تجربتي في إستخراج رخصة قيادة " يوم واحد فقط " 1436 - 2015

[‪Abdullah_Ali‬‏]

بسم الله الرحمن الرحيم
السلام عليكم ورحمة الله وبركاته
قبل فترة نزلت موضوع إستفسرت فيه عن إستخراج رخصة القيادة

رابط موضوعي السابق


أعرض لكم تجربتي بسم الله
بعد ما خلصت إختبارات الجامعة توكلت على الله رحت " جدة "
حصلت مدرستين في جدة واحدة بالشمال ووحدة بالجنوب

اللي بشمال في شارع فلسطين
واللي بالجنوب في حي المحجر قرب مستشفى الملك عبدالعزيز عند شركة نيسان

أنا رحت اللي بالجنوب وكنت جهال ان فيه مدرسة هناك على العموم

رحت الساعة 7 ولسى ما أبتدى الدوام أنتظرت عند البوابة بالخارج (( كانت مليان بالعمالة الأجنبية ))

المهم بعد شوي يقول حارس الأمن أدخلوا وأحط رجل إلى الإستقبال وأصف ثاني واحد

وأتفاجئ أن مافي موظف فقال لنا واحد من الموظفيين الدوام يبدأ 8 وربع

المهم جلست على كرسي بجانب كونتر الإستقبال بعد ماجاء الموظف سبقوني كثير وصفوا

أكلم أول واحد وأقول له انا من بدري هنا وصاف الاول لأن اللي كان قدامي راح

ويشهد معي شايب الله يرضى عليه المهم قدمت ورقة النموذج لأن أنا طبعت نموذح الرخصة من موقع مرور الرياض
وسويت الفحص الطبي وفحص النظر في ديرتي وفصيلة الدم وختمتها هناك

قلت له هذي اوراقي قالي هاك هذا النموذج الإضافي عبيه عبيته وقلت له هاك قال أعطني 4 صور شمسيه و صورة من هويتك والأصل قلت له تم وهاك دبسها مع بعضها وختم عليها بختم الإستقبال

وقال لي روح أختمها في محل الكشف الطبي اللي عندهم قلت له طيب ورحت هناك وقالبت واحد فلبيني مدري

بنقالي مدري هندي المهم جيت انا من الأوائل ماصفيت معهم قلت له انا ابي اختمها لأن انا مسوي الكشف من برا

قال لي لا مانقبل الكشف الا من هنا << انا عصبت وقلت منضم أوراقي وجايكم جاهز ومسوي الكشف من برا وتعبان اثاريكم ماتقبلون الكشف الا من هنا
المهم صفيت معهم وكنت الثاني من أوئل الطابور وقالوا لي واحد منهم ادخل قدامي

بما أني أعرف فصيلة دمي احتاجوا بس اختار النظر دخلت وسئلني عن اللي بالبروجيكتر وقال لي هذا الحرف وين
أتجاهه قلت واحد باليمين والثاني باليسار والثالث فوق قالي خلاص ختم ختم واحد ومنظم الطابر الهندي مدري

الفلبيني مدري البنقالي ختم ختمين وقالي روح شباك 5 في قسم المرور اللي عندهم ورحت له ولقيت عسكري ختم عليها ختم وقالي روح الميدان " تحديد مستوى " رحت الميدان انا واحد لقيت حارس الامن واعطاني رقم 2 المهم


انتظرنا لين جاء العسكري هذا الكلام الأن الساعة 8 ونص المهم طلعنا مع عسكري الله يحفظه في كامري عادي وطلعوا معي 2 سعوديين واح هندي المهم جاء دوري ولبست الحزام << ماخذ حذري


قال لي مو لازم قومت السيارة في واحد ودوبي عشكت الثاني الا وهو قال لي جنب وأعطاني على ورقتي " أ " المهم رحت للإستقبال قال لي روح شباك 14 وأدفع رسوم 100 ريال عشان تدخل حصة تدريبيه عن الاشارات وكيفية الإختبار

المهم دخلت الحصة التدريبية الساعة 9 ونص

أخذ من الإصالات اللي أخذناها من شباك 14 ودبسوا عليها صورتي

المهم أخذ الإصال وأعطانا ورقة كبيرة فيها أسئلة مرورية أو " ثقافة مرورية "

وعلمنا كيف يجي الإختبار وقال أي سؤال يجيكم فيه " جميع ماسبق " أو " كل ماذكر "

على طول إختاروه لأن مايبي لها تفكير وقال لنا راح نختبر على كمبيوتر لمس يشبه " الصراف الآلي "

قال لنا اليوم إن شاء الله راح تستخرجون الرخصة عاد أنا فرحت

أعطانا 10 دقايق مع الورقة نفهم الأسئله والإشارات والنقاط حقت المخالفات

المهم قال يالله امشوا معي طبعاً المعلم أو المدرس " باكستاني يجيد العربية ماشاء الله كثيف الذقن "

مشينا معه للميدان وقال اجلسوا هنا جانا واحد سعودي كأنه غامدي أو زهراني الله يسعده " حبوووب "

قال يجون معي أربعه مشينا معه وأخذ لنا لفه على ميدان الإختبار وكيفية إختبار القيادة " فحط عشان تاخذ الرخصة بسرعه هههههههههه "
بعد ما خلص منا قال روح الغرفة اللي هناك << ناسي رقمها هيه في الميدان

رحنا وأنتظرنا لين جانا واحد سعودي ثاني وناد علينا بالأسماء وأعطانا ورقة إختبار القيادة

انتظرنا وقال اللي يسوق عادي هنا واللي يسوق تماتيك يجي هنا اللي يسوقون عادي قليلين مرة يعني 5 او سته
معي
واللي تماتيك ماشاء الله كثيرين المهم قال روحوا للعسكري هناك تعرفت على واحد من ديرتي هناك كان يقول

العسكري الله يسعده دوبكم تتعرفون يالله أطلعو طبعاً العسكري " عسسسل " ومنا وفينا

المهم طلعت أنا أول واحد ومعي 3 ورا وكلنا سعوديين وأمورنا زي الحلاوة << انا قلت الله يعيننا على الميدان وعلى الطلعة والتلبيقة << الحمد لله انا اسوق لكن خفت ينشب لنا ويعقد أمورنا

المهم قال يالله عشق واحد ضغط على الكلتش واحاول اعشق مي راضيه كان يقول لي قدم المقعده قلت دوبي اعرف اني قزم قال بدري ههههه ضحكنا واعشق بالغصب عشقت معي << سيارة الهم الكلتش فيه رايح

قومت السيارة وحطيتها بالثاني وقال حطها بالثالث يوم جيت بحطها بالثالث نفس الطريقة مي راضيه تعشق معي

وحاولت المهم يوم عشقتها طلع صوت من القير << حسبت البلا فيني اثاريه في السيارة المخيسه

المهم مشيت فيها بالثاث شوي كان يقول جنبي ويسجل على ورقة 3 3 4 مافهمتها قلت

<<رحنا في كراعها ههههههههههههههه الكلمة هذي لاتمثلني هههه

طلعت معها وأثاريه نجحنا بدون ما نحوس في الميدان الله يوفقكه وييسر أمره قال يالله روح لغرفة 7 فيها كمبيوترات
أشبه بالصرافات الآليه طبعاً إختبار الاشارات الأن الساعة 11

دخلت الأختبار سهل بنسبة لي لأبعد درجة الحمد لله

الأسئلة 20 لا زم تحل فيها 15 سوال عشان تنجح المهم حليت 16 وأجلت 1

كذا انجحت في 15 سؤال طلع لي على الشاشة " نجحت إجتزت الأختبار "

قالوا لي بعد الظهر روح لشباك 6عشان تطلع الرخصة انا هنا هلكان صداع وحالة الله أعلم بها

جيت بعد الظهر الساعة 12:55 وتزاحمنا عند باب قسم المرور طبعا كالعادة انا من الأوئل

انتظرنا قرابت نص ساعة عند الباب بعد الظهر ولسى محد فتح الباب وزحمة أغلبهم أجانبي من الباكستنيين بعد

مافتحو الباب انا دوبي بدخل الا دفوني الباكستانيين بغيت اطيح على وجهي ويجرون للشباك << أنا ارفع صوتي
عليهم ومحد حوالي وامشي مشي سريع للشباك اللي انا ابغاه واصف 3 واحد المهم قالوا لي الرخصة حقت بعد نص

ساعة بعد كم دقيقة عرضوها على القزازه وقلت للعسكري اعطيني رخصتي

هذيك قال هات الإصال أبو 100 ريال << طبعا قبل لا أخذ الرخصة بعد ماطلعت

من اختبار الاشارات رحت لكشك جنمبهم وقلت له ابي اسدد رسوم رخصة قيادة

قال لي كم سنه قلت 10 ودفعت لهم 450 ريال

المهم وأخرجت الرخصة الساعة 1:30 ظهرا من نفس اليوم والحمد لله على كل حال وألف مبروك لي وكل عام وأنا وأنتم بخير وعساكم من عواده وتتربا الرخصة في عزيي ويالله بعسلامة


تعبت وأنا أكتب لكم تجربتي هههههههههههههههه
سامحونا على القصور وشكراً لكم
ايه وأي سوال انا حاظر

.
.

.

خلاصة الموضوع :
1) توكل على الله وروح بدري الساعة 7 ونص 7
2) أفطر واشرب سوائل كثير
3) جهز صور شمسية 5 بالكثير + صورة من هويتك ولاتنسى الأصل
4) الملف الأخضر ماطلبوه مني شيله احتياط لأن مدري عن سياسة المدارس الثانية
5) أفهم وذاكر وأختبر عن طريق الأنترنت هذا اختبار في موقع مرور الرياض جرب نفسك فيه :
هنـــــــــــــا
هذي الاشارات ونقاط المخالفات على وزارة الداخلية :
هنـــــــــــــا
6) حاول انك تتعلم على القير العادي أحسن لك تاخذ الرخصة بدون قيود
7) أدفع القسايم اللي عليك
8) الفحص ونموذج التقديم والأوراق كلها من نفس المدرسة

[bo 3low]

شكرا لك موضوع مفيد للي ناوي يطلع رخصة,

[أبو مؤيد]

اسلوبك في طرح الموضوع والكتابة ممتع

عشت الاجواء معاك هههههه

مبروووك الرخصة

[Mr.lOoOl]

مبروك الرخصه

[ARMADA xKINGx]

يعطيك العافية أسلوب جميل حسستني أني معاك
مبروك الرخصة
ومرجع جميل لمن يريد إخراج الرخصة

[bo 3low]

تم تثبيت موضوعك لتعم الفائدة


يعطيك العافية مرة اخرى.,

[رحاااااال]

مبروووووك على الرخصة

الله يحفظك

شي طيب الرخصة في يوم واحد

[ساري الليل]

اختيار مميز ونادر كلك ذوق
مٱننحرم من جديدكـ ألمميز
باقات ـٱلشكر