17اعجاباتلا يمكن برمجة المفتاح بطريقة يدويهالمشاركة الأصلية كتبت بواسطة Serej
قناة السيارات
لا يمكن برمجة المفتاح بطريقة يدويه
السلام عليكم اخواني
اخواني انا عندي سيارة كيا سيراتو 2015 .. والسيارة بس فيها مفتاحين يدويين ماجا معاها مفتاح ريموت
ابغى استفسر أقدر أسوي مفتاح ريموت للسيارة خارج الوكالة؟؟ .. لأن الوكالة طلبت 800 ريال
انا ساكن في جدة .. ياريت الي يعرف محل يخبرني فين
وشكرا لكم
و عليكم السلام
الواضح انه سيارتك أقل فئة و يمكن تكون غير مجهزة بجهاز إستقبال للريموت . تقدر تركب ريموت لها عند محلات الزينة في كيلو 2 أو شارع سلطان بن سلمان
السلام عليكم ... صباح الخير ... واسفة على التكرار بس ابي الخبر الاكيد تكفووون
انا عندي سيارة تاهو 2014 والسواق ضيع المفتاح مع الريموت ومافيه لها اي نسخة ثانية
ارسلت السواق وجاب عامل من محل مفاتيح وفك الباب وسوالي ريموت جديد واعطاني مفتاح جديد
السؤال :
هل المفتاح اللي ضاع ممكن يشغل السيارة ؟؟ لاني خايفة انها تنسرق الله يجزاه اللي يجاوبني يساعدني
الله يجزاه اللي يجاوبني ويساعدني
الله يخليكم جاوبوني بالتفصيل الممل اذا ايووه او لا
اذا ممكن تنسرق اش الحل؟؟؟ واذا لا فالحمد لله
جزاكم الله خير
السلام عليكم
اخوي انا عندي المفتاح عطل فيه الأيسي هل يتصلح او يتغير جديد علماً
باني ذهبت الي محل المفاتيح وافدني بتغير المفتاح جديد وبقيمة 1300ريال
السيارة فياقرا موديل2000
اختي الكريمة اسف على تاخري على استفسارك
اولا : انا قرات موضوعك المنفصل عن المشكلة مع ردود بعض الاخوان .
ثانيا : العامل عمل التالي فك قلب السويتش و فصل مفتاح جديد بواسطة المبرد وهذي هي االطريقة التقليدية المفاتيح الضائعة لكل السيارات اما الطريقة الحديثة فهي بواسطة ماكينات تعمل بواسطة الكمبيوتر تحتاج فقط لرقم الهيكل و تفصل مفتاح السيارة في دقائق معدودة .
ثالثا : بالنسبة للبرمجة سيارات الجنرال موتر بمجرد برمجة المفتاح فأنه المفتاح الضائع ينمسح من ذاكرة السيارة و يصبح عديم الفائدة سوى انه يفتح باب السيارة لكنه ما يشغل السيارة
و الان الحل المضمون لكي هو شراء lock set من الشركة و هو عبارة عن اقفال باب مع قلب سويتش بمفاتيح جديدة و بكذا لو احد معه المفتاح القديم لن يستطيع فتح السيارة و لا تشغيلها اتمنى تكون الاجابة مفيدة
روح لمحل تصليح اجهزة الكترونية اذا قدر يصلحه شي طيب اما اذا ما صلحه لابد من برمجة مفتاح جديد .
السلام عليكم
عندي نافارا 2008 بدون دبل
المشكلة في الريموت تبعه حاولت ابرمجة مافيه فايده ..
رحت لمحل متخصص في برمجة الريموتات يدويا وباستخدام جهاز برمجة متصل بالسيارة .. لكن يقول لا يمكن برمجته ولا فيه اشارة ربط بين الريموت والكمبيوتر ..
حد يفهم في الكمبيوتر تبع النافارا ؟؟ يمكن يكون هو السبب ! او جهاز الريموت المرتبط بالكمبيوتر !
ابغا اي شي يوصلني لحل هالمشكلة الله يعافيكم
اللي عنده الحل لا يبخل علي فيه للأهمية
