السلام عليكم ورحمة الله وبركاته مساكم الله بالخير يا عرب عندي عدة مشاكل تجتمع في أن واحد في سيارتي نيسان صني 99 فيول من سنه..(ماعليه هات الشاي واتفرج لان مطول عليك)
المشاكل بدت لما وديت السيارة حق سيرفز تنظيف للمكينه من تسربات مختلف الزيوت قبل اصلاحها من مستخدمها السابق- السيارة شريتها وكان فحصها انتهى في نفس الشهر..المهم بعد مدة قصيرة من تمشاها وماكان عندي اي خبره في السيارات لين لاحظت ان السيارة نوعا ما ثقيله ولما اوصل للنمره الثانيه على 40 وبعدها على 45 ينزل الار بي ام على 1 وتجيني رجفه وضعف شديد وكتمه في الدوسه واحس بها من الدوسه والصوت باين والي معاي يشعر بها ..والرجفه ترج لين اوصل على 60 وتكون تروح شوي شوي ..وتظل السيارة في حالة كتم لين ادعس نصف الدوسه وتنقز على حسب دوستي والوقت وترجع تكتم ..لما انقز السيارة بدوسه قويه في الهاي وي تكون حاكره التبديل او بما يسمى تأخير في التبديل لين توصل على 110 .120 وبعدها تبدل اخر تبديله او النمره..
المشكله الثانيه في التشغيل في الاجواء البارده .. اضرب سلف واحسه مفغوص ولما تشتغل دايكرت تبندل الا ادا كنت دايس وادوس على الدواسه.. واكون معاها في حالة صراع من ينتصر على الثاني هههههه.واخر مشكله وسامحوني على الاطاله لكن تعبت ويا اهل الكراجات ومااقدر اكلف على مالا ينفع.. وهي لما ادوس بريك في الزحمه او وقوف تام.. الار بي ام ينزل على 600 ورجه خفيفه وبعض الاحيان تطفي خصوصا في الصيف لما يكون الايسي شغال والاضواء ..
(لما اشغل الايسي وتكون الاضواء شغاله اشوف الاضواء مالت الطبلون والخارجيه تضعف للحضه)..
قطع غيار تم تبديها حين اكتشاف المشكله (بواجي-اسلاك بواجي-وزن الديلكو-تنظيف الانجكترات-تبديل فلتر الهواء والبنزين-تنظيف الثروتل بدي وتم استبداله بواحد اخر من التشليح ولكن لافرق)
فحصت كمبيوتر والنتيجه حساس الهواء او الدائره الكهربائيه- TPS سنسر او الدائره الكهربائيه.. في النهايه انا شاكر لاي استفسار او اقتراحات منكم ولا مذلة اهل الكراجات ...والسلام عليكم