رابطة ملاك ومحبي باثفندر الجيل الجديد ( استشارات وتبادل معلومات )

[الهريش]

اخوي الهريش
الله يوفقك ويسر امورك
ابسالك عن النور خبرك النور ضعيف وانا راعي خطوط
هل النور اللي ركبته اضاءته جيده وانطباعك عنه واتوقع ان المشكلة من الاصطبه نفسه شف نور الكامري م 2002 كيف قويه هي والفكس ار م97 وتحت

جزاك الله خير اخوي طبعا يشترط ان القزازه الخارجيه للنور ماتكون مرمله ولاعب فيها السافي.
انا بنفسي لما جيت اركبهن في البيت ركبت وحده فقط وقمت اشيك الفرق بينهم على جدار البيت وفي طريق مظلم فعلا فيه فرق بين الثنتين وعلى كذا عزمت وغيرتهن كلهن وبصراحه فيه فرق ولكن لايصل درجة الممتاز ولكن سعرها الثنتين (50) ريال لو ماعجبتك منت خسران انشاء الله لكن للمعلومية انا لما رحت اشريها ماحصلت الا 9107 ونفس قوة الواط لان بايع القطع صرح لي ان مايجي 9007 الا الكوري وتأكدت بنفسي وقلت ممكن يكون خوينا غلطان في الرقم وبالله التوفيق.

[سالم ef]

مشكور أخوي الهريش على ردك الوافي و لكن انا بحفر الباطن , وماأتوقع في فروع لون ستوب , متأكد أخوي أني ماأحتاج صيانة للسيارة قبل 40 ألف ؟ لأني مرة قريت بهالمنتدى واحد أهمل صيانة العشرالاف , وبعدها بفترة صار معاه مشكلة بالسيارة وطلب منهم الصيانه لكنهم رفضوا وقالوا ليش ماجبتها للصيانه حسب المواعيد مثل 5000 , وبعدها 10000 و هكذا بالله لاهنت أكد لي على موضوعك , ويعطيك العافية .

[waleed888]

اخواني ابي شوركم يالغاليين
معروض علي باثفيندر 2009 ماشي 30 الف كم
كم يسوى ؟؟؟؟
مع العلم انه معروض علي ايضا ارمادا 2008 وممشاه قليل مثل الباثفيندر ؟؟؟
ابي نصيحتكم وخاصة من ناحية المكيف بعز الظهر وكذلك من ناحية الراحة بطرق السفر وهذه اهم شئ عندي علما ان عائلتي صغيرة .....
شاكر ومقدر لكم تعاونكم واتمنى ردكم باسرع وقت يالغالييين ....

اخواني ابي شوركم تكفووون وبكل امانة وحيادية محتاج لرأيكم يالغالييين

[باثفايندر2006]

اخواني ابي شوركم تكفووون وبكل امانة وحيادية محتاج لرأيكم يالغالييين

اخوي وليد مااقدر افيدك كثير عن نفسي معي باثفايندر 2006 ولو معي قروش الموديلات الجديده كان شريته لانه مافيه حسافه فيه هالقروش راحه ورساوة وقطع غيار مناسبة وعزم ماشاء الله لي من ناحية الباثفايندر الشكل القديم قطع غيار نار ومشاكله كثيره اما من ناحية مكف اشوف تكييفه عادي وترا الحر اللي عندنا يذبل الحديد وكان معي ددسن 2010 تكييفه مره حلو يمكن يختلف مع الموديلات الجديده
اما الارمادا فاسمع عنه انه وطب لكبر حجمه وانت بالخيار والله يسر امرك ويرزقك الرزق الوسيع
هذا ماعندي واتمنى اكون افدتك

[بو فياض]

اليوم طلعت بالسيارة للوكالة عند الدائر الجنوبي بالرياض لصيانة 40 الف 783 من غير تغير الزيت
وقال لي المهندس ان في غسيل للمواسير للمكيف والمكينة وغيرة مثل الغسيل انا خفت وقلت له ما ابغي تسوي الغسيل وقام يمدح فيه كالمعتاد وسعرة يمكن 800 ريال في احد عمل الغسيل وشرايكم بالموضوع نسوية على 50 الف او ما تنصحو فيه

[قناص محترف]

اليوم طلعت بالسيارة للوكالة عند الدائر الجنوبي بالرياض لصيانة 40 الف 783 من غير تغير الزيت
وقال لي المهندس ان في غسيل للمواسير للمكيف والمكينة وغيرة مثل الغسيل انا خفت وقلت له ما ابغي تسوي الغسيل وقام يمدح فيه كالمعتاد وسعرة يمكن 800 ريال في احد عمل الغسيل وشرايكم بالموضوع نسوية على 50 الف او ما تنصحو فيه

أنا عملت صيانة 40 الف في شهر خمسه الماضي وعملت غسيل معده اسف اقصد غسيل للمكيف والمكينه والامور طيبه مع اني لم الاحظ فرق بعد الغسيل .

[أبورائد القصيمي]

شباب

قبل فتره كنت رافع الموتر كم سانتي. بعد ما نزلته طلعت صرصرة تطلع مع ادنى ادنى مطب

الصوت يطلع قدام يمين

فكيت جلب البودي وشحمتهن وما راح الصوت

شحمت قفل الكبوت. وما راح الصوت

غسلت السيارة بستم وما راح الصوت


المساعدات جديدة. والياي هو نفسه الياي اللي كان موجود قبل ما انزل الموتر


فيه احد صارتله نفس مشكلتي ممكن يفيدنا ؟

والله مشكله تضيق الصدر وما تحتمل ابد


أفيدونا مشكورين

[فوزان2008]

اخواني ابي شوركم تكفووون وبكل امانة وحيادية محتاج لرأيكم يالغالييين

.

السلام عليكم ورحمه الله وبركاته
أخوي السعر يعتمد على أشياء انت ماذكرتها مثل الون والمواصفات وهل حايه صدوم ولا لا المهم اذا كان لونه حلو ولا جايه صدوم ومواصفات نص فل se اتوقع مابين 88 الى 93