رابطه عشاق ملاك شفروليه ماليبو (( Malibu ))

[Nathing]

الله يبارك فيك بس اللون اللؤلؤي حلو مو الأبيض العادي
وبالنسبه للأسود حلو ورسمي لكن يبيله أهنمام وعنايه ويبان عليه الخدوش وفوق كذا أجوائنا ما تساعد
الرياض وغباره الله المستعان .. وأنا برضوه أميل للسته سلندر ويعطيك العافيه أخي الكريم

زود السعر في لؤلؤي عشانه اكثر طلب
لؤلؤي ازين لك شكله حلو في الصباح او المساء

[آل جابر]

الله يبارك فيك بس اللون اللؤلؤي حلو مو الأبيض العادي
وبالنسبه للأسود حلو ورسمي لكن يبيله أهنمام وعنايه ويبان عليه الخدوش وفوق كذا أجوائنا ما تساعد
الرياض وغباره الله المستعان .. وأنا برضوه أميل للسته سلندر ويعطيك العافيه أخي الكريم

صح كلامك ،
انا الماليبو خذيت لون رمادي غامق
يبيله غسيل يومياً ، ولا ما راح تشتهي اتشوف السيارة ..
واي زلغ اي حكه اتبين من بعيييد .. والغبار يتجمع ع السيلرة ..
انصحك تاخد الأبيض العادي ، كل ما اشوفه بالشارع اتحسف واقول لو ماخذ الأبيض اللون حلو ع السيارة ..
وموفق لكل خير ،،

[أبو ترركي]

عليكم السلام ،،
انا معي الـ 4 سلندر ..
صراحةً ممتازة .. وعزمها وتسارعها جيد مقارنةً بمثيلاتها ..
والـ 4 سلندر احسن لك اوفر حق البنزين ،،
بس شنو راح تاخذ LTZ فل ولا LT ..
انا خذيت LT واتحسفت ، المفروض اخذ LTZ
لأنه زيادة .
-تشغيل عن بعد ( واجد احتاجها خصوصاً اذا بروح العمل الصبح ما اقدر اخلي السيارة تحتر على طول امشي فيها وهذا مو زين لأنه الحرارة اتكون 0 لازم تحتر ) .
- وتفتح الباب بالبصمة بدال ما ادور المفتاح بجيبك ..
- تشغيل المحرك بضغطة زر ( الأن كل السيارات تشتغل بالزر ، فعشان اتكون مواكب للسيارات الأخرى ) .
- واهم شي الحساسات والشاشة والكاميرا ..

فـ انصحك تاخد 4 سلندر LTZ فل ، واتوفر على نفسك ..
والـ 6 سلندر راح يكون صرفية بالبانزين ( اذا متعود على 4 ) .

هلا أخوي لو أخذت أن شاءالله 4 سيلندر راح آخذ الفل LTZ الفاخر نفس الفل 6 سيلندر الفرق فقط بالمحرك على كلام المندوب .. ايه والله متعود على 4 سيلندر
بس ودي أغير وأجرب سياره 6 سيلندر

[أبو ترركي]

زود السعر في لؤلؤي عشانه اكثر طلب
لؤلؤي ازين لك شكله حلو في الصباح او المساء

صحيح أخوي اللون حلو ورايق واليوم اتصل علي مندوب الجميح قالي الفل 6 سيلندر أبيض اللؤلؤي بـ 105 الاف بطاقه جمركيه جاب لي خصم من المدير

[أبو ترركي]

صح كلامك ،
انا الماليبو خذيت لون رمادي غامق
يبيله غسيل يومياً ، ولا ما راح تشتهي اتشوف السيارة ..
واي زلغ اي حكه اتبين من بعيييد .. والغبار يتجمع ع السيلرة ..
انصحك تاخد الأبيض العادي ، كل ما اشوفه بالشارع اتحسف واقول لو ماخذ الأبيض اللون حلو ع السيارة ..
وموفق لكل خير ،،

الله يبارك لك في موترك ويعطيك ربي خيره ويكفيك شره ... أنا أميل للأبيض اللؤلؤي على العادي
كيف السياره معك أخوي وكيف عزل الهواء والعزل الأرضي وقطع الغيار الأستهلاكيه كيف أسعارها غاليه والا معقوله ؟؟ معليش كثرت عليك الأسئله تحملني ويعطيك العافيه

[آل جابر]

الله يبارك لك في موترك ويعطيك ربي خيره ويكفيك شره ... أنا أميل للأبيض اللؤلؤي على العادي
كيف السياره معك أخوي وكيف عزل الهواء والعزل الأرضي وقطع الغيار الأستهلاكيه كيف أسعارها غاليه والا معقوله ؟؟ معليش كثرت عليك الأسئله تحملني ويعطيك العافيه

اهم شي اللون اللي ترتاح له : )
والله انها سياارة قوية وتستاهل كل فلس اندفع عليها ..
ما واجهتني اي سلبية ابد ، بس فيه شغله صارت امس انا كنت الغلطان ..
( انا من الكويت ) امس كان مطر عندنا ، وكان فيه دوار ، قلت بجرب ثبات السيارة وتزلق او لأ ..
وانا داخل الدوار دست بانزين وكنت لاف الدركسون ، السيارة زلقت فيني وما قدرت اتحكم فيها ،
الله ستر ما كان فيه احد جنبي ولا صار حادث ..،
فـ بعد هل موقف عرفت انه الـ LT ما فيها تركشن .. ومواصفات الأمان فيها قليلة ..
فـ لا تفكر تاخد LT ، اخد الـ LTZ مواصفات الأمان ١٠٠٪ ..
عزل الهواء ممتاز ١٠٠٪ ، وكذالك العزل الأرضي كأنها لكزس ..
عزل وثبات ورساوة ، ما شاءالله ..
وبخصوص قطع الغيار ، إلى الأن ما احتجت اغير اي قطعه ، فـ ما اعرف عن الأسعار للأسف ..
ولا عادي ولا يهمك اسأل اللي تبي ..

[ChevyLover]

هل تنصحونا نشتري ماليبو 2013 ولا نصبر ل 2014 لان راح يكون فيه تغيرات بسيطة؟

[a.s.alqarni]

ان شاء الله يفيدونك اهل الخبرة

إنشاء الله يارب
جزاك الله خير