رد: البنزين المناسب لـــ سيارتك
يا بو سعود واضح انك بتنكبني بالكوكتيل بس تتحمل الاضرار اذا صار فيها شيء :bigggrin:
لي كم لفه على منتدى اس اس والاراء مضطربه وبعضهم جاته مشاكل ..
لكن ما علينا با اجرب وارد لك بس لحضه احيانا عند تشغيل السياره تبدا بعد ثواني تهز مع المكينه وادوس بنزين وتروح الهزه << اكيد مرت عليكـ صح ؟
رد: البنزين المناسب لـــ سيارتك
هههههههههههههههه
لا تخاف كلها بنزين وسيارتك تقبل الأثنين يعني ما عندك اي مشاكل ابد
اما موضوع الهزة اول تشغيل السيارة فنظف الثروتل وحساس الهواء تختفي ان شاء الله
وكم لك ما غيرت فلتر(| صفاية) البنزين.
رد: البنزين المناسب لـــ سيارتك
ما عمري غيرتها ان شاء الله بعد اسبوع انزل جده واخذ كل ما تحتاج السيارة << انصح الناس بتغيرها وانا اخر واحد يغيرها :bigggrin:
كل اشغالي اقضيها بالكابرس 91 عشان كذا ما اهتم للثاني ...
وان شاء الله انظف الثروتل في اقرب فرصه ..
رد: البنزين المناسب لـــ سيارتك
انتبه ترى تغيير فلتر البنزين يكون يدوياً من دون اي اداة يكون بالضغط باليد على مشقبيات ليات الفلتر ويسحب فقط
لا يجي احد ويعدم على الليات وتضطر لشراء ليات كامله وقيمتها غاليه.
موفق اخوي
رد: البنزين المناسب لـــ سيارتك
الليات عدمت عندك ؟ وش رايك انا باركبها بالبيت وفهمت من كلامك مايحتاج مفاتح مجرد فك ليات الكبس وسحبها يعني الشغله بسيطه ( كبسات مضغوطه ) باللحم طبعا <:bigggrin:
سوال خارجي الفلشر الي راكب بالباب كيف افكه من عند الكفر ولا كبس ولا وش قصته << ماعندي فتحه مثل 2006
صاحب الموضوع المعذرة ع الشطحات صار دردشه :bigggrin:
رد: البنزين المناسب لـــ سيارتك
لا الحمد لله ما صار شيء
السالفة شريت فلتر بنزين وعطيته العامل وقلت غيره لي وانا معه
الرجال ما يعرف وعجز يفكه وجاب زرادية وحاول والله ستر طبعاً هذا عامل فلبيني
واشواء صارحني وقال انا ما اعرف افكه ورحت لورشة ثانية ونفس السالفة ما عرف يفكه
وقال لي في مركز كبير فيه فلبيني ممتاز فعلاً رحت له ورفع السيارة بالرافعه
وقبلها فك غطاء البنزين علشان يطلع الهواء من التانكي انا قلت هذا واضح انه فاهم شغلته
وبعد رفع السيارة مسك لي البنزين اللي في الفلتر وكبس عليه وفكه وياساتر انكب البنزين على وجهه من قوة ضغط الهواء اللي في الليات وتقول لي انا بغيرها بنفسي اقول لا تفكر
تراك بتتروش بنزين
هذا وهو مسرع وبعد سوى كذا اجل لو ما وخر وش يصير فيه
وبعدها فك اللي الثاني بنفس الطريقة
كنت متفق معه على 30 ريال اجرته ولكن بعد ما شفت خطروة الامر عليه خليتها 50 ريال يستاهل .
موضوع لمبة الفلشر اللي في الرفرف هذي ايضاً كبس وتفكها من آحدى جوانبها
واذا ما عرفت روح اي محل زينه يفكها لك.
والسموحه من صاحب الموضوع على مداخلتنا خارج الموضوع
رد: البنزين المناسب لـــ سيارتك
ههههههههههههههههههههههههههه اخص عليك نكبت الفليبني
هههههههههههههههههههههههههههههههههههههه
ذكرتي يوم كنت افك الردير كان وقتها اجرب السياره بالقراش توني مركب مكيف من التشليح للكرولا وشغلتها فترة الظهريه وما دريت الى الحرارة اتشش وعلى طول من هبالتي رحت افك غطا الرديتر والله لا يوريك نافوره الملك فهد طلعت بوجهي لكن الحمد لله نجاني الله منها لاني بعيد شوي لكن ملابسي ماسلمت ..
واخصرك من صاحب الموضوع تراه منقول ههههههههههههههههههههههه
بس ودي تفيدني عمرك ركبت كشافات على كابريس ls هل تجي الاسلاك جاهزه ولا لازم تاخذ اسلاك وحوسه اتمنى تفيدني اذا لك تجربه ..
رد: البنزين المناسب لـــ سيارتك
النترا 2011 ( الشكل القديم )
حسب الكتالوج ، البنزين الموصى به هو 91
:)