-
قياس ضغط طرمبة البنزين للجمسات + تغير صفاية البنزين بالصورمع شويه معلومات
بسم الله الرحمن الرحيم
بعد التحية والسلام على جميع الأخوان
سبب أنزالي لهذا الموضوع هو مبدأ الأعتماد على النفس
ومحاربة جشع وأستغلال بعض أصحاب الورش الزائد هذه الأيام
أحد عمال الورش طلبت منه تغير قماشات أمامية قالي 70 ريال
قلت سلامات لييييييش الناس تغير
بــ 30 أو 40 ريال إذا طارت
قال أنتا نفر سعودي حكومة زيادة راتب أنتا 10 % !!!
قلت له حاسدينا يا .......
المهم نرجع لموضوعنا
الهدف من قياس ضغط طرمبة البنزين هو :
1 / معرفة قوة دفع الطرمبة + معرفة إذا كانت المشكلة
منها في حال تعطل السيارة فجأة يعني فحص مبدئي مبكر
2 / معرفة عمر صفاية البنزين وموعد تغيرها
الأدوات المطلوبة لقياس ضغط الطرمبة من محلات بيع عدة السيارات
ساعة تعبئة فريون بــ 10 ريال + لي تعبئة فريون بــ 5 ريال
نشيل الغطاء الأسود فوق الثلاجة له مسمار واحد فقط حتى نصل للبلف
نوصل الي في البلف والآخر في ساعة الضغط للقياس
بعدها نفتح السوتش فقط بدون تشغيل السيارة أنتبه !!
لأحظ ضغط طرمبة البنزين 51 psi قبل تغير صفاية البنزين
ملاحظة هناك أستنتاجين فقط بعد تركيب الصفاية :
1 / إذا زاد ضغط الطرمبة بعد تغير الصفاية معناة مشكلة
تكتيم السيارة وتقطيعها من الصفاية نفسها مسدودة
2 / أما إذا بقي ضغط الطرمبة كما هو ولم يتغير ,, أو تغيرشئ بسيط
أو كان الضغط أقل من 40 psi قبل وبعد تغير الصفاية
فمعناة الطرمبة ضعيفة وعلى وشك الخراب
يجب تغيرها
وهذه صورة جماعية لصفاية البنزين والزرقينات المهمة
لفتح رأس الصفاية المتجة للمحرك
ملاحظة بعض الجمسات تأتي صفايتها بمسامير سنة كلا الجهتين
وبعضها يجي مسمار سنة والآخر كبس نحتاج زرقينة لفكه كهذه
مكان الصفاية تحت مرتبة الراكب خلف السواق
الخلاصة بعد تغير الصفاية قمنا بقياس ضغط الطرمبة
فوجدناه وصل إلى 63 psi وسبب تكتيم السيارة وأرتفاع
صوت الطرمبة كان بسبب صفاية البنزين لم تغير لها فترة
وكانت مسدودة نفخنا فيه بالفم فلم يخرج منها هواء أبداً
فعرفنا أن المسكينة الطرمبة كنا ظالمينها وشاكين فيها
وهي بنت رجال أصلها طيب
وأعتذر على رداءة بعض الصور لأنها من جوال
وعلى نقصان بعضها بسبب السوالف مع الشباب وبراد
الشاهي والدردشة أثناء العمل
,,,,,,,,,,,,,,,,,,,,,,,,,,,,,,,,,
وعدتكم بمعلومات قيمة فوق البيعه وهي مشاكل شائعة في الجموس
وطريقة حل كل مشكلة
المشكلة الأولى / تذبذب الأضواء وعدم أستقرار أنبير rpm
ونزوله تحت 500 دورة في الدقية وأرتفاعه أحياناً
حـــــلـــــهـــــا :
تنظيف الثروتل منظم الهواء ببخاخ أيسي ديلكو إذا لم
تذهب المشكلة وغالباً المشكلة تنحل بعد التنظيف وفيه حالات 20 %
لا تذهب مشكلتهم بعد تنظيف الثروتل ويجب عليهم تنظيف
حساس الهواء الراكب بعد فلتر الهواء ببخاخ خاص
بتنظيف الألكترونيات وبإذن الله تنتهي
لأن قيمة الحساس غاااااالية جداً وتنظيفه مفيد
ويؤدي لحل المشكلة بأمر الله
صورة البخاخ الخاص بتنظيف القطع الكهربائية
وهذا هو مكان حساس الهواء بجانب قربة فلتر الهواء لكن
قبل فكه وتنظيفه يجب فصل أصبع البطارية
المشكلة الثانية/ البعض يشتكي من أنطفاء السيارة إذا هدى
للوقوف عند أشارة أو عند الأنعطاف وأحياناً تطفي وهي واقفه
حــــــلــــهـــا :
تغير الحساس العلوي الحديدي البارز بجانب الثروتل له فيش ومسمارين
فقط تفكها وتغيره بجديد وبإذن الله تنتهي المشكلة
هذه صورة الحساس المراد تغيره
للمعلومية مقاطع للشراء هو نفسه العضو كبسولة 2
والعضو سفاااااح في منتديات أخرى
-
رد : قياس ضغط طرمبة البنزين للجمسات + تغير صفاية البنزين بالصورمع شويه معلومات
بارك الله فيك على هذا الابداع وعلى هذا السعي الميمون
ماقصرت على هذه المعلومات وكثر الله من امثالك وننتظر جديدك
تحياتي
-
رد : قياس ضغط طرمبة البنزين للجمسات + تغير صفاية البنزين بالصورمع شويه معلومات
موضوع جبار , وفيه من العلومات الشيء الكثير !
:xyxthumbs:
جعله الله في ميزان حسناتك .. وبارك الله فيك
:smile:
سؤال/ أنا امبير الـRPM لايرتفع أبدآ فوق الواحد .. حتى اول ما اشغل السياره وهي بارده!! تعتقد وين المشكله ؟؟ .. مع العلم انها ليست "جمس"
:wavey:
-
رد : قياس ضغط طرمبة البنزين للجمسات + تغير صفاية البنزين بالصورمع شويه معلومات
اخوي انا معي 2004 وصفايته مثل اللي بالصوره وعندي زرّاديه مثل اللي بالصوره أيضاً بس ماستطعت اطلّلع الهوز وهو كبس حاولت ماقدرت لأن فيه محبس داخل كيف اسوي به
ولك الشكر
-
رد : قياس ضغط طرمبة البنزين للجمسات + تغير صفاية البنزين بالصورمع شويه معلومات
اقتباس:
المشاركة الأصلية كتبت بواسطة lami
بارك الله فيك على هذا الابداع وعلى هذا السعي الميمون
ماقصرت على هذه المعلومات وكثر الله من امثالك وننتظر جديدك
تحياتي
حياك الله وتحت أمرك أخوي
-
رد : قياس ضغط طرمبة البنزين للجمسات + تغير صفاية البنزين بالصورمع شويه معلومات
اقتباس:
المشاركة الأصلية كتبت بواسطة أبـــوبـــدران
موضوع جبار , وفيه من العلومات الشيء الكثير !
:xyxthumbs:
جعله الله في ميزان حسناتك .. وبارك الله فيك
:smile:
سؤال/ أنا امبير الـRPM لايرتفع أبدآ فوق الواحد .. حتى اول ما اشغل السياره وهي بارده!! تعتقد وين المشكله ؟؟ .. مع العلم انها ليست "جمس"
:wavey:
حياك الله أخوي أبو بدران بالنسبة طال عمرك لأنبير rpm
أغلب السيارات يجب أن يرتفع فوق رقم 1 أثناء تشغيلها الصباح للتحمية
ويبدأ ينخفض تدريجياً حتى يصل للــ 500 دورة في الدقيقة وتكون جاهزة للأنطلاق
وبعض السيارات يضل معلق فوق رقم 1 حتى تدعس بنزين لكي يفصل نظام التحمية
لكن بالنسبة لسياراتك فليس لدي خبرة ومعلومات في السيارات غير الجمسات والمشابهة لها
وأعتقد أن بعض السيارات يكون فيها هذا الشئ طبيعي لا تدقق كثير وسياراتك مافيها الا العافية
وحياك الله
-
رد : قياس ضغط طرمبة البنزين للجمسات + تغير صفاية البنزين بالصورمع شويه معلومات
اقتباس:
المشاركة الأصلية كتبت بواسطة أبو ماجد البشري
اخوي انا معي 2004 وصفايته مثل اللي بالصوره وعندي زرّاديه مثل اللي بالصوره أيضاً بس ماستطعت اطلّلع الهوز وهو كبس حاولت ماقدرت لأن فيه محبس داخل كيف اسوي به
ولك الشكر
يجب أن تختار رقم الزرقينة المناسب وأدخلها حول الماصورة وقم بالدفع مع تحريك نفسك
الزرقينة يمين يسار فوق تحت حتى ينفصل الي من الماصورة
قد تكون صعبة في أول الأ مر لكن بإذن الله راح تفكها
-
رد : قياس ضغط طرمبة البنزين للجمسات + تغير صفاية البنزين بالصورمع شويه معلومات
ترقبوا تجاربي على كتاوت الطرمبة
-
رد : قياس ضغط طرمبة البنزين للجمسات + تغير صفاية البنزين بالصورمع شويه معلومات
يعطيك الف الف عافيه
ماشاء الله عليك عندك جرأه كبيره <<<<<< يخاف يلعب بهالامور:bigggrin:
بس عندي استفسار بسيط
سيارتي فيها تفتفه بسييييييييييييطه جدا جدا
محد يحس فيها الا انا
وكل اللي فحصوها يقولون مافيه شي واخوياي اذا ركبوا معي يقولون مافيه شي
وفحصت الكراسي اكثر من مره وغيرت فلتر البنزين ونظفت الثروتل وماراحت
وامبير الضغط يرتفع وينزل بشكل بسيط جدا
حتى الوكاله قالوا طبيعي بس انا مو عاجبني الوضع
وش حل هالمشكله؟؟:blue:
مع العلم ان السياره عزمها توب
والتفتفه ماتطلع الا والسياره واقفه
-
رد : قياس ضغط طرمبة البنزين للجمسات + تغير صفاية البنزين بالصورمع شويه معلومات
الله يحفظك على الموضوع المزيون
والله كل يوم نتعلم شيء جديد
أصوت لأحسن منتدى
بخمس نجوم
ولك مني كل الشكر
-
رد : قياس ضغط طرمبة البنزين للجمسات + تغير صفاية البنزين بالصورمع شويه معلومات
اقتباس:
المشاركة الأصلية كتبت بواسطة vector
يعطيك الف الف عافيه
ماشاء الله عليك عندك جرأه كبيره <<<<<< يخاف يلعب بهالامور:bigggrin:
بس عندي استفسار بسيط
سيارتي فيها تفتفه بسييييييييييييطه جدا جدا
محد يحس فيها الا انا
وكل اللي فحصوها يقولون مافيه شي واخوياي اذا ركبوا معي يقولون مافيه شي
وفحصت الكراسي اكثر من مره وغيرت فلتر البنزين ونظفت الثروتل وماراحت
وامبير الضغط يرتفع وينزل بشكل بسيط جدا
حتى الوكاله قالوا طبيعي بس انا مو عاجبني الوضع
وش حل هالمشكله؟؟:blue:
مع العلم ان السياره عزمها توب
والتفتفه ماتطلع الا والسياره واقفه
أعتقد إذا لم يلاحظها الآخرين أنها عاااااادي جداًَ في كل السيارات
حتى الكزس والبانوراما شئ طبيعي يصير تفتفه بسييييييييييطة جداً من عمل المحرك وأهتزازه
لا تدقق كثييييير تتعب وشرفني مرورك
-
رد : قياس ضغط طرمبة البنزين للجمسات + تغير صفاية البنزين بالصورمع شويه معلومات
بارك الله فيك اخي الكريم .. وما قصرت .
وان اردت مثلا ... فقط للتذكير يمكنك مراسلة
ادارة المنتديات التي ان مسجل بها
ليكون لك نفس اسم العضويه الذي تريده انت ... :wink:
-
رد : قياس ضغط طرمبة البنزين للجمسات + تغير صفاية البنزين بالصورمع شويه معلومات
اقتباس:
المشاركة الأصلية كتبت بواسطة moode_7
الله يحفظك على الموضوع المزيون
والله كل يوم نتعلم شيء جديد
أصوت لأحسن منتدى
بخمس نجوم
ولك مني كل الشكر
حياك الله طال عمرك ويشرفني مرورك العطر
-
رد : قياس ضغط طرمبة البنزين للجمسات + تغير صفاية البنزين بالصورمع شويه معلومات
الله يبيض وجهك على الموضوع المفيد جداً
كبسوله 2 ... له مشاركات رائعه في أحد المنتديات المشهوره .
عندي إستفسار أخوي كان عندي جمس موديل 2001 فيه رجه وهو واقف ماتلحظها الا لما تكون بمكان السواق في مكان الراكب بعد التركيز تلحظها .
أذكر وديته لأحد الورش الكبيره لعب فيه عن طريق الكمبيوتر زود كمية ضخ البنزين وضبط
بس قال أخاف يكون لها أضرار ورجعه على حاله ورجعت المشكله .
ولآن أحد الشباب عنده نفس المشكله موديل موتره 2005 .
برايك وش المشكله ؟
وتقبل تحياتي
-
رد : قياس ضغط طرمبة البنزين للجمسات + تغير صفاية البنزين بالصورمع شويه معلومات
هلا بك أخوي
تأكد من نوعية البواجي أحياناً تركب بواجي ايسي ديلكو وهي جديدة تفتف السيارة يوجد نوعيات فيها عيب
مصنعي من الشركة وتفكها على طول وتركب وحدة ثانية نفس النوع تضبط !!!!
-
رد : قياس ضغط طرمبة البنزين للجمسات + تغير صفاية البنزين بالصورمع شويه معلومات
هلا بك أخوي
تأكد من نوعية البواجي أحياناً تركب بواجي ايسي ديلكو وهي جديدة تفتف السيارة يوجد نوعيات فيها عيب
مصنعي من الشركة وتفكها على طول وتركب وحدة ثانية نفس النوع تضبط !!!!
-
رد : قياس ضغط طرمبة البنزين للجمسات + تغير صفاية البنزين بالصورمع شويه معلومات
اقتباس:
المشاركة الأصلية كتبت بواسطة اهلا اهلا
بارك الله فيك اخي الكريم .. وما قصرت .
وان اردت مثلا ... فقط للتذكير يمكنك مراسلة
ادارة المنتديات التي ان مسجل بها
ليكون لك نفس اسم العضويه الذي تريده انت ... :wink:
مشرفنا العزيز أنا أريد تغير معرفي في منتدى السيارات إلى معرفي الثاني
كبسولة 2 كيف يتم ذلك جزاك الله خير
وأسعدني مرورك الكريم
-
رد : قياس ضغط طرمبة البنزين للجمسات + تغير صفاية البنزين بالصورمع شويه معلومات
الله يعطيك العافيه موضوع رائع
-
رد : قياس ضغط طرمبة البنزين للجمسات + تغير صفاية البنزين بالصورمع شويه معلومات
-
رد : قياس ضغط طرمبة البنزين للجمسات + تغير صفاية البنزين بالصورمع شويه معلومات
اقتباس:
المشاركة الأصلية كتبت بواسطة CRAZY-8100
الله يبيض وجهك على الموضوع المفيد جداً
كبسوله 2 ... له مشاركات رائعه في أحد المنتديات المشهوره .
عندي إستفسار أخوي كان عندي جمس موديل 2001 فيه رجه وهو واقف ماتلحظها الا لما تكون بمكان السواق في مكان الراكب بعد التركيز تلحظها .
أذكر وديته لأحد الورش الكبيره لعب فيه عن طريق الكمبيوتر زود كمية ضخ البنزين وضبط
بس قال أخاف يكون لها أضرار ورجعه على حاله ورجعت المشكله .
ولآن أحد الشباب عنده نفس المشكله موديل موتره 2005 .
برايك وش المشكله ؟
وتقبل تحياتي
حياك الله أخوي وتحت أمرك في أي وقت
-
رد : قياس ضغط طرمبة البنزين للجمسات + تغير صفاية البنزين بالصورمع شويه معلومات
سلاام
موضوع رائع ...........
بس ليش ما اشغل السياره لما اقيس الضغط ...
ولو بغيت اعرف كيف ضغط الطرمبه و السياره شغاله هل يلعب الضغط ولا لا .... شالحل
-
رد : قياس ضغط طرمبة البنزين للجمسات + تغير صفاية البنزين بالصورمع شويه معلومات
هلا بك أخوي الضغط بعد التشغيل ينزل شئ بسيط فقط
-
رد : قياس ضغط طرمبة البنزين للجمسات + تغير صفاية البنزين بالصورمع شويه معلومات
بارك الله فيك وزادك الله من علمه
هذه الفكره ممكن تعميمها على باقي السيارات وتشترك بنفس العلل
-
رد : قياس ضغط طرمبة البنزين للجمسات + تغير صفاية البنزين بالصورمع شويه معلومات
مشكور على الموضوع انا اشتريتها لكن الهوز مايركب مباشره بالساعه لأن سنته اكبر شوي من سنة الساعه وحطيت تيب الأبيض حق المويا ومسك شوي كيف احول السنه لأنها لاتركب مباشره
والضغط 50 هل هو زين
-
رد : قياس ضغط طرمبة البنزين للجمسات + تغير صفاية البنزين بالصورمع شويه معلومات
اقتباس:
المشاركة الأصلية كتبت بواسطة أبو ماجد البشري
مشكور على الموضوع انا اشتريتها لكن الهوز مايركب مباشره بالساعه لأن سنته اكبر شوي من سنة الساعه وحطيت تيب الأبيض حق المويا ومسك شوي كيف احول السنه لأنها لاتركب مباشره
والضغط 50 هل هو زين
هلا بك أخي الكريم
لي الفريون الي يركب على بلف مكيفات السيارة يركب بالراحة على بلف البنزين في الجمس !!!
إذا لم يركب عندك مباشرة تقدر تروح لمحلات بيع عدة السيارات وتركب له نبل توصيله تركب على البلف
حق البنزين وتضبط
بالنسبة للضغط الطبيعي المهم أن لا يقل عن 40 في حال التشغيل
-
رد : قياس ضغط طرمبة البنزين للجمسات + تغير صفاية البنزين بالصورمع شويه معلومات
اقتباس:
المشاركة الأصلية كتبت بواسطة مقاطع للشراء
هلا بك أخي الكريم
لي الفريون الي يركب على بلف مكيفات السيارة يركب بالراحة على بلف البنزين في الجمس !!!
إذا لم يركب عندك مباشرة تقدر تروح لمحلات بيع عدة السيارات وتركب له نبل توصيله تركب على البلف
حق البنزين وتضبط
بالنسبة للضغط الطبيعي المهم أن لا يقل عن 40 في حال التشغيل
جهة الهوز اللي في بلف البنزين ركب تمام لكن اللي من يم الساعه ماركب لأن الساعه اصغر من الهوز
وسنة الساعن ناعمه والهوز اكبر وسنته خشنه وقال لي عامل يشتقل بريون السيارات لازم محول (قسام تركب به الساعات )
-
رد : قياس ضغط طرمبة البنزين للجمسات + تغير صفاية البنزين بالصورمع شويه معلومات
-
رد : قياس ضغط طرمبة البنزين للجمسات + تغير صفاية البنزين بالصورمع شويه معلومات
-
رد: قياس ضغط طرمبة البنزين للجمسات + تغير صفاية البنزين بالصورمع شويه معلومات
-
رد: قياس ضغط طرمبة البنزين للجمسات + تغير صفاية البنزين بالصورمع شويه معلومات
غيرت صفاية البنزين قبل سنه هل اغيرها الحين وهل هي سهله اقدر اغيرها بنفسي على ماركيز2004...لاهنت اخي كبسولة2.
-
رد: قياس ضغط طرمبة البنزين للجمسات + تغير صفاية البنزين بالصورمع شويه معلومات
من المواضيع المميزة..
وفقكم المولى..
-
رد: قياس ضغط طرمبة البنزين للجمسات + تغير صفاية البنزين بالصورمع شويه معلومات
-
رد: قياس ضغط طرمبة البنزين للجمسات + تغير صفاية البنزين بالصورمع شويه معلومات
يعطيك العافيه أخوي على الموضوع المميز وننتظر جديدك
-
رد: قياس ضغط طرمبة البنزين للجمسات + تغير صفاية البنزين بالصورمع شويه معلومات
-
رد: قياس ضغط طرمبة البنزين للجمسات + تغير صفاية البنزين بالصورمع شويه معلومات
بارك الله فيك على هذا الابداع
والله ثم والله انك :xyxthumbs:
-
رد: قياس ضغط طرمبة البنزين للجمسات + تغير صفاية البنزين بالصورمع شويه معلومات
ايش المحل الي يبيع اللي الاحمر والساعه الزرقاء
هل هو محل زينه او قطع تبريد
ولو تذكر المحل وبأي مدينه الي انت شريت منه هالقطعتين .... عشان نختصر الموضوع ونفتك من الاخطاء في اختيار اللي والساعه
-
رد: قياس ضغط طرمبة البنزين للجمسات + تغير صفاية البنزين بالصورمع شويه معلومات
جزاك رب البريه خير الجزاء عندي كابري89 دائما تطفي اذاهديت عسى تنحل ويكفينا احساسك بمشاكل الناس بيض الله وجهك يوم تبيض وجوه وتسود وجوه
-
رد: قياس ضغط طرمبة البنزين للجمسات + تغير صفاية البنزين بالصورمع شويه معلومات
-
رد: قياس ضغط طرمبة البنزين للجمسات + تغير صفاية البنزين بالصورمع شويه معلومات
مساء الخير للجميع
موضوع جدا مميز
سيارتي فورد مونديو ولو اني في مشوار ابو ساعة ماتجي الساعة الا والسيارة ما تقبل دعسة بنزين وطبعا بدون مكيف في الجو ذا والحالة حاله هل ينطبق على سيارتي نفس الكلام اللى في صدر الموضوع
مع جزيل الشكر
-
رد: قياس ضغط طرمبة البنزين للجمسات + تغير صفاية البنزين بالصورمع شويه معلومات
يعطيك العافيه اخووي مقاطع للشراء ننتظر جديدك وإلى الامام
بالنسبه لكلام mooode_7 ليشش خمسه نجووم والله حرام المفرووض 100 مليون مليون نجمه لو كانت موجودهـ :smilie16: كان حطيتها لان هالمنتدى ما شا الله والله احلى منتدى وافضل منتدى مر علي
الله يوفق الي سوا المنتدى والى الامام :xyxthumbs: