كيف الحال ياخوان مدري هالرابطة هدوء اتمنا انه مايسبق العاصفه
السلام عليكم ورحمة الله وبركاته
حيالله كلن باسمه
اشكر كل من ساهم في انجاح هذه الرابطه العزيزه على قلبي وعلى راسهم اخوي عدو الحرميه والهريش وبقية الاعضاء
وحبيت اشاركم بهاذي التجربه وهي :
كانت بدايه رجه خفيفه من 110 الى 115 توقعت انها مسألة ترصيص رصصت ارضي مافي فايده شيكت عل الكفرات سليمه وجيده فحصت السيارة من اسفل وجدت فضاوه بسيطة جدا في عمود الدبل طبعا المشكله تكمن في صلبان العمود
رحت الحرامي اقصد الحمراني سألت عن الصلبان قالي الواحد سعره مايقارب ال 200 ليش ووش هالأسعار صليب لا راح ولا جا قطعة حديد قال تبي ولا توكل على الله قلت لا اتوكل على الحي القيوم وبعين الله فكيت العمود بنفسي وهو سهل جدا جدا جدا لا يستغفلونكم هل العماله التعبانه اربع مسامير قدام واربع ورا مفك 14 وووبس واسحب طبعا فك الصليب اسهل واسهل فك التيل جمع تيله اللي في الصليب وووبس وبضربة شاكوش على اطراف الصليب ويطلعلك الصليب واللي مايبي يتعلم ويشتغل ودها للمكنيكي ولا ياخذ عليك اكثر من 70 ريال وذا قالك يبيلها مخرطه وكبس تراه نصاب وبياكل دراهمك
طبعا اخذت صليب شد البلد وكر وفر في الصناعيه ادور بديل وياالله العون ويالله تيسيرك منا ومناك ومر ذا المحل وطبق القطعه ووووو وياسلام بيض الله وجهك يابويمن ووش تتوقعون القطعه اللي طبقت صليب فوورد فكتوريا موديل 99 وطالع طبق الأصل وسعرها كم تتوقعون 45 ريال اصليه ولا فيها مشحمه بعد والله واخذ حبتين ب 90 ريال بس وغيرهن وطلع الموتر تمام التمام بفضل الله سبحانه وراحت الرجه والان مشيت عليه مايقارب الألفين ولا شفت منهن شيئ
الخلاصه :
*وجود البديل مهما كان لا كن يبيله شوية صبر وتعب
*توفيير اكثر من 70%
*اكتساب خبره
* الأدوات المستخدمه ( مفتاح 14 + زراديه ام لسان + شاكوش )
وسلامتكم
والعذر ان كان طولت عليكم
اخوكم ابومهند
بيض الله وجهك يالمنبجس والحاضرين
وبارك لك في نفسك ومالك وعيالك والله يوفقك لما يحبه ويرضاه .
اخوي المنبجس ياليت امكن
تشرح بالصور او رسم اسفل السياره وتوضح شغلك الله يعطيك العافيه
بسم الله الرحمن الرحيم
السلام عليكم ورحمة الله وبركاتة ,
اخواني اشكر الجميع على المجهود الجبار في انجاح هذا الموضوع وعندي استفسار بسيط
عندي السماعه الكبيرة الي في الاخير مره اذا شغلت المسجل يطلع منها صوت طرطره كانها منشقة وين تنصحون اصلحها فيه وكمان عندي صوت يطلع وراء بعد ما امشي مدري هل هو في الديكور او في الباب الخلفي ...ابغى مشوركم ونصايحكم...انا في الانتظار
ياسلام عليك يابو مهند الله يعطيك الصحه والعافيه ياليت تزودنا بالصور لموقع الصلبان فقط.
[COLOR="rgb(139, 0, 0)"]هذه طال عمرك اسمها ربلات اسباليزلر Asthbliser وتجي حبتين قدام تركب يمين ويسار قدام الشاص وسعرها في الوكاله 19 ريال للحبه وعندي منتهيه مره وناوي اغيرها الاسبوع القادم انشاء الله وهي تعتبر من القطع الاستهلاكيه قصيرة العمر والتحمل وعندي واحد من الزملاء رهمها بربله اقوى ابحاول امر عليه ممكن تصير افضل من حقة الوكاله وهي تسبب طقه خفيفه في المطبات او عند المنعطفات اذا مريت بمطب كذلك وتقدر تشوفها بالعين المجرده اذا لفيت الكفر للخارج وبالله التوفيق.
[/COLOR]
ياشباب اش رايكم في كفر الوكاله بيف قود رش ماتلاحظون ان الكفر تصميمه حجري وقوي على السياره في شوارعنا المصممه من الرخام هههه جبت لكم الحل يأنك تنزل الكفر اقل من 30 بي اس اي والله يعينك على صوايح الكفر عن اللفات او تغير كفر شاهين سوميتومو ياباني مقاس 275 * 70 * 16 وعطيك نفس مقاس الوكاله 270 * 70*16 بصراحه كفر خرافي لين وناعم ماله صوت والتراكشن بي والتمبرتشر ايه وسعره حوالي 600 ريال للحبه وانا مجربه مستعمل من خويي وتاريخه نهاية 2008 وماشاء الله روعه لا ومليان رقع بعد ولكن راح اركب جديد عن قريب بإذن الله فبالمناسبه حبيت اعطيكم رائي عن الكفر لاني تعبت وانا ادور كفر لين على الموتر وناعم في السفر وممكن فيه احد من الزملاء يعاني من نفس المعاناه. ولكم تحياتي.
بيض الله وجهك أخوي الهريش وما قصرت .....