رد: تجربتي السيئة لسيارة جراند شروكي Jeep Grand Cherokee 2015
اقتباس:
المشاركة الأصلية كتبت بواسطة Laramie
اغلبها اشياء استهلاكية وحلها بسيط وتصير بأي سيارة
المشكلة البعض يفكر السيارة لعبة ولا بلاي ستيشن اذا غسلها كل يوم تقعد جديدة مدى الحياة
خذ تايوتا وخل يفرط القير وتعرف اش يعني جودة
من ناحية الضمان 60 الف او 3 سنوات من الوكيل المحلي اتفق معك انه قليل
:28:
في النهاية
there is only One Jeep
والله اضحكتني اشياء استهلاكية اجل
مايحتاج نكلمل الصورة وضحت .
رد: تجربتي السيئة لسيارة جراند شروكي Jeep Grand Cherokee 2015
انا لي فترة جالس ابحث عن سيارة من شركة جيب ولا لقيت رأي يخليك تجزم وتشتريها
والواضح انها مب اعتمادية
عكس صراحه السيارات اليابانية غير زيت وسيفون وشيك على الاديتر وانس الموضوع
رد: تجربتي السيئة لسيارة جراند شروكي Jeep Grand Cherokee 2015
اشكرك اخي ليميتد 15
و انا اشوف انه ممكن السيارةاللي كانت معك تعبانة ؟
رد: تجربتي السيئة لسيارة جراند شروكي Jeep Grand Cherokee 2015
اقتباس:
المشاركة الأصلية كتبت بواسطة mmtoot
انا مايقهرني الى الناس الى على اساس من ملاك اسهم الشركة لازم يثبت لك انه سيارته هي اكوس سيارة وانها مافيه زيها ومبيعاتها خرافية وانه احنا مانفهم وحقين هيلكسات وكوامري
خيو ان من ملاك الجراند شيروكي 2015 لميتيد ومطلعها على يدي شهر اثنين 2016 طلع ورقة وقلم باللهوسجل عندك المشاكل للحين
1.البلوف والتكيات (تغيرت بالوكالة ومازال الصوت اول ماشغل السيارة طقطقه)
2. تنسيم في القزاز الامامي
3. حذفة يمين ولى يسار ومافيه امل السيارة تمشي سيده مع انوع وزن الأذرعة بكل مكان
4. تغيير جنبينات قدام.
5. الكفارت الأمامية تمسحت وهي مامشت 40 الف
6. الكور هيتر الي هو رديتر السخان الي جوه الطبلون ينسم موية (لغيت الهيتر في سيارة 2015ّ!!) امحق جوده
7. الكرسي يطلع انواع الأصوات .
8 والطامة الأخيرة السيارة الحين معاد تشتغل من اول مره لازم تدق سلف لما يكح وبعدين تطفي وتشغل كم مره ويادوب تشتغل السيارة(اتوقع طرمبة البنزيم)
فأيش تتكلم عنه مبيعاته ويقالك تطقطق على راعي الموضوع ياراعي المبيعات.
السيارة سيئة لأبعد حد وجودة تصنيعها زي وجيهم والي ياخذها والله ليبتلش فيها
مشتري سيارة بــ160 الف عشان اقعد اصلحها ولى عشان تخدمني وتريحني سلامات ولا القهر كان ضمانها 60 الف بس يعني حلها الحين !!
الله يعينك يارعي الموضوع عندك وعندنا خير .
حياك اخوي الله يعينك
بالنسبة لكراسي المكينة أو التكايات اللي تسبب طقطقه نفس المشكلة عندي طلعت وتسبب طقطقه صلحوها لي قبل نهاية الضمان بكم يوم وصدفه رايح للوكالة كان عندي مشكلة في الباب تصفير وانتبه لها المهندس مع أن نفس الصوت كان عندي يطلع ودخلتها قبل كذا كم مرة سواء صيانة سريعة أو الوكالة ومحد انتبه لها ولا كان بادفع فيها آلاف الريالات ومع كثرت مشاكل السيارة ما أقدر ألحق ولا دريت انها مشكلة كبيرة
وبالنسبة للحذفة والرجة. في السيارة عانيت منها كذلك كثير ولا زالت الرجة عندي حتى الان لدرجة كرسي جنب السائق فيه نفضه وأنا واقف
رد: تجربتي السيئة لسيارة جراند شروكي Jeep Grand Cherokee 2015
حصلت لي مشكلة قبل فترة
وهي ان السيارة طفت علي فجأة في سفر وذهبت بها للوكالة وكان قبلها بيوم أصبحت تشتغل بصعوبة
تبين أنها طرمبة البنزين وبالبحث في اليوتيوب تبين أنها مشكلة عامة .. تم اصلاحها في الوكالة .
https://youtu.be/fYZk9czc5ZY
وكذلك أخبروني بأن فيه مشكلة في ثلاجة المكيف وقيمة الاصلاح مع القطع 6 آلاف ريال .
وأنا أنوي أبيع السيارة وأنصح الجميع بعدم شراء مثلها .
لا أخفيكم منذ قرابة أربع سنوات ما يمر شهرين أو ثلاثة إلا مدخلها الوكالة . وتجلس أقل شي اسبوع عندهم .
رد: تجربتي السيئة لسيارة جراند شروكي Jeep Grand Cherokee 2015
اقتباس:
المشاركة الأصلية كتبت بواسطة salehhd
السلام عليكم
اعطال وملاحظات غريبة ليس من المفترض ان تكون موجودة في سيارة من صانع عريق مثل جيب وبهذا السعر
كان الله في عونك وللعلم في حال تكرر نفس العطل وعجز الوكيل عن اصلاحة ل 4 مرات متتالية يحق لك المطالبة بسيارة بديله
في الحقيقة تعجبت من بعض التبريرات الغريبة التي تعزي المشاكل لميل الشوارع والجوال والسيارة ثقثلة وغيرة
.أي صانع عريق يارجل !
السيارة جودتها ضعيفة جدا صناعتها معقدة خراب بسيط يسبب معه عدة خرابات يكلف كثير بسبب تعقيد صناعتها مهو زي الياباني أو الالماني أو الكوري أو حتى زي الامريكي
صدقني سيئة جدا جودة وكفاءة
رد: تجربتي السيئة لسيارة جراند شروكي Jeep Grand Cherokee 2015
ارجو من الاخوه المشرفين اغلاق الموضوع لانه قديم من 9/2018 !!!
رد: تجربتي السيئة لسيارة جراند شروكي Jeep Grand Cherokee 2015
يزداد تعلقي بالسيارات الاسيويه كلما سمعت قصص سيارات الخرده الامريكيه