أي نـفـر عندوهــ ازيرا يتفضل مشكوراً

السلام عليكم

^
^

^
^

^
^

^
^

اخباركم يا أزيراويين وش علومكم

عندي كم ملاحظه عن الازيرا وابي رأيكم


سيارتي ماكملت شهر ومامشت اكثر من 2000 وكل شوي جايتها طقه |10| :confused: اول اسبوع راعي صني دق ريوس وعطاني وحده والاسبوع الثاني طالع من البيت واشوف دقتين في الصدام الخلفي من النوع اللي يحبه قلبك والاسبوع هذا وانا طالع من الدوام واشوف دقة باب في الرفرف

وش السالفه اكيد عشانه كوريه صح لو يابانيه كان ماصارلها شي <<< مايقصد احد :)

<<< المشكله للحين ماتهنى بالسياره

بس يالله الحمدلله على كل حال


الاستفسار الاول بخصوص البويه بصراحه من اخذتها وانا يومياً كارفها غسيل ومؤخراً بدت تطلع عليها الدوائر وديتها محل تلميع محترم وراحت ومن اليوم الثاني وهي راجعه ,, هل عندكم حل لإزالتها ؟؟

الاستفسار الثاني عن صوت الهواء بصراحه اليوم امشي بالسياره 120 والصوت واضح وش السالفه اول ما اخذتها كانت هاديه وش زينها بس الحين مدري وش جاها
وش تتوقعون مع العلم اني كنت موديها زيبارت عشان يرشون السياره بماده من تحت ويوم دخلتها منهم لقيتهم راشين على ربلات الابواب ماده دهنيه ولما سألتهم عنها قالو سويناها لك بلوشي وهذي ماده تعطي عمر اكثر للربلات
هل تتوقعون الماده هذي حقتهم جابت العيد

الاستفسار الثالث هو القير النايم هذا مدري وش سالفته بطئ الاستجابه يعني اذا كتمت الدعسه القير يقعد يفكر ( ارجع نمره ولا ما ارجع السواق كتم الدعسه ولا يستهبل ) بعدييييييييين يبدل
بس ماعلي بتأقلم مع البطئ حق الشيبان هذا وخصوصاً اني لاحظت هذا البطء في احد الشبحات وفي احد البي امات الحوتيه
لكن المشكله اني الاحظ احيانا اذا دعست وجا القير يبدل من اول الى ثاني احياناً يكون سريع واحياناً يقعد يفكر مدري وش سالفته ليش احيانا يبدل بسرعه وبعض الحالات يتأخر هل هو الكتروني ومتصل بالكمبيوتر وله معايير للتبديل على حسب الظروف او انه منسم خلقه ؟؟؟

الاستفسار الرابع والاخير مثبت السرعه ثبته على 80 مافيه مشكله وعلى 120 وعلى 140 مافيه مشكله لكن قبل كم يوم كنت ماسك خط وثبته على 180 ولاحظت انه مو قادر يخلي السياره ثابته على سرعه معينه شوي يدوس وشوي يهدي مع العلم ان كان الهواء قوي ذاك اليوم فهل له تأثير او ان المثبت منسم مثل القير


وفي الاخير احب اهني اصحاب هذي السياره بصراحه ماودك تنزل منها وياكثر ماتحب تمسك خطوط

من تاخذها بتكثر مشاويرك خخخخ

وعليكم السلام أخوي بلا حدود

وأحسن شيء إني أول واحد يرد على موضوعك ولي الشرف بذلك

بالنسبة للصدمات أنا عندي واحد راعي هايلكس موقف عند مطعم وهو يرجع ويصكها من ورى عند الكفر الخلفي قشع لي شوية من البوية والباقي حكة ومشى كأنه ما صدم ولا فكر وأنا ركض على السيارة وأنا أقول حسبي الله ما تشوف السيارة يالي ويلي رحت وديتها ورشة ومسحولي بالمادة ملمعة وراحت الحكة بقي البوية بس ماهي كبيرة

بالنسبة لدقات الي تلقاها علاجها أنه تروح تشتري شريط أو اسطوانة رقية شرعية وتخلي يشتغل
لانها 100 % عين والله يحفظها لك ويحميها ويبارك لك فيها

بالنسبة للاستفسار الأول أنا أغسلها مرتين بالشهر وما صار عندي شيء بالبوية طبعا لون لؤلؤي مدري سكري لون السيارة الي عندي وما لاحظت شيء بالبوية ممكن بالنسبة لك من المادية الي تحطها والله أعلم وانا مو فاهم من الاشياء هذي الي طلعت عندك

بالنسبة للاستفسار الثاني أنا العزل عندي ممتاز جدا وأقصى شيء مشيته فيها 200 أسمع صوت الهوى خارج السيارة مو داخل عندي وخاصة عند المرايات أسمعه لكن يدخل علي ما سمعت وهذا عند سرعة 200 وما أدري عن المادة هذي إذا كانت تأثر أو لا

الاستفسار الثالث بالنسبة للقير تقريبا هو بطيء في الاستجابة عندي خاصة لم أبي أزود السرعة شوي هو على كلامك يفكر ويسوي معادلات ويضرب ويطرح على حسب دعستك للبنزين وبعدين يطبع الناتج ويبدأ يتفاعل معاك بس ما شاء الله يعطيك عزم ممتاز بعد التفكير يعني ما يخطأ في الحسابات وما شاء الله يتأنى قبل لا يتجاوب وخاصة إذا بينزل نمرتين وأعتقد أنه شيء طبيعي فيها السيارة فارهة مو حق قومات يعني بس عزمها ما شاء الله تعطيك

طبعا الاستفسار الرابع عن مثبت السرعة جربته على سرعة 160 وحسيت أنه السيارة تشد وترخي تشد وترخي وهذا على أعتقادي بسبب الهوى الي بالواجهة لم تشد السيارة وتوصل 160 تبدأ هي تخف في ضخ البنزين بس تعرف الهوى الي يواجها بالسرعات العالية يخفف من السرعة فتحس السيارة بالفرق فتقوم تشد وهذا تحصلها 160 - 159-160-159-160-159 لأنه أنا عندي على الشاشة يطلع لي سرعة السيارة بالديجيتل واحيانا يوصل 158 -160 وممكن هذا هو السبب تحس تشد وترخي

وبالنسبة لي المشكلة الوحيدة الي طلعت لي بالسيارة هي صوت زنزنة في الطبلون خاصة لم يبرد الجو بس وقت الظهر يختفي بس بأوديها الوكالة في صيانة 10000 ويصلحونها والآن السيارة ماشية معاي 8300 تقريبا

ومشكور أخوي بلا حدود على موضوعك لأنه تقريبا مطلعين السيارة قريبين من بعض ونفس المستوى عشان استفيد منك وتستفيد مني والله يعم الفائدة على الجميع

أخوك بندر

وعليكم السلام ورحمة الله
ممكن أصحاب السوناتا ال 6 سلندر يشاركون <<< ملقوف
<< طبعا ممكن >> بحكم المكينة والقير المشتركة اللي بينهم وبعض القطع الاخرى
.
أولا: أحم أحم ... ما أسمح لك تنافسني على لقب السيارة ال..... < قريبا الاعلان عن اللقب
لو تشوف سيارتي تسوي زي كذا :eek: :mad: :( و"تحب ايديك وش وظهر" من كثر ما جاها من الناس االله يهديهم وتقول الحمد لله ما جاني شي
الحمد لله على كل حال
ثانيا: صوت الهواء على حسب الجو.. ويمكن المادة اللي حطوها الله أعلم
ُثالثا: القير أغلب شغله اكتروني لاني الاحظ نفس حالتك عندي وهذا اعتبره من وجهة نظري عيب. احسن حل انك تحطه على العادي يستجيب بشكل ممتاز
رابعا: مثبت السرعة اتوقع يتأثر بالهواء الخارجي او بالمكيف على حسب درجة الحرارة بحيث ان الكومبريسور يفصل ويشتغل علشان كذا تحس بفرق في ضغط المكينة واللي يأثر بدوره على السرعة << وجهة نظري
ومشكور على الموضوع . <<< ويلكم باك
والله يهنيكم

اقتباس:

---

الاستفسار الثالث هو القير النايم هذا مدري وش سالفته بطئ الاستجابه يعني اذا كتمت الدعسه القير يقعد يفكر ( ارجع نمره ولا ما ارجع السواق كتم الدعسه ولا يستهبل ) بعدييييييييين يبدل

---

هههههههههههههههههههههه

الله يقطع شيطانك

البويه عندي مافيها مشاكل وبالنسبة للغسيل ماغسلها الين تتوسخ صح وتصير لا تحتمل:D

وبالنسبة لصوت الهوى مايطلع الا عند 180 ومافيه اي مشاكل الحمد لله

اما القير فلو تذكر يوم تسألني عنها قبل ما تشريها قلتلك ان القير بطيء استجابه

عالعموم بالنسبة لي اذا جيت ادعس احوله للعادي واطقه بالسالب طقتين ثلاثه عشان اضمن انه يوصل لاقوى نمره طبعا الحركه هذي اسويها بسعره

وبالنسبة لمثبت السرعه انصحك انك تخليه عالعادي وراح تلاحظ ثبات السرعه

والسيارة مشت معي 38000 كم مع العلم اني ماخذها على اول نزلتها حتى الناس كانوا يسألوني وش نوع السياره وبعضهم يحسبها السوناتا الجديده:D

واخوي sama7 احمد ربك واشكره ان معك سوناتا 6 سلندر

بالنسبة لي افضلها عالازيرا كوني شاب وعزوبي لان الازيرا ما تعطيك طابع رياضي مثل السوناتا
وغير كذا كبيره علي

السلام عليكم :cool:
اخواني اصحاب الازيرا . اولا الله يهنيكم ويبارك لكم في سياراتكم
انا مامعي ازيرا ولكن حبيت اعلق على موضوع تغييرات القير اولا لابد انكم تعرفون ان السياره سيارة رفاهيه وفخامه وليست سياره رياضيه او سيدان خفيفة الوزن بمحرك قوي .
الازيرا مثل ماقال اخوي بندر مثل السيارات الالمانيه في القياده بطيئة الاستجابه ولكن بعد ما يتجاوب القير يعطيك تسارع وعزم عالي . واخيرا قير الهيونداي التبترونك هو قير بشريحة الكترونيه تتعرف على طريقه قيادة الشخص وتتكيف معها . يعني اذا استخدمت السياره لوقت بطريقه تميل للرياضيه راح تلاحظ ا لقير ياخر التعشيقات للنمره الاعلى ليعطيك تسارع وعزم اعلى واذا استعملت السياره لفتره بطريقه لينه راح تلاحظ القير يريح بسرعه مما يعطيك احساس بان السياره عزمها اضعف من المعتاد وراح تدعس على البنزين عشان يرد نمره ولكن القير مازال مبرمج نفسه على القياده السلسه والناعمه . وممكن تلاحظ كل ما ذكرت بشكل اوضح اذا اعطيت سيارتك لاحد غيرك ليومين او ثلاثه وطريقت قيادته تختلف عن طريقت قيادتك راح تعتقد ان السياره تغيرت عليك من ناحية التعشيقات . هذا ما لاحظتة شخصيا في قير التوسان التبترونك وقيرالسوناتا التبترونك سته سلندر. |3|

والله أنــا إذا بغيــت أدعــس حط على التحكم بالتعشيـقات والعــب بالــ + وو - وفوق وتحت
وعلى التعشيــق أحس أنــه مو مثــل السيــارات الثـانيــه لأن في بعـــض السيارات تعشــق سريع في القومات (( أنا موتري ســوسو ستــه سلندر ))بس موتري ثقيل في التعشيــق بس إنشالله أني بأغييـر زيت القير على الأقـــل علــما أن موتري تــم الـــــ ((( 59 ألـــف والحمدلله بدن مشالكل تذكــر )))
وعلــى الهواء أمشي الـ240 وانــا أسـولف عـــادي والسياره مافيها تنسيـــم بس الزبــده في الهواء الخــارجي

اقتباس:

---

المشاركة الأصلية كتبت بواسطة بــنــدر

بالنسبة لدقات الي تلقاها علاجها أنه تروح تشتري شريط أو اسطوانة رقية شرعية وتخلي يشتغل
لانها 100 % عين والله يحفظها لك ويحميها ويبارك لك فيها

بالنسبة للاستفسار الأول أنا أغسلها مرتين بالشهر وما صار عندي شيء بالبوية طبعا لون لؤلؤي مدري سكري لون السيارة الي عندي وما لاحظت شيء بالبوية ممكن بالنسبة لك من المادية الي تحطها والله أعلم وانا مو فاهم من الاشياء هذي الي طلعت عندك

بالنسبة للاستفسار الثاني أنا العزل عندي ممتاز جدا وأقصى شيء مشيته فيها 200 أسمع صوت الهوى خارج السيارة مو داخل عندي وخاصة عند المرايات أسمعه لكن يدخل علي ما سمعت وهذا عند سرعة 200 وما أدري عن المادة هذي إذا كانت تأثر أو لا

الاستفسار الثالث بالنسبة للقير تقريبا هو بطيء في الاستجابة عندي خاصة لم أبي أزود السرعة شوي هو على كلامك يفكر ويسوي معادلات ويضرب ويطرح على حسب دعستك للبنزين وبعدين يطبع الناتج ويبدأ يتفاعل معاك بس ما شاء الله يعطيك عزم ممتاز بعد التفكير يعني ما يخطأ في الحسابات وما شاء الله يتأنى قبل لا يتجاوب وخاصة إذا بينزل نمرتين وأعتقد أنه شيء طبيعي فيها السيارة فارهة مو حق قومات يعني بس عزمها ما شاء الله تعطيك

طبعا الاستفسار الرابع عن مثبت السرعة جربته على سرعة 160 وحسيت أنه السيارة تشد وترخي تشد وترخي وهذا على أعتقادي بسبب الهوى الي بالواجهة لم تشد السيارة وتوصل 160 تبدأ هي تخف في ضخ البنزين بس تعرف الهوى الي يواجها بالسرعات العالية يخفف من السرعة فتحس السيارة بالفرق فتقوم تشد وهذا تحصلها 160 - 159-160-159-160-159 لأنه أنا عندي على الشاشة يطلع لي سرعة السيارة بالديجيتل واحيانا يوصل 158 -160 وممكن هذا هو السبب تحس تشد وترخي

وبالنسبة لي المشكلة الوحيدة الي طلعت لي بالسيارة هي صوت زنزنة في الطبلون خاصة لم يبرد الجو بس وقت الظهر يختفي بس بأوديها الوكالة في صيانة 10000 ويصلحونها والآن السيارة ماشية معاي 8300 تقريبا

ومشكور أخوي بلا حدود على موضوعك لأنه تقريبا مطلعين السيارة قريبين من بعض ونفس المستوى عشان استفيد منك وتستفيد مني والله يعم الفائدة على الجميع

أخوك بندر

---

ردي نفس رد الأخ بندر

بس أبي واحد يعرف لي ورشه يضبطون البويه وخاصه اللون اللؤلؤي لآني بعد الحادث بويتي فيها اختلاف

الله يعينك اخوي بلا حدود والله ماتستاهل


ونصيحه مني انك تخلي القران شغال عليها 24 ساعه


لان هذي عين و واضحه انها عين مو معقوله اول 2000 كيلو اكثر من صدمه :confused:


تحياتي

السلام عليكم

وعليكم السلام ورحمة الله



الاستفسار الاول..
بخصوص البويه بصراحه من اخذتها وانا يومياً كارفها غسيل ومؤخراً بدت تطلع عليها الدوائر وديتها محل تلميع محترم وراحت ومن اليوم الثاني وهي راجعه ,, هل عندكم حل لإزالتها ؟؟

أعتقد والله أعلم أن هذي نتيجة الصابون .! جرب أمسحها بيدك إذا راحت أو خفت فهو صابون



الاستفسار الثاني..
عن صوت الهواء بصراحه اليوم امشي بالسياره 120 والصوت واضح وش السالفه اول ما اخذتها كانت هاديه وش زينها بس الحين مدري وش جاها
وش تتوقعون مع العلم اني كنت موديها زيبارت عشان يرشون السياره بماده من تحت ويوم دخلتها منهم لقيتهم راشين على ربلات الابواب ماده دهنيه ولما سألتهم عنها قالو سويناها لك بلوشي وهذي ماده تعطي عمر اكثر للربلات
هل تتوقعون الماده هذي حقتهم جابت العيد

للأسف .. أنا متأكد أن المادة هي السبب .. شف الربلة هل هي قاسية ولا طرية .!



الاستفسار الثالث..
هو القير النايم هذا مدري وش سالفته بطئ الاستجابه يعني اذا كتمت الدعسه القير يقعد يفكر ( ارجع نمره ولا ما ارجع السواق كتم الدعسه ولا يستهبل ) بعدييييييييين يبدل
بس ماعلي بتأقلم مع البطئ حق الشيبان هذا وخصوصاً اني لاحظت هذا البطء في احد الشبحات وفي احد البي امات الحوتيه
لكن المشكله اني الاحظ احيانا اذا دعست وجا القير يبدل من اول الى ثاني احياناً يكون سريع واحياناً يقعد يفكر مدري وش سالفته ليش احيانا يبدل بسرعه وبعض الحالات يتأخر هل هو الكتروني ومتصل بالكمبيوتر وله معايير للتبديل على حسب الظروف او انه منسم خلقه ؟؟؟

القير طبيعي حتى في السوناتا .. حسب كلام المهندس خالد القوصي (مهندس في المجدوعي)
يقول أن هذا نظام في القير بحيث ما يتم التغير إلا بعد توافق قوة المحرك مع النمرة المختارة

أما عن إختلاف الحالات مرة يغير بسرعة مرة لا .. فمثل ما قال حبيبنا الهيو
أغلب السيارات يكون فيها كمبيوتر يغير وضعية صرفية البنزين حسب قيادتك
إذا كنت راكد تضعف العزم مع إقتصاد والعكس صحيح



الاستفسار الرابع والاخير..
مثبت السرعه ثبته على 80 مافيه مشكله وعلى 120 وعلى 140 مافيه مشكله لكن قبل كم يوم كنت ماسك خط وثبته على 180 ولاحظت انه مو قادر يخلي السياره ثابته على سرعه معينه شوي يدوس وشوي يهدي مع العلم ان كان الهواء قوي ذاك اليوم فهل له تأثير او ان المثبت منسم مثل القير

نفس الشيء عندي في المرحومة سوناتا إذا شغلت المثبت على سرعة عالية تبدأ السيارة في التغيير
والتهدئة والدعس كمحاولة منها للتثبيت على السرعة التي حددتها .. لا أنصح بها أحس أنه يأثر في القير. !


وفي الاخير احب اهني اصحاب هذي السيارة
بصراحه ماودك تنزل منها وياكثر ماتحب تمسك خطوط
من تاخذها بتكثر مشاويرك خخخخ

والله صادق .. من خذت السوناتا وأنا ما غير دوران وأتعذر لأي مشوار يحصل لي :D

ياخي السوناتا منحوسه وربي

ماكيد شفت سوناتا سليمه .. لازم دقشه ولا حكه !!

يااااااااااااااااااااااااااااااااااااااااااااااااا ااااااااااااخوي وش ذا الكلام حرام عليك يؤيؤيؤيؤيؤيؤيؤ
انا سيارتي ازيرا 2007 وماشي بها 120000 الف كلم وما حصل شى اجل كيف انت اكيد انت حق دعس وسرعه وتهورات صح ولا انا غلطان هاااااااااااااااه
وبعدين انا انشي بهااااا 140 الين 200 وبس
وانشا الله تعيش معاك
سلااااااااااااااااااااام.