بالعكس ياخوك تبادل خبرات ماهي تبادل اراء <<< كلانا يملك نفس العله >>> يقصد المكس

وابشر راح اجربها كم يوم واعطيك النتيجه

انا لسه جاي فيها من مشوار والحمد لله ماطفت

بس راح اجربها هالاسبوع واذاضبطت معي راح اعطيك التفاصيل ولو قدرت بالصور كمان ولايهمك

وننتظر رأي اخونا فني سيارات في هذا الموضوع

[فني سيارات]

حياك الله اخوي اولا اشكرك جزيل الشكر على ثقتك الي اعتز فيها وان شاء الله اكون عند حسن ظن الجميع

مع مراجعتي لموضوعك و بعض الردود ان مشكلتك قريبة من الحل

من حيث انها ماتطفي ولكن خلل في الهواء


وذكرت ان

وقلت له عن مشكلة السياره وقال افتح غطاء المحرك

وفتحته وع طول حط يده على ثلاجة المكينه {{ المحرك }}

وفي بلط {{ مسمار}} <<ماعرف وش اسمه عندكم

وفتح عليه شوي وبعد مافتحه صرت اسمع صوت هواء وقلت له وش السالفه قال فتحت لك ع الهواء شوي

كلام جميل بس اكيد ماراجعته

قال امشي عليها الليله وبكره الصباح واذا ماضبطت جيبها راح اشيك عليها كامل وراح اغسل لك منظم الهواء بالبترول لان يمكن عليه اوساخ او غبار

وان شاء الله تضبط وتريحني لاني كرهتها وكرهت اليوم اللي شريتها فيه <<< لسه ماكملت اسبوع معي

كلامه مقنع جدا وهذه من الناس الي مايبالغون في الاسباب و الخراب مثلا ماقال لك عندك كمبيوتر وعندك تلف في كذا وكذا انسان يبغي يشتغل ويوصل الى حل
والله اعلم وهو يريد ان يصل الى ميزانيه مقنعه للهواء وهو يعادل البنزين بالهواء واي ملاحضة عندك قولها له مثل انت ذكرت لاحضت زيادة في صرف البترول لابد ان تذكرله علشان يعادل البترول مع الهواء كذلك الحرارة لو ارتفعت او دخان اسود
وقد يكون المنظم نفسه يحتاج تبديل

[هجير]

مشكووووووور اخوي فني سيارات

يعطيك ربي الف عافيه

صحيح كلامك اخوي فني الشخص هذا مايبي يعقد الشغله لان وديتها لشخص ثاني وقالي الكمبيوتر خربان !!

قلت له السياره مافيها شي غير هالمشكله !! قال اي الكمبيوتر خربان وبصراحه خفت منه وخليته يولي ورحت لشخص ثاني

انا راح اجربها اليوم وبكره وراح اشوف كيف وضعها

[هجير]

واي ملاحضة عندك قولها

اخوي فني سيارات السياره الى حد الان تمام ولامره طفت الى اليوم

ولكن صرت الاحظ احيان اذا هديت السرعه وبوقف عند اشاره او شي السياره تصير ترجف كامله كأن يبي لها تغيير بواجي مع العلم ان ماصار لي 4 ايام من غيرت البواجي

وكذالك الاحظ عليها بدت تطلع كربون من العادم !!

ياليت تساعدني رحم الله والديك دنيا واخره

[هجير]

للاسف اخوي وسام اليوم السياره طفت :<

والله اني كرهت هالسياره وكرهت اليوم اللي اشتريتها فيه

عموما اخوي وسام انا فتحت غطاء المحرك ولقيت هوز صغير مفصول وركبته مكانه واعتقد انه تبع حساس الريس للمكيف لان اول اذا شغلت المكيف ينزل الريس الان بعد ماركبت الهوز صار الريس ثابت

اي تطور جديد عندي في الموضوع راح اعطيك خبر ولايهمك لان ياانا ياالعله هذي هع

تحياتي لك