المشاركة الأصلية كتبت بواسطة ferasfu
السلام عليكم ورحمة الله
أنا من المعجبين بالامبالا وقريت كامل صفحات الرابطة
بالنسبة للأخ اللي معه LT معها فتحه من أي وكالة طلعتها جزاك الله خير؟
وعلى فكرة اللي يقول مواصفات الجميح والتوكيلات نفس بعض فهو غلطان ، أنا رحت للتوكيلات عندهم الـ LT داخلية لون واحد (رصاصي سيء نوعاً ما) + أعتقد إن خلفية الموتر تشبه الـ LTZ من ناحية الشكامين تجي معها كروم (ماني متأكد) + السعر 111,000 لغير اللؤلؤي والأحمر الكريستالي.
أما الجميح خلفيتها عادية مثل الـ LS لكن الداخلية تجي لونين رصاصي (مثل التوكيلات) أو بني (خورااافي) + تبريد وتسخين مقاعد. والسعر لغير اللؤلؤي 114,000 واللؤلؤي 118,000.
بالنهاية أنا معي كورولا 2009 (كورلا تبع العائلة
) + طالب جامعي + الوالد عارض علي موتر بحدود 100.
تتوقعون الموتر مناسب لي خصوصاً الـ LT ؟ لأن الـ LS ماتجي بكاميرا ولا حساسات وأشوفه شي مزعج على سيارة كبيرة.
أما الـ LTZ سعرها عالي ، هل في احتمالية لانخفاض الأسعار إذا نزلت موديلات 2015؟
أيضاً الله يجزاكم خير وين الحماس اللي كان في بداية الرابطة (خصوصا الأخ إماراتي rak وahmed وعبدالرحمن ولايهونون البقية)!!
+ إذا كان عندكم اقتراح لموتر أفضل لعمري (رايح لمستوى خامس هندسة كرف شوي
)يعني يكون موتر جميل ومريح وما أغير فيه إلا الزيت والفحمات ولا فيه خرابات