مشورتكم بين هالسيارات

[فيصل10014]

السلام عليكم

محتار بين عدة سيارات... حطيت بالاعتبار مايزيد عن 13 سيارة لكن بعضها استثنيتها بسبب عدم تنافسيتها مع منافسيها من فئتها والي بسعرها مثل الكامري والاوريون والفيوجن وغيرها... انا حدي 100 الف او عليها وبهالسعر فيه تنافس كبير ولكن ابرز من لفت انتباهي هي السيارات التالية
- الالتيما
- المكسيما (ستاندرد)
- مازدا 6
- كادينزا
- ماليبو
- بعد ذلك الاكورد والسوناتا والازيرا

الافضلية عندي بشكل عام بين الالتيما 4 سلندر او 6.. والمكسيما الستاندرد والمازدا 6... ابي شوركم؟ وش ابرز الفروق؟ وهل الفرق يسوى بين الالتيما 4 سلندر و 6 سلندر؟ فرق السعر تقريبا 10-15 الف... وش افضل التيما فل ولا ماكسيما ستاندرد؟ او بالاصح هل الفرق يسوى؟ خصوصا بين ال 4 سلندر فل والماكسيما ستاندرد لان فرق السعر تقريبا 20 الف يزيد شوي او ينقص.... بخصوص المازدا اغلب الناس يعتبرون شكلها الخارجي ابرز ميزاتها لكن انا تعجبني الماكسيما وحتى الالتيما اكثر ولكن حتى المازدا تعجبني... الاولويات عندي هي الاعتمادية والامان والراحة (الوسع.. العزل.. الرساوه..الخ) ثم الوكيل وقطع الغيار والتصليح والخرابات ثم الميزات التقنية الاضافية... طبعاً الاستعمال داخل المدن واستعمال يومي

مواضيع قد تعجبك

  ::إنفينيتي تكشف عن طرازها السيدان القريب من الانتاج Qe وتعلن عن طرازاتها المستقبلية::

  نيسان تطور X-Trail وتجعلها أكثر قوة و حداثة

  فيديو: تغطية لكزس NX 350 فيس لفت موديل 2022

  مشروع مشترك لبناء مصنع بطاريات بين هوندا و LG

  نيسان تدخل تحديثات على Altima الشهيرة لتصبح أكبر وأكثر عصرية

  سوزوكي اليابانية تطرح سيارتها Alto الرخيصة والاقتصادية

  "تويوتا" تعلق العمل بأحد خطوط الإنتاج بسبب كورونا

  بمواصفات مدهشة ميتسوبيشي تطرح إكسباندر كروس 2023 نسخة "فيس ليفت"

  استفسار للمجربين واصحاب الخبره فقط عن هوندا سيفيك 2017

  تويوتا تطرح سيارة Yaris الرخيصة والمتطورة والاقتصادية

[CLASSIC]

حدك 100 ألف

انصحك تنتظر موديلات 2018

بعض السيارات بتنزل شكل جديد مثل الكامري والظاهر الأكورد بعد

وبعضها بتنزل تحديث فيس لفت أو زيادة مواصفات

وقتها ادرس الخيارات وقرر

[فيصل10014]

انا بالعكس ماودي ب 2018 لانها اللحين ال 2017 رخصت الا اذا فروق كبيره تسوى الفرق
لكن هي غالبا فروق بسيطه

[أبـوأسـد]

وعليكم السلام

بخصوص خياراتك

يبدولي أنك محتار بين فئتين سيدان متوسطة الحجم وسيدان كبيرة الحجم والمبلغ مقارب إلى 100 ألف تقريبا

نصيحتي الاولى شيل الامريكي من بالك فلا يتميز بالاعتمادية (قلة الاعطال) وسهولة الصيانة وجودة التصنيع مقارنة بالمنافسين الكوريين واليابانيين

ثانيا الخيارات اليابانية أفضل من الكورية من ناحية معدل أستهلاك الوقود والتكييف والتسارع وأيضا بالاعتمادية (لا اقصد الكوري سيء بل الياباني أفضل بالاعتمادية فقط طبعا بشكل عام وليس بشكل خاص فماركة عن ماركة تفرق)

فلذلك أنا اشوف المكسيما أفضل من الازيرا والكادينزا

واشوف الالتيما والمازدا والاكورد افضل من سوناتا أو الاوبتيما

لما نجي للاكورد سيارة راسية وفخمة الشكل لكن سعرها مبالغ جدا بها ولا تتميز بعزل مرضي للأسف

نجي للمازدا 6 فهي أنشط سيارة بالتسارع وأعتقد افضل سيارة من ناحية المواصفات مقابل السعر لكن يعيبها ليست واسعة بالخلف كالاكورد والالتيما كذلك داخليتها كئية للاسف لاعتماد اغلب اللون الداخلي باللون الاسود

نجي للالتيما هي أفضلهم بمستوى عزل وقد تكون أفضلهم بالمركب (اقصد راحة الركوب) وافضل سيارة استهلاك وقود بفئتها وداخليتها جميلة لكن المشكلة قهرتني هذي السيارة أن الفل كامل كامل المواصفات موجودة فقط في 6 سلندر فقط وليس 4 سلندر! يعني 4 سلندر الفل كامل يعتبر نص فل مقارنة بالمواصفات الي بالخارج! وهذا شيء مزعجني (بركة وكلاء وادارة نيسان الشرق الاوسط الاغبياء)
طبعا 4 سلندر افضل اقتصاد وقود من 6 سلندر وليس من الضروري اخذ 6 سلندر إلا ان كنت تبي القوة بشكل عام رغم أن الفخامة للأسف بالالتيما أغلبها في 6 سلندر فقط

نجي للمكسيما تم مدح عزلها كذلك وهذي عادة نيسان وأعتقد انها افضل سيارة تسارع بفئتها وشكلها رياضي جدا من الداخل والخارج (يغلب على المكسيما الطابع الرياضي اكثر من طابع الفخامة عكس الافالون)

طبعا البعض يرى ان قير CVT الموجود بسيارات نيسان مزعج وممل وانا اشوفه حلو للاستخدام المدني اهم شيء ان مافيه مشاكل وطبعا كان فيه مشاكل في موديلات 2013 و2014 واعتقد انتهت من تلك الفترة

طبعا الوكلاء كلهم مش حالك بالفترة الحالية لليابانيين! انخفاض مستوى هوندا ومازدا مؤخرا ونيسان منخفض مستواها من زمان لكن جت بترومين معها لعل وعسى يتحسن الوضع

طبعا توفر ورخص قطع الغيار خارج الوكالة بيكون الافضلية لنيسان أولا من البقية اليابانيين

أنصحك بتجربة السيارات أولا ثم تقرر وش الي ترتاح له أكثر وتشوفه أفضل لك

هنا موضوع اذا تبي تشوف معدل استهلاك الوقود

https://www.assayyarat.com/forums/t304752.html

ومصدر البحث للاستهلاك الوقود لكل سيارة هنا
https://www.sls.gov.sa/Pages/ar/Cons...facturers.aspx

[يا رب رحمتك]

..المازدا ممتازه
و لو تضيف الامبالا ستاندر افضل سعرها اذكر حول 80 كان عليها عرض

[khofisiz]

انصحك بالالتيما 4 سلندر فل كامل مع النقطة العمياء (ناقصه مقاعد جلد)
أو مكسيما ستاندر أيضا ناقصه مقاعد جلد وما تتوفر بالنقطة العمياء ولا حساسات لكن فيها كاميرا خلفية

[فيصل10014]

شكرا على الردود ياجماعه

ابو اسد... هذا تفكيري بالضبط خصوصا بخصوص السيارات الامريكيه ماتدخل لي بزور خصوصا الفورد والشفر مع انها موب شينه بس من الله
يعطيك العافيه عالمعلومات فهي اكدت المعلومات الي عندي

اذاً يبدو الان الاختيار بين الالتيما والماكسيما الستاندرد وبشكل اقل المازدا... لكن محتار بينهم..

التيما 4 سلندر فل vs 6 سلندر فل... وش ابرز الفروق؟؟

التيما 4 سلندر فل vs ماكسيما ستاندرد... ابرز الفروق؟ هل فرق السعر يسوى؟

التيما 6 سلندر vs ماكسيما ستاندرد؟

شكرا للجميع مجددا

[mohammed1368]

شكرا على الردود ياجماعه

ابو اسد... هذا تفكيري بالضبط خصوصا بخصوص السيارات الامريكيه ماتدخل لي بزور خصوصا الفورد والشفر مع انها موب شينه بس من الله
يعطيك العافيه عالمعلومات فهي اكدت المعلومات الي عندي

اذاً يبدو الان الاختيار بين الالتيما والماكسيما الستاندرد وبشكل اقل المازدا... لكن محتار بينهم..

التيما 4 سلندر فل vs 6 سلندر فل... وش ابرز الفروق؟؟

التيما 4 سلندر فل vs ماكسيما ستاندرد... ابرز الفروق؟ هل فرق السعر يسوى؟

التيما 6 سلندر vs ماكسيما ستاندرد؟

شكرا للجميع مجددا

اذا على كذا احصر خياراتك بين التيما v6 فل وماكسيما ستنادر

وشوف وش تبي انت جربهم وشوف تبي مواصفات ولا شكل والحجم الي يناسبك وبالتوفيق