السلام عليكم لمبت السقف في الماركيز لما افتح الباب تولع ولما اصك الباب تطفي شوي وتولع والسيارة طافية وعلى ذا الحال وكل يوم اشتراك بهذلتني والحل معها وشاكر لكم
اخوي مستشار .. اذا فكيت الدائره الي امام الشمعه ( الي بين الاصطب والشمعه )
عشان تكون الشمعه على الاصطب مباشره ..
س/ هل تؤثر على الاصطب ولا على اي شي ؟
لاني رأيت واحد مسويها واصبح النور ماشاء الله قوي . .
السلام عليكم ورحمة الله وبركاته
حقيقة اهني المستشار ومن معه على هذا الموضوع الذي نفع به اصحاب الفوردات ==مثلي ههههههه=
المهم ابشركم وبعد عناء طويل اشتريت فورد فكتوريا 97 سعودي ابيض++باركولي وادعولي++
بس انه ستاندر لكن رقم الهيكل p73 ما صدقت فالرجاء > للمستشار < تعطيني مواصفات النص فل ولو تقولي وش اغير في السيارة لاني السيارة ما ادري وش اللي صالح فيها من الخربان
. البواجي ولا الكويلات ايه نسيت حاجة الحين وش المقصود بالكويلات هل هي التكايات ولا شي ثاني
الرجاء الاجابة باسرع وقت لانه وراي مشوار السفر للعيد وخايف السيارة تطيح بي في وسط الشارع ومع تحياتي
ايه نسيت حاجة ثانية بعد خلاص خلاص لاتعصبون المهم اقدر احولها فل كامل يعني عداد الكتروني ومكيف لمس ومراتب جلد ومتحركة وهيدروليك ورقام على الباب وجنوط خلية =حتى الجنوط ما في بس طاسات ووين احسن ورشة انا في بريدة وفي الصناعية بعد عند الزينة خخخخخخخخخخ
ولا تبخلون علي بالردود ها خاصة ==المستشار==
ويعطيكم العافية
أخوي الكاسب
كيف الحال
مبروك السيارة ويعطيك خيرها ويكفيك اللة شرها
بصرحة أضرب سلام للفكتوريا 97م وهو من أحسن الموديلات على الاطلاق وأن بنفسي أفضلة على الموديلات الجديدة .... .........؟؟
السيارة فيها كويلات لكن على شكل مجموعة وبعيدة كل البعد عن ثلاجة المكينة وهذا الي يميز 97م
والكويلات ليست مثل 98م وما فوق بل تختلف كل الاختلاف بمعنى (( 97م كد ومد ))
ولو أكلمك على 97م وكيف بوليس أميركا والدوريات يفضلونة على أي موديل ..والسبب أنة لا يسخن وأكثر ثبات في المطارد ... وموديل 98م وما فوق مع أنة مطور لكن لا يستحمل في المناورات لأنة غير متزن ....((( القير يسخن )) ولابد من وضع مبردين قير على شان ما يسخن .....لكن 97م غير شكل أقولك لو أتكلم علية لن أوفية حقة ؟؟
والكلام يطول لكن بأختصار ::
1- أهم شيئ طرمبة البنزين أفحصها وشف الضغط كويس أو غير أصلي وأرتاح .... ولها شرح بعدين نتناقش فية ؟؟
2- بواجي أصلي من بالبيد ؟؟
3- فلتر قير مع تغيير الزيت كامل ؟
وأخيرأ شدادات السير مع سير المكينة أفحصها عند مكانيكي متخصص سعرها 40 ريال الحبة الواحدة وهي فوق وتحت ...والشرح يطول في ذلك ؟؟
وأي شيئ تقدر تبدلها ماعدا الهيدروليك فهذا صعب وقد يدخل في الخمسة الف ولن يزبط ؟؟
خلة مثل ماهو وأكرف السيارة....... الشد بلد ما فية أحسن منة.... لأنك تسلبة حقوقة ؟؟؟
تحياتي